Translate

年關難過

有所謂「年廿八,洗邋遢」,但今年的年廿八正在星期一,就算不用上班自問亦沒有這個本事一天內完成大掃除這個艱巨的任務,故此這個星期六就已經開始作業。作為熱身,首先是打掃房間,明天才輪到飯廳和客廳 (aka 模型架步)


下圖:睡床一角早放滿陪我入眠的模型,收拾好後就要靠數綿羊了。



下圖:其實我保持地方企理的秘訣是把枱面的空間都放滿模型,因此枱面是一塵不染。大掃除後的枱面難免惹塵埃,大苦也!



下圖:壽屋那幾個格納庫仍是擱在客房等噴油,希望等到鼠年會輪到它們。



下圖:大學時的筆記功課等,離開校園十年後的今天終於決心棄掉它們。但最精彩的那些筆記及計算仍是捨不得掉。話雖如此,今次掉的這批舊筆記所騰出的空位也足以夠我放多幾年的 Hobby Japan



下圖:連同碎掉的舊書信賬單等,只是八袋垃圾...



下圖:與及其他廢紙而矣。


9 則留言:

  1. 近來小弟亦整理自己物品...發覺可以騰出好多空間同方便管理....
    [版主回覆02/05/2008 11:27:00]你有打算將騰出的空位放模型啊呵

    回覆刪除
  2. 我都打算大掃除...不過真係無從入手...要慎重考慮...
    [版主回覆02/05/2008 11:28:00]小心諗到鼠年年廿八喎!

    回覆刪除
  3. 我已經開始咗大掃除好多日喇, d 嘢掃極都掃唔完, 又要刷地, 又要扮空中飛人抺窗...真係攰到死....d 未砌嘅模型就用報紙當禮物咁幾盒包住一齊; 再放入床下底當睇唔見......
    [版主回覆02/05/2008 11:30:00]你都算有尋寶大發現,應該幾有樂趣的(雖然會好攰。)

    回覆刪除
  4. 麻甩仔係咪事必要將d野hea到通屋都係呢?唔覺得咁亂會住得唔舒服架咩?如果突然有客到咪好論盡?
    [版主回覆02/05/2008 11:32:00]我好有分吋嘅,咸碟會放好好,以防有客到

    回覆刪除
  5. 天啊! 我仲有排執啊!
    最慘模型整到一半, 都唔知執唔執好...
    [版主回覆02/05/2008 11:33:00]執喇,企理的工作環境會有助作業架!

    回覆刪除
  6. 我都費事汁....
    [版主回覆02/05/2008 11:34:00]有阿媽執真幸福

    回覆刪除
  7. 嘩, 間屋可以hea到咁亂, 真係羨慕~~ 孤家寡人有呢度好!! 小弟執o左幾日屋都未執完.... 天氣又凍, 抹o野真係凍到手都彊埋!!
    [版主回覆02/05/2008 11:37:00]係喎,香港這幾日好凍,做家務的確幾悽涼,尤其是男人唔慣戴膠手套做家務。

    回覆刪除
  8. 唉.....我到今日重未大掃除,見倒你咁我都要加油至得啦......
    [版主回覆02/05/2008 11:38:00]要啦,一年一個年廿八!

    回覆刪除
  9. 我都 打掃 咗成日啦 , 想死咁擠呀 , 老友 !
    [版主回覆02/05/2008 11:39:00]正常人會在 打掃後很有滿足感的

    回覆刪除