Translate

09元旦素組第三

跟風玩完08年回顧之後,又跟一次寫一篇09第一啪。(明明大頭是首先啪起,都唔知點解有啲海鮮會話自己係第一!)這部 VF-25S 是在多倫多買的,所以價錢一點也不便宜,但見這個聖誕節已經超支了不少,所以也不必在意那稍高的價錢。因為早已知道這部變型戰機十分不適合整體噴油,所以從一開始就決定只會作局部上色。(無獨有偶,02年聖誕買的 MG 閃光高達也是用了局部上色去處理。)故此在剪出部件時格外小心,盡量避免要事後需要上畢地修補,所以雖然心急想素組起來,但素組的時間仍然比一般為長,但仍趕得到在元旦日組合起來。



完成素組之後,發覺笨大的技術已經明顯超越了長谷川。模型的刻線質數比長谷川好和平均,在夾口一事上笨大更加比長谷川優勝(印象中我未砌過一架長谷川飛機的透明艙蓋會如這部 VF-25S 的艙蓋般緊密。)話雖如此,笨大對於出飛機仍未在行欠缺經驗,例如這部 1:72 飛機的起落架就大得好像 1:48 的起落架般。而前起落架的主支柱竟然是在收納艙中央伸出來的!



話分兩頭,以 4500 日元的模型而論,個人覺得不值。原因不是笨大食水深,而是因為河森的設計很有問題。無疑這部飛機的設計很好,但到機械人的形態時就乏善足陳,比例不均和左堆右砌,還是保持飛機狀態順眼得多!故此用 4500 日元買一部只留於飛機形態的笨大模型真的好很貴!至於那介乎飛機和機械人之間的形態本來也不俗,但整個變型系統令到所有形態都有點「甩甩漏」的感覺,不提也罷!所以故事中另外的三部機,恐怕與我無緣了!


17 則留言:

  1. 有啲海鮮係边個? 大頭果隻係08年嚟果喎??
    呵呵呵. .好彩我無咁高入貨.
    [版主回覆01/03/2009 22:28:00]係喎,原來佢哋兩篇差了差不多兩日,蟹蛇卻話遲啪了半日

    回覆刪除
  2. 哦! 以為你講魚翅, 原來係隻蟹, 不過我無睇錯嘅誤話, 佢真係09第一啪嚟! 大頭果隻係08最後一拍至真!
    [版主回覆01/03/2009 22:29:00]魚翅都冇乜搞非高達的模型。

    回覆刪除
  3. 飛機形態好好多, 機械人形態好脆弱
    [版主回覆01/03/2009 22:33:00]其實受累於變型,飛機形態時表面有很多位難以完全互相緊貼扣好。所以還是那一句,作為擺設模型,還是不能變型的好!

    回覆刪除
  4. 聽講話阿蝦同巨首係同一日入架﹗
    睇你篇野,真係食緊飯都哽死,都係松哥心水清,還海鮮一個公道。
    [版主回覆01/05/2009 00:11:00]阿松哥又真係心水清連篇嘢幾時出都有留意

    回覆刪除
  5. 仲有,隻海鮮果日名乎其實變左「軟腳蟹」,日子都唔識數了……
    [版主回覆01/05/2009 00:11:00]可能係你瞓到天昏地暗吧!

    回覆刪除
  6. 依隻我當玩具玩,飛行型態點都係等長谷川。
    [版主回覆01/05/2009 00:14:00]現在 Macross Frontier 個模型生產權落在笨大手上,長谷川想出亦未必可以,而且今年長谷川又加入了 MaK 的行列,都不知到能否成事。

    回覆刪除
  7. 我就覺人型太高瘦了~ 希望之後出的重甲型會好一點吧!
    [版主回覆01/05/2009 00:16:00]個人覺得就算重甲型態時,還是飛機型態好

    回覆刪除
  8. 好耐無過黎!
    剛收到你的月曆,謝謝
    1月出的透明外甲版唔會加價,但唔知貨量多唔多。
    [版主回覆01/05/2009 00:21:00]別客氣,貪得意矣
    今次這個鋼模的水口位就好似傳統的做法,沒有如現在電鍍件般把它收起來,所以透明外甲真會磨死人,拋光拋死人

    回覆刪除
  9. 笨大而家 d 模型真好正.....無以前整得咁辛苦.....
    [版主回覆01/05/2009 00:22:00]笨大的模型真是越來越進步!

    回覆刪除
  10. 針冇兩頭利,飛機形態要修長又靚,變成機械人不免手長腳長咁不合比例.我諗河森都知道自己最好的設計就是 VF-1. 唔知你買0左幾銀呢,不過香港0岩0岩出時比人吹到限量出品又冇貨,$650一隻都有人買.個價錢可以買隻YAMATO 1/48了(又有型又好玩 )~
    [版主回覆01/05/2009 00:26:00]其實手長腳長的問題在設計階段是可以修改得較短而不影響變形的,但河森就喜歡把它設計成這樣!
    BTW,我都是差不多 HK$650 入的

    回覆刪除
  11. 熱度已過... 睇下三月重裝甲點先算...
    [版主回覆01/05/2009 07:28:00]仲要睇下到時的經濟環境

    回覆刪除
  12. I just guess...........as Fast pack and Full Armor pack got to release later, so............right now the robot mode got to be "thinner"!!!!
    [版主回覆01/05/2009 08:01:00]若然如此的話,河森連誰是主誰是客也分不清楚。無理由用機械人主體去遷就 Fast Pack 或 Armour Pack,那是反客為主的做法。

    回覆刪除
  13. 呢隻係 深水涉 見到好平$256本來想買!但諗諗佢可能會再出套甲就無買到囉!
    自己無乜砌飛機模型所以無乜研究邊間廠出得好,睇完你對答,就有所得著囉 !
    [版主回覆01/05/2009 08:23:00]$256 即 5.6 算,看看笨大現在的技術水平也不錯,始終這模型與高達模型的著眼點略有不同,現在一般 MG 高達模型集中在骨架活動和外形,這盒塞則要兼顧三個變形型態的同時又要可以加外置裝備,的確有點新鮮感。(話時話,我現在仍想不到笨大會如何加那 Fast Pack 裝備。)

    回覆刪除
  14. 點解我會變左做巨首~~~ btw 呢兩隻我都有入~~~機械人型態真係拉長左 d... 不過今期 model graphic 改到個比例好正... 仲有教學...師兄可以參考下....
    [版主回覆01/05/2009 08:41:00]入了兩隻  我啪完一隻都有點嫌煩
    讓我估一估,MG 中改造了的 VF-25 是不能變形的?!

    回覆刪除
  15. Depends la............!!! In the animation, they are really using the fast pack and full armor more frequent than "just" the normal form. (just I feel la!!) Espeically the last chp, except last shoot, 男主角 keep using "pack" to 耍帥..........! From Bandai of view, they "may" feel that the model got to fit all mode.............., so that 犧牲 the outlook of normal robot form...........!!! BTW, same as 大頭   brother's suggestion, this vol of Model Graphic having a good guide on modification the robot form, that can be used as referenec!!! 
    [版主回覆01/06/2009 11:51:00]也許你是對吧,反正我只是消費者,在這個角度下要俾¥6500才有一個似樣的機械人的話,河森未免太狼死。

    回覆刪除
  16. MG 改短了手臂 3mm,另外換了股關節 和加了個腳眼關節.使大脾可以分開更睇落矮左兩寸. $650 ....你果然仲對模型好有熱忱 另外想知隻VF 25玩兩下易唔易爛呢?我怕變2次形就玩完
    [版主回覆01/06/2009 11:47:00]笨大做得相當不錯,至今我變了五六次亦未有跡象會爛,所以只要小心的話,應該可以捱到上色之前。ABS 膠上了色後就不清楚了

    回覆刪除
  17. Victor 兄已經 post 左幅圖... 係咪靚仔好多呢~~~買多隻返黎改吧咧~~~
    [版主回覆01/06/2009 11:29:00]你都好魔鬼喎

    回覆刪除