Translate

未硬

昨天知道這幾日會稍暖,零下五度左右不至於凍到人也硬了,所以晚上找出一對溜冰鞋來計劃星期五放工後去溜冰。不過早上返工前才記起自己不懂溜冰,所以還是帶相機外出便算



下圖:早上回到公司一見,天朗氣清,麗都運河(Rideau Canal)上十分平滑,絕對是溜冰的好日子


下圖:下月舉行的冰雕節場地正在準備當中。


下圖:放工後卻不見有人在河上溜冰。


下圖:河上的小屋是租溜冰鞋的地方。


下圖:另一端的河道也是冷冰冰。


下圖:原來今年封了一小段河道,不過仍有超過七公里長的冰可以溜


下圖:Bienvenue!


下兩圖:這段大直路也有一公里吧?!旁邊的建築物是 University of Ottawa 的部份,
所以溜冰的人不少是後生的;當然,我是指後生靚女啦!


下圖:就是如此這般落場換鞋的。


下圖:河道兩旁其實是跑步徑,據說徑內叢林積了雪便成了越野滑雪的地方。


好自然地我沒有行畢那七公里路,所以之後就從另一邊的河行回市中心。


下圖:這些燈飾未免太早著了!


下圖:有沒有人可以教教我,怎樣調校部相機才不會影成大背光?


下圖:Rideau Canal 的盡頭處是 Ottawa River。


下圖:Ottawa River 的彼岸是魁北克省。


下圖:國會,一個背光的國會


下圖:上圖左下角的火是出自這裡;從相中看也不怎樣,但現場就好大陣燃氣的臭味!


下圖:還有廿一日四小時十二秒就到溫哥華冬季奧運會了。


回家途中終於試了一間每日都經過又已想試了幾個月的快餐店。令我感興趣者是野牛漢堡包(bison burger)。一試之後發覺其實與稍好的漢堡包是差不多味道,質感可能還稍粗,而店內售的 poutine 又太鹹,所以可以不必再去了!

10 則留言:

  1. 這裡很少人不懂溜冰, 我想你指的是花式溜冰吧?
    [版主回覆01/23/2010 10:09:00]花式溜冰我反而識呀,不過只限於四腳朝天一式!

    回覆刪除
  2. 可以溜冰代步都幾過癮...
    [版主回覆01/23/2010 10:10:00]的確有不少人如此溜去市中心或返大學。

    回覆刪除
  3. 溜冰我也會但20年沒玩了,讀書時才有玩,不過今年我可能會教我個仔玩
    [版主回覆01/24/2010 11:15:00]是不錯的親子活動來的。

    回覆刪除
  4. 點解d景可以咁靚嫁
    [版主回覆01/24/2010 11:15:00]等天氣好自然就景靚 

    回覆刪除
  5. 要先講下測光原理~~ 測光既方法係根據畫面入面光同暗佔既分佈去計算, 得出黎既結果就會影響你相機顥示既測光值, 如你在光圈先決既情況下會影響你既快門, 快門先決下就影響光圈! 好啦, 咁點解你影呢類背光既情況下會咁呢? 因為係測光既時候, 你畫面入面有大概 70% (參考only) 既地方係光(天空部份), 咁測光既時候佢就會斷定成個環境係光, 就會加快快門或者收細光圈去避免相片過曝, 相反如果畫面入面有大概 70% (參考only) 既地方係暗佢就會減慢快門或者開大光圈去吸多d 光避免曝光不足! 而測光既方法其實有分好多種, 你咁既情況應該係用左全景測光, 顧名思義就係成個畫面去測光, 咁就好易出現上面我講既問題! 係呢個時候你可以用點測光, 咁佢就只會用中間果點去做測光, 例如你果張風景相如果用點測中間座建築物, 咁佢就會調節你既光圈快門組合令到建築物曝光正確! 但可能建築物曝光正確個天又過曝等等, 係呢個時候你就要靠+/- ev 去調節光圈快門組合令到兩者既曝光得到平衡. 但咁樣出黎張相就會好平均無咁光暗變化, 所以就有人發明左一 d 有漸變顏色既filter 去解決呢個問題, 如果好似呢類光差咁大既環境就要準備一塊"漸變灰" 既filter. "漸變灰" filter 係一塊上半部份深色漸變做透明既膠片, 當你裝左落鏡頭前面深色部份會減弱光既穿透. 套用返係你個case, 如果裝左漸變灰你天空部份因為吸少左光, 如果用返你而家既光圈快門組合天空就會有少少under 而出到個深d 既藍色, 但建築物部份都仲係under. 但如果你+ev 或者點測建築物, 你出黎張相就應該會做到天空漸變藍色但建築物又唔會under 既情況了~~ 所以如果會成日影風景一塊漸變灰係唔少得的~ ps. 如果想要千其唔好係外國買, 強國出品便宜又實惠, 但只會係鴨記出現~~
    [版主回覆01/24/2010 11:17:00]明哂,原來那個掣是這樣用,有機會一定試下。謝過大師,請受我一拜 

    回覆刪除
  6. 但有陣時藍天同建築物剪影出黎感覺比較強烈, 所以好多時都唔多理
    [版主回覆01/24/2010 11:21:00]暫時唔多理住,先等我試好測光先 

    回覆刪除
  7. 自從上次去韓國滑左第一次雪, 就已經愛上了~ 可惜下一次都唔知等幾時了...
    [版主回覆01/24/2010 21:31:00]你總有機會的,放心。第時當起好高鐵之後,不用 72 小時就可以在轉十多次火車後去到大東北滑雪了!

    回覆刪除
  8. 查實"大背光"係因為你企個位置+光源角度(太陽) 真係大背光... 解決方法最好係換角度 / 等順光時再影. 調高曝光時間, +EV 就會令到天空over時變到白矇矇
    [版主回覆01/25/2010 09:09:00]謝,有機會要試試調高曝光時間校大 EV 這方法了!

    回覆刪除
  9. 在咁靚的環境溜冰,一定爽死!!
    [版主回覆01/26/2010 11:00:00]小心分心就名符其實 PK 了 

    回覆刪除
  10. 下月舉行的冰雕節...會唔會有相睇呢?
    [版主回覆01/27/2010 07:26:00]如果冰雕節如期舉行的話,多數會有相睇。不過昨天有零上八度,今日也有零上三度,無人可以寫包單今年的冰雕節會發生甚麼事!

    回覆刪除