昨天一回家就收到這盒剎帝拿了，這已是第三次了。模型在十月中一出我就在十一月頭到了手，不過那盒剎帝拿是作為我姨甥的聖誕禮物，所以儘管心癢也沒有拆開它。後來終於忍不住又訂了另一盒，但這第二盒到手後又因某原故轉讓于他人，那心痕還沒有止過。結果昨天一收到這盒屬於自己的就急急素組了；前後也要超過七小時才啪起這 270 多件零件！
因為我姨甥也有同一件模型，但這是他第一次砌笨大的產品，所以我就趁自己素組時影了些相又把一些基本資料寫於 blog 中。不過我這姨甥除了麻雀上的中文字看得懂之外，其他就無能為力了。故此我是把那些素組基本資料用番文寫在另一個卜中，做了一趟 丫烏卜的二五仔 
另外，今日又收到滿以為會在聖誕前收到的三盒模型。巧合者是，其中之新安州是我的第二盒，而第一盒新安州卻作為聖誕禮物送了給我另一個姨甥。又巧合者是，他也是第一次砌笨大的產品，也是只看懂麻雀上的中文字。看來我的素組還沒有完結，我的無間道仍要做多一次 
唔怪得知你都要咁多月曆啦...
回覆刪除[版主回覆01/07/2010 12:09:00]也不過是坐底十六個吧
我...真係冇幾何將自己想要好耐o既野(模型), 自己都未買就買黎送俾人.
回覆刪除地理堂兄~我真係對你另眼相看
[版主回覆01/07/2010 12:14:00]我的貨倉中不乏全新模型（新安州只是其一），證明我不至於會無嘢砌。事實上我仍有其他模型趕住砌，送出一盒半盒也無相干的
無間道
回覆刪除[版主回覆01/07/2010 12:15:00]就係無間道
睇嚟我喺你心目中嘅地位同你Ｄ姨甥仔差不多, 真係受寵若驚.
回覆刪除又,唔怪得你問我送唔送模型做聖誕禮物比果個我都三唔識七白賴仁啦.
[版主回覆01/07/2010 12:16:00]唔，原來我心目中係當你有病嘅
為左導姨甥入魔途，你都不遺餘力喎！
回覆刪除[版主回覆01/07/2010 12:18:00]查實除了模型之外，剪鉗砂紙等也一應附送的。
666 是 Bandai 近期佳作，奈何太大隻，而且除了加 detail 外實在難想到可發揮的空間，還是算了。
回覆刪除[版主回覆01/07/2010 12:19:00]你就係唔肯老老實實去砌一盒模型！
最緊要就係買果個HAPPY，收果個LIKE嘛
回覆刪除[版主回覆01/07/2010 12:24:00]以前折現我仲開心呀唔駛煩，今趟又要諗又要訂又要包，郵寄仲要遲到
我有去呃呃騙騙砌一盒模型嗎？
回覆刪除[版主回覆01/07/2010 12:30:00]你將一盒模型砌得比原本的好，在某程度上帶有誤導普羅消費者之嫌
前後也要超過七小時才啪起這 270 多件零件 <= 聽到都怕怕~~ 可以慳番唔買lu
回覆刪除[版主回覆01/09/2010 07:04:00]七粒鐘應該是大部份人的上限，因為我打磨了絕大部份的水口。
你的姨甥好幸福啊!!
回覆刪除[版主回覆01/09/2010 07:05:00]某程度上吧
我好耐都冇收到人地送既模型... 岩岩問開始玩模型果陣... 朋友就送過一隻 pg strike 比我... 到而家都未送過.... 佢地話...因為我狂買... 想要既應該買左....唔想要既....送比我又唔 happy...
回覆刪除[版主回覆01/09/2010 07:10:00]其實這是一般人的錯誤想法，你應該紏正你的朋友繼續送給你，因為世上有一樣嘢叫 ebay 嘛
嘩! 聖誕老人送禮物! 今次又冇我份
回覆刪除[版主回覆01/09/2010 07:17:00]嘩，你竟然諗收禮物；唔洗做送禮物果個已經執身彩囉！
這台殺帝拿最終喺齊砌定大搞一番？我正在惡搞中
回覆刪除[版主回覆01/09/2010 07:20:00]視乎所謂「最終」是甚麼意思，點子是有了但時間就沒有
嘩！270多件仲要砌七個多小時攪到我真係有d想縮沙…
回覆刪除你d姨甥肯砌模型真係好，我個d表弟、堂弟想搵個砌模型真係難、好難、真係難，個個都只鍾意打機同溝女…
[版主回覆01/09/2010 07:28:00]又不能說我兩個姨甥肯砌模，只是試試今次可否迫他們砌，所以我才要親自示範一次
270件附件，要 Cut碎口又磨沙紙，7個鐘對我o黎講絕對無可能，十個......唔........十五個可能都唔知得唔得添 ........
回覆刪除[版主回覆01/11/2010 00:23:00]咁我又唔係磨到去 1000 號，某些地方都頗馬虎
原來哩隻有二百幾件件咁多0架, 唔怪得賣到MG咁嘅價錢喇
回覆刪除[版主回覆01/11/2010 00:21:00]就那四個殼都共有八十多件零件！
270件砌七個鐘都好快手,
回覆刪除我砌unicorn都用左8個鐘, e家仲差兩隻腳未砌
[版主回覆01/11/2010 10:35:00]你一定係兩盒 Unicorn 一齊砌