Translate

我番來囉!

終於修理好個互聯網!這幾日之間,家中的互聯網似死未死般,原來是 modem 出了問題。今日早放工(不是準時放工)所以才可以跟進這件事,結果依電話裡技術員的指示去換過一個新的 modem 後就上網神速了。


番來的除了高速上網之外就是這盒 Wave 的 Fireball SG 模型。模型在 2007 年秋天已經打算砌成裂開馬桶,但這些年來進度都是原地踏步,只打磨了一些不痛不癢的部件。至最近才下了大決心製作,再加上早幾日病時的狀態只適宜搞這模型撚膠的步驟,所以它都算是番得來著時了。


下圖:(攝於 2007 年九月廿四日)Wave 這盒模型用了日東 SAFS 的大部份零件和另一個 Wave 出的 SG 型態馬桶(身軀)。所以從圖中可見合共有兩個馬桶在同一盒模型內,故才成為製作成裂開馬桶的動機。


下數圖:(攝於 2007 年九月廿九日)裂開了自然需要有人在裡面。在這個比例下,以前 MG 模型中那些棄之可惜但食又無味的 1:20 膠人就大派用場了。圖中可見,被包與包的如斯合拍,說成是「XX(某某明星)遇著 YYY(某某富豪)」(或「姣婆遇著脂粉客」)都不寃枉吧!







下圖:(攝於 2010 年一月廿六日)參考了 "Ma.K. vol. 1 Chronicle and Encyclopedia" 的一幅 SAFS 插畫後,蜷伏兩年多的馬桶終於決定到裂開的型態了。最重要是決定賈圖的姿勢。


下數圖:(攝於 2010 年二月九日)用了混合畢地(淺藍色)包起了賈圖的軟膠軀體後和用另一種混合畢地(橄欖綠色)連接上下臂後,模型的主件算是搭起了。再用寶貼(也是淺藍色)把主要部件湊在一起之後,這部 Fireball 終於可以首次站起來。

24 則留言:

  1. 點解賈圖會揸哩架嘢??? crossover?????
    [版主回覆02/12/2010 10:28:00]老實講,換過件衫改過髮型,甚至乎改成黑人,又有誰可以憑面目認得他是賈圖咩 

    回覆刪除
  2. 正呀~
    我都有打算整部開倉馬桶, 今次有得抄考啦~
    [版主回覆02/13/2010 07:43:00]如果你用 Wave 近期出的 SAFS 或 Snake-Eye 的話,Model Graphix 出的那本 "Snake-Eye" 應該很有用。 http://www.hlj.com/product/MDG22997

    回覆刪除
  3. 唔理d關節位, Ma. k.好似好易砌咁喎~
    [版主回覆02/13/2010 07:46:00]Ma.K. 從來都係大有大砌,細有細搞,視乎你想個 project 有幾大。

    回覆刪除
  4. 原來只是死modem! 無見你幾日無開post又無覆post, 真係有啲worry你仲未病好...
    [版主回覆02/13/2010 07:47:00]多謝關心,不過無得上網睇唔到笑笑團的相,感覺都幾病下 

    回覆刪除
  5. 上唔到網真係好似與世隔絕咁
    [版主回覆02/13/2010 07:49:00]這幾日的 posts 多是笑笑團的相,公司又忙用手機又慢,真係火都來!

    回覆刪除
  6. 改成黑人賈圖 <= 超期待
    [版主回覆02/13/2010 07:50:00]可能係黑人賈圖 小姐  

    回覆刪除
  7. 喱隻一定係GP02啦
    [版主回覆02/14/2010 06:20:00]係 GP02 內的救生裝備 

    回覆刪除
  8. 換過件衫改過髮型 (估佢唔到)
    [版主回覆02/14/2010 06:26:00]對,反正這些膠公仔面目出得含糊,真係阿媽都唔認得 

    回覆刪除
  9. 新年到:祝 地理兄:
    恭喜發財  新年出多o的正o既大作!
    [版主回覆02/14/2010 06:28:00]多謝多謝,我都祝你上下都在虎年身體健康,萬事如意,步步高升 

    回覆刪除
  10. 睇個勢似係可以爆甲既! (方便走佬 ^^) 祝新年快樂!身體健康!今年行大運!
    [版主回覆02/15/2010 02:53:00]宇宙中爆甲,可以走得去邊  祝你新的一年學業進步,身體健康,心想事成。

    回覆刪除
  11. 步步高升 身體健康呀堂兄
    [版主回覆02/15/2010 02:56:00]多謝多謝,我都祝願你府上在虎年身體康泰,心想事成,步步高升!

    回覆刪除
  12. 農曆新年快樂 祝你身體健康, 虎年進步!
    [版主回覆02/15/2010 03:24:00]我亦祝你在虎年學業進步,身體健康,萬事勝意!

    回覆刪除
  13. Wave新個盒應該可以更易砌開甲,期待!
    祝新年快樂  新身體健康!
    [版主回覆02/15/2010 03:33:00]對,那盒和之前的 Snake-Eye 都比較容易砌開甲,只不過我 2007 年已經動了工,而這盒模型又絕了版,所以不得不硬著頭皮去繼續做落去。 我亦祝你虎年出入平安,萬事如意。

    回覆刪除
  14. 祝地理 sir  心想事成, 虎年健康發大達....
    [版主回覆02/15/2010 04:18:00]多謝 ROX 兄,我亦祝願你在這個虎年龍馬精神,出入平安,如意吉祥!

    回覆刪除
  15. 祝  地理堂兄 心想事成    身體健康 恭喜恭喜!!! 似乎每個Ma.K迷都想整返部私人開蓋"屎塔" 我覺得賈圖揸"屎塔蓋"係型喎~~~~(真心講 )
    [版主回覆02/15/2010 04:23:00]屎塔咁私人嘅嘢,當然要有私伙啦  我祝你新年身壯力健,鴻運當頭,萬事如意!

    回覆刪除
  16. 咦! 我而家先知套甲入面係咁包埋整個人, 我仲以為模型整只得個頭添~
    虎年快樂!! YA~
    [版主回覆02/15/2010 04:28:00]個人不是模型包埋架喎  我祝電王虎年身體健康,得心應手,笑口常開!

    回覆刪除
  17. 有趣又合理﹗﹗電﹗電﹗電﹗
    [版主回覆02/15/2010 04:54:00]構思兩年,當然電 

    回覆刪除
  18. 地理堂兄接財神啊...!!
    [版主回覆02/15/2010 04:56:00]多謝!我亦祝你在新的一年身體健康,事事順利,出入 平安!

    回覆刪除
  19. post不到圖...!! 我祝你:虎年行大財運...!!
    [版主回覆02/15/2010 05:06:00]再次多謝 

    回覆刪除
  20. 祝老同新年快樂, 虎虎生威...
    [版主回覆02/15/2010 05:11:00]謝,我亦祝梁氏伉儷在虎年身體健康,如意吉祥,步步高升!

    回覆刪除
  21. 祝堂兄身體健康, 萬事如意
    [版主回覆02/15/2010 05:16:00]多謝,我亦祝羊兄你今年不遇虎口,大吉大利,龍馬精神,心想事成!

    回覆刪除
  22. 地理sir又玩Ma k.…
    祝你身體健康、心想事成、越砌越強!!
    [版主回覆02/15/2010 05:22:00]多謝,我亦祝你新的一年百尺竿頭,心想事成,龍馬精神!

    回覆刪除
  23. 祝地理兄恭喜發財,最緊要是身体健康心想事成,恭喜恭喜,還望新的一年多多指教小弟^0^
    [版主回覆02/16/2010 07:33:00]指教是不敢當的,三人行必有我師,大家討論交流就很好了!
    我亦祝願你在這個金虎年身壯力健,出入平安,步步高升!

    回覆刪除
  24. 係度同堂兄拜個年,祝堂兄萬事更勝意,心想事便成。
    [版主回覆02/16/2010 07:28:00]多謝,我亦祝你今年身體健康,事事順利,福星高照。

    回覆刪除