Translate

重量級禮物

今天二月一日,放在公司的 2009 年笑笑團月曆在昨天已屆盡頭。在受到電影【2012】的啟示下,自不然深恐今日會世界末日。為免死在公司或要與同事合葬,所以今早決意不上班,要死也要同我的女優,我的模型一起。不過到旁晚時份我從郵局取到一個包裹,內裡原來是 2010 年笑笑團月曆(再三多謝華佬)。雖然今日烏雲密佈,但不必觀星察雲也可洞悉天機,知道今日是不會世界末日的。所以大家大可放心,不必終日摟著心愛的 AV 或 P-雜誌惶惶然渡日!

在華佬寄出之前,他已告訴過我這廿個月曆相當之重。在收包裹時我也不以為意,但當我拆開包裹拿一個月曆上手時就發現有所不同了。首先, 2009 年版只有 52 克,而今年的就竟然有 129g 重,是兩倍有餘啊!主要原因是今年的紙質較上年好了不少,而且面積亦增加了一點。相比起去年的月曆,今年的就簡直可以說「送禮自奉兩雙皆宜」!所以看倌如果還心大心細 207 去不去笑笑團的話,還是快快趁這幾日趕起部模型作品吧!


下圖:謝天謝地,月曆上有二月一日...


下圖:去年的月曆用紙相當薄,厚度只僅僅沒有令背後的印刷從前頁透出來。


下圖:童叟無欺,129 克重!


下兩圖:無聊一影,分別是早上七點和下午五點,也是零下十七度和零下五度之別

16 則留言:

  1. 點解要咁多個?.......講.......唔準諗........冇得解釋........直接講........你唔好話一個放廳、一個放房、一個放公司、一個keep、一個放廁所..........呢d係唔接受既!
    咁究竟要咁多個做乜?.....講!
     
    [版主回覆02/02/2010 09:57:00]派!現在已分派剩兩個比自己,真係一個放公司,另一個收藏!

    回覆刪除
  2. 突然間想起, 如果真係世界末日, 地理堂兄真係想攬住d死物, 定係其他 ? 活在當下呀, 地理堂兄
    [版主回覆02/03/2010 09:47:00]攬住啲死物又不是最差的情況,至少死物不會對我話「不過我想同阿振聰一齊死喎!」大難臨頭已經夠慘,但如果當時才發現自己只係一隻同林鳥的話就真係死得嘞。

    回覆刪除
  3. 0衣乜原來重咁多?!
    其實如果真係世界未日都冇乜所謂啦一野就全部瓜晒,最慘就係你識的都瓜晒淨得你一個之嘛……
    [版主回覆02/03/2010 09:32:00]個天不至於咁無眼會瓜淨我一個呱?!

    回覆刪除
  4. 你收到就好了~ btw,不是送上門嗎?還是府上沒有人收才要去郵局拎?
    [版主回覆02/03/2010 09:30:00]再次 
    我是在屋企,但郵差叔叔找不到我,所以才要去郵局拎 

    回覆刪除
  5. 世界末日唔緊要, 最緊要係砌好晒我啲至愛車車先好嚟呀
    [版主回覆02/03/2010 09:28:00]你咁快,砌晒你啲至愛車車都未有來世界末日啦 

    回覆刪除
  6. 双倍份量, 双倍精彩
    [版主回覆02/03/2010 09:26:00]也是雙倍郵費 

    回覆刪除
  7. 阿青有見地﹗
    我同意﹗
    [版主回覆02/03/2010 09:24:00]邊句先,「想攬住d死物, 定係其他」還是「活在當下」先?不是每個人的「當下」都有其他嘢可攬呢。

    回覆刪除
  8. 預我 一隻 丫, 唔該!
    [版主回覆02/03/2010 09:18:00]哎吔,預咗兩個添 

    回覆刪除
  9. 你好返哂未呀? BTW, 我亦好同意阿青... 話時話, 尋晚阿TOM俾隻G30我時傾咗幾句, 問佢幾時結婚時唔知點解又講起你... 老同真係要諗諗啦... BTW, 誰是我哋阿sir個女婿呢?
    [版主回覆02/04/2010 09:30:00]我嘅病只要有街去就會好番架啦 

    回覆刪除
  10. 「誰是我哋阿sir個女婿呢?」  ﹣﹣﹣﹣我都想知
    [版主回覆02/04/2010 09:30:00]八掛 

    回覆刪除
  11. http://hk.myblog.yahoo.com/model.arena/article?mid=358 2010 笑笑團當日大型背景板及海報
     
    海報最後版本及加上會場地圖~ 歡迎大家轉截啦~
    [版主回覆02/04/2010 09:31:00]收到,多謝國寶電王 

    回覆刪除
  12. 第一張好正...不過有少少黑角... 天色變化好 nice....你真是太幸福了....
    [版主回覆02/04/2010 09:33:00]何止少少黑角!但我還是影相新手,資金有限唯有將就用住支低級鏡頭先 

    回覆刪除
  13. 黑角可以用 ps 搞搞佢... btw 一 upload 上黎色又變左...
    [版主回覆02/04/2010 12:38:00]謝,原來有軟件可以尊整黑角,一於試試先 

    回覆刪除
  14. 207我先收到個月曆,到時真要研究o下先  ~
    [版主回覆02/05/2010 08:52:00]你指到時在城大研究模型實物吧 

    回覆刪除
  15. 今年個日曆好正呀```好想要返個嚟看門口
    堂哥,207個日抽唔到時間出席活動,唔知事後有無得補領返一個呢?
    [版主回覆02/10/2010 11:10:00]我要補領的話就要一個簽齊咁多人名的月曆了 

    回覆刪除
  16. 唔好係明堂哥你係乜意思喔```
    [版主回覆02/10/2010 14:04:00]唔明唔係損失,放心!

    回覆刪除