Translate

衝出香港

星期三乘飛機返回多倫多時,在香港機場因為時候尚早所以在禁區內的店鋪逛逛。因為當日是二十五號的關係,所以雖然明知機會渺茫,但仍然走入經緯(Relay)這書店看看可有新出的電擊或「模型瓜直」賣。意外地竟然有電擊賣但只是中文版,意料內沒有日文模型書賣!在雜誌架望來望去,好自然地往成人雜誌那邊望,竟然給我發現有英文版 Playboys 賣。細心想想這當然不是甚麼奇聞,但令我十分意外者不是【花花公子】旁的日本成人雜誌(忘記了雜誌名),而是另一旁的【香港 97】!我還是當時才知道,原來這本土砲雜誌已經可以衝出香港面向世界,把香港美好的一面介紹給環球讀者!下次返香港定要買一本見識一番!


下圖:成功衝出香港平安抵步的還有這七件完成品。(我回港時只帶了兩件吧!)


下圖:在香港搜購的模型亦平安地衝出香港。


下圖:拆開攤平運回加拿大的模型盒也打回原形,可以把所屬的模型放回盒內了。

23 則留言:

  1. 居然可以將咁多個盒打回原型....你做摺盒的嗎
    [版主回覆08/28/2010 03:11:00]同上次回港的模型盒比較,今次算無難度了! http://hk.myblog.yahoo.com/dilaton-blog/article?mid=5876

    回覆刪除
  2. 你有個大箱專運模型的嗎????
    [版主回覆08/28/2010 10:17:00]兩個行李喼差不多七成是模型和相關的物品。

    回覆刪除
  3. 相信打完稅都比加拿大買平得多卦...
    [版主回覆08/28/2010 10:18:00]沒有打稅   不過打完稅都會比加拿大買平得多 

    回覆刪除
  4. RELAY應該有日文版hobby japan 同電擊賣的 瓜直就應該冇....
    [版主回覆08/28/2010 10:21:00]看來要過多幾日先有貨到了 

    回覆刪除
  5. 看見一盒Airfix的模型啊!  原來師兄是個資深玩家呢。
    [版主回覆08/28/2010 10:32:00]似乎你看錯了,第三幅相中的十三盒模型全是來自日本、台灣、大陸和香港,沒有一盒是 Airfix 

    回覆刪除
  6. 新模型, 紅色那隻是"波打逼"嗎? 我也有點想買, 比個comment 哩?
    [版主回覆08/28/2010 10:28:00]的確是「波打逼」,砌得笨大貨多轉口味都不錯。其他當時的啪後感可見: 原來又幾靚女喎!

    回覆刪除
  7. 你係咪學黃婉曼?佢係話「跳出香港」o既。
    跳同衝唔同,跳呢,心口係會拋一下o既。
    [版主回覆08/29/2010 05:16:00]好嘢!好嘢!教授果然係高人  (你不說我也不知黃婉曼是何許人。要知這裡雖然有播放香港的電視節目,但因為地域關係天氣報告是不會在外地播效的!)

    回覆刪除
  8. 堂兄是否地方太大, 要幾D盒變返正常?
    正如你的標題 : 衝出香港...香港就要將d盒摺細...
    [版主回覆08/29/2010 05:11:00]我習慣用原裝盒裝模型,容易辨別盒內放了甚麼模型。否則一個盒放幾件不同模型的話,要找某件模型就難知要打開那個盒了。

    回覆刪除
  9. 買咁多模型真開心呢....
    [版主回覆08/29/2010 05:06:00]都好辛苦架,要啪咁多 

    回覆刪除
  10. 係喎, 拆盒安全好多喎, 寄倉實扁晒
    我就係驚寄倉壓扁, 所以就手提, 不過就唔拎得咁多貨, 下次學下你先
    [版主回覆08/29/2010 05:05:00]你如果買車的話都不能啪得到太多,而且車殼還是會怕壓扁。幾年前我就有部車放在喼內寄艙壓扁了車窗一邊前臂 

    回覆刪除
  11. 靚女天使係咪向上帝奉獻?好大粒嘅藥丸? 個英文字係寫乜?點解連D怪物都要識/用英文?點解佢地唔用自己本土嘅怪物語言?  
    [版主回覆08/29/2010 05:00:00]粒藥丸寫住 "Ketamine",其他的你自己諗吧 

    回覆刪除
  12. 你能成為一名出色的水貨客
    [版主回覆08/29/2010 04:58:00]又拆盒又啪件,點放啲水貨呀!

    回覆刪除
  13. 你居然入了唔少貨喎。。。
    [版主回覆08/29/2010 19:21:00]仲可以同時帶七件成品回來果下先至係戲肉 

    回覆刪除
  14. 砌高達既你估唔到會有咁古色古香既擺設.
    [版主回覆08/29/2010 19:23:00]那裡不是我屋企;我是暫住多倫多,今日才會回渥太華。

    回覆刪除
  15. 原來如此!! 所以我見到後面咁可愛既公仔, 都唔好意思開口問.
    [版主回覆09/01/2010 06:32:00]你可以開口問,但我都唔知隻可愛公仔是誰的 

    回覆刪除
  16. 估吾到你連盒都帶返去....但TheO個盒好似衝吾出香港哦!
    [版主回覆09/01/2010 06:31:00]你說得對,The O 個盒太大不能(值)帶走。

    回覆刪除
  17. 嘩! 你一入就立即拍起埋!!!
    以前我都係咁, 不過近排已經開始積存貨了...
    [版主回覆09/01/2010 06:30:00]如果不是一入就立即啪起的話,到收拾行李走時就太遲了。

    回覆刪除
  18. 其實25號, 應該出咗. 不過好重
    [版主回覆09/01/2010 06:28:00]香港會同步推出嗎?

    回覆刪除
  19. 我通常23,24号買, 同步出
    [版主回覆09/02/2010 18:06:00]原來如此!

    回覆刪除
  20. 咁多件成品都咁齊全呢下難喎
    [版主回覆09/02/2010 18:04:00]真係托賴 

    回覆刪除
  21. 唔知你有無興趣整加拿大版豹2A6(. 成身圍欄果架),好鬼型仔。
    [版主回覆09/07/2010 05:53:00]無!那圍欄一來貴,二來自問沒有本事可以搞得到,三來個圍欄四四方方,把原本很有型的 A6 圍了起來;難聽點說十足十把部車放了入棺材般 

    回覆刪除
  22. 帶咁多盒衝出香港,真係辛苦晒咧  ~
    [版主回覆09/07/2010 05:48:00]最辛苦都只是取捨帶走那一盒吧 

    回覆刪除
  23. 在真人SHOW睇過地理兄的作品,GOOD.
    [版主回覆09/09/2010 10:08:00]見笑了

    回覆刪除