Translate

日本廁所

提到日本廁所,相信大家都會想到那個令人又愛又恨的噴水廁所板。雖然那支水柱噴得大家的屁股乾乾淨淨,但看倌再欣賞這十多年前的發明也只有妒忌的份兒。皆因大部份人家的抽水馬桶旁都欠了電掣一個,要安裝一套 Washlet 又要找水電師傅又要找裝修師傅好不麻煩。所以我其實想講的不是那個噴水廁所板。


話說星期五我在關西機場等待回港的航機時,人有三急需要去交水費。在男洗手間的尿槽前當我正與小弟弟在商議應該把尿撒向左邊還是右邊時… 現在姑且不談男廁內發生何事,先說撒尿方向一事。日本人的合群性之強怕且在這世界是數一數二的,上落電梯也要指定一邊企一邊供人行。不過我發現在東京的電梯是靠左邊企而在大阪則靠右方站。所以我在尿槽前舉「旗」不定也是人之常情!所以當我在尿槽前滿心疑惑之際,身後突然走過一個清潔女工就嚇了一跳。大家在香港可能見怪不怪,一位清潔大嬸會大模大樣走入男廁。不過對於西人來說,這是相當奇怪的事。我不是說西人會分別請男女清潔工去打理兩邊的洗手間,只不過女清潔工會先大大聲問清楚男廁內沒有人才封了男廁入內工作。印象中香港機場也是這般做法,只是很多其他香港廁所才會有女工亂入的情況。(當然,如果清潔嬸嬸一如很多香港人般是啞的則另作別論!)但在關西國際機場的男廁也出現這情況就未免有失大國的顏面了!

24 則留言:

  1. 對!她們沒有什麼表示就殺入來,當初就真係手足無措!但可能已經見慣不怪,現已話之佢啦...
    [版主回覆08/15/2010 18:01:00]我都知道係要話之佢,但日本作為一個注重禮儀的國家,又相當崇洋,好難明白在機場會有這樣的運作。

    回覆刪除
  2. 日本d浴場都係咁, 阿毛都係會答: 我乜X都見過!
    [版主回覆08/15/2010 18:04:00]佢乜 X 都見過唔等於我願意乜 X 都比佢睇囉!

    回覆刪除
  3. 可能...佢地對工作感覺上係比較神聖. 專業的阿毛係唔會對你的小弟弟評頭論足....她只會專心的繼續工作
    [版主回覆08/15/2010 18:07:00]可能...我的小弟弟值得阿毛評頭論足呢 

    回覆刪除
  4. 我在成田個toilet都一樣係咁...</p>
    [版主回覆08/15/2010 18:10:00]係這種事情上,我們只可以逆來順受,不能說句「兄弟們,我們站起來抗議吧!」

    回覆刪除
  5. 後生仔,大方d,曬埋俾佢睇,送既!
    [版主回覆08/15/2010 18:41:00]嚇壞阿嬸呀 

    回覆刪除
  6. 射左射右, 交由大銀決定喇.....公就左, 字就右......
    [版主回覆08/15/2010 18:43:00]開叉就好囉 

    回覆刪除
  7. 這只是日本人的習俗,正如去印度要用手食curry飯... 其實在日本一些鄉土地區,還是男女共廁呢...
    [版主回覆08/16/2010 07:33:00]這種民風真係要感受一下 

    回覆刪除
  8. 唔...日本人其實都好識享受, 所以阿嬸極可能見有英俊小生入左去, 佢至詐詐諦又話入去洗廁所...
    [版主回覆08/16/2010 07:37:00]難怪這種工作在日本還可以請到本地人去做,不必請外勞去幹 

    回覆刪除
  9. 呀嬸淨聽 "水聲 "  己經聽得出你有幾多斤兩
    [版主回覆08/16/2010 07:39:00]下次帶支樽彈裝水入去一齊倒水先 

    回覆刪除
  10. 所以廁所我必定去廁格
    [版主回覆08/16/2010 07:41:00]估唔到你需要咁大作業空間,勁 

    回覆刪除
  11. 佢可能見你入左去咁耐, 以為你出事先衝入黎麻~
    [版主回覆08/16/2010 17:46:00]難道佢打算衝入去幫我做人工呼吸 

    回覆刪除
  12. 時代進步左... 祖國強大...文化外流~~
    [版主回覆08/16/2010 17:44:00]大國崛起!

    回覆刪除
  13. o個個呀嬸可能係幫電視台做緊o的偷拍節目,見親你呢o的咁靚仔o既入廁,實行測試o下你地支旗會擺左定擺右同射幾遠喎   .........
    [版主回覆08/16/2010 17:42:00]何必唔大大方方來問我呢?

    回覆刪除
  14. 我也接受不了這情況!大致機場小致拉麵店都有遇過 ~
    [版主回覆08/16/2010 17:40:00]我其實不是太介意的,阿蟬又唔會令我想入非非嘅 

    回覆刪除
  15. 只有日本才是阿嬸自由出入男廁,香港也不會如此。
    這些噴水坐廁,日本人用得好慣,但我去日本咁多次,除了最初好奇用過一次外都無用過,唔慣。
    但各處鄉村各處例,原來去到馬來西亞,馬拉人拉完屎後是有條水喉 feei  Pat Pat 的,之後會一地都係水。比起來你想似日本人定似馬拉人?
    [版主回覆08/17/2010 11:57:00]香港的公廁一樣有阿嬸自由出入男廁架!只不過機場就未至於如是咋!
    噴水坐廁我又 OK 喎!事實上日本廁紙薄,只適宜「索」乾水,不事先噴乾淨其實唔係好好用的。

    回覆刪除
  16. 看了咁多回答,都是 JKL 日本通慣晒,我就 ok 啦,也覺得自己給人見到都唔失禮耶。
    如果你多加留意,尤其去溫泉,你會發現日本男女對性別的處理和中國人好不同。在男的更衣室,爸爸帶著六歲七歲的女兒自由出入,爸爸不介意,女先見到赤條條的男人行來行去也不會理會。
    [版主回覆08/17/2010 18:09:00]我不介意風俗不同,只是驚訝於日本人著重別人的看法這民族心理會在機場作此管理安排。

    回覆刪除
  17. 我屋企都有條喉係用黎沖. 泰國傳入的, 我依家慣左, 唔沖就咁用紙的話硬係覺得唔乾淨. . . 我又聽聞內地山區有一種廁所, 入面有條麻繩掛o係度, D人痾完就用果條如意繩前後咁介, 介完掛返o係度, 等佢乾, 下一手用之前就扭一下條麻繩等D乾左個屎碎裂出黎就可以用
    [版主回覆08/17/2010 18:14:00]我只會在肚疴時才會要徹底清潔,通常會連馬桶也一併清洗! 這個繩的方法… 

    回覆刪除
  18. 大佬John, 我亦有聽過日本人以前都係用麻繩的...
    [版主回覆08/17/2010 18:15:00]恐怕都係一條麻繩用多次 

    回覆刪除
  19. 問你你又會比咩答案呢?
    [版主回覆08/17/2010 18:16:00]男就不會回答,女就叫佢自己用口問我細佬吧 

    回覆刪除
  20. 對,日本廁紙薄,我也彼有微言。但除了用多幾張摺厚佢都未想過用噴水器耶~~~
    [版主回覆08/17/2010 18:17:00]入鄉隨俗嘛!

    回覆刪除
  21. 可能佢見慣左日本花生米, 對於香港來的象拔係會有d驚訝既.
    [版主回覆08/17/2010 18:18:00]咁又難怪佢地 

    回覆刪除
  22. 我記得日本有D女厠係喺男厠入面嘅, 女士要如厠一定要穿過一排尿兜的, 唔好話大嬸嚟, 各大少美女都要向你背脊檢乙一番
    [版主回覆08/18/2010 06:34:00]吓,聽落那似是沒有分公乸的廁所多於分了男女的廁所喎!

    回覆刪除
  23. 點解我撞唔到既!! 唔通我唔夠靚仔??
    [版主回覆08/20/2010 16:50:00]你係咪入咗女廁所以只見到男清潔工?

    回覆刪除
  24. 唔怪得之你要係去日本之前, 要整好條大蛇啦
    [版主回覆08/21/2010 20:48:00]我條大蛇係乸來的 

    回覆刪除