Translate

扶桑情人

在大阪難波的 Big Camera 以¥1835 買了一盒 RG 巾,比起東京的價錢還要貴¥35;不過回港後第二日在元朗合益發現價錢還要比東京平  因為當時沒有剪鉗的關係,所以還是留待返回香港後才開始素組,皆因不能單靠一把指甲鉗就去素組這盒精細的模型。



其實在日本時我最有衝動去買的是當時新出的 MG The O,但正如戀愛一樣,最愛的不一定就是與之結婚的那一半。所以縱使我與 The O 邂逅於新宿也沒有帶她回家,當然那是因為她乃肥婆一名的原故!故此當我素組好部 RG 巾後就在香江與 The O 再續未了緣。 MG The O 出得如何恐怕大家在各大小討論區已經略有所聞,在此我也不必細表。我只想在這裡指出,素組一部 1:100 MG The O 的時間與素組一部 1:144 RG 巾的時間相約,可見兩盒在價錢上相差幾乎五倍的模型在精密度有多少距 離!


19 則留言:

  1. RX78 睇黎都升上神枱級, 搞到而家出襯就人人都買....26個英交字母有排出...e.g. AG, BG, CG..........而家佢只係出咗 RG, MG, FG, PG.... 真係有排出.......
    [版主回覆08/18/2010 09:35:00]服 

    回覆刪除
  2. The-O 出得可能不夠好,但等了那麼多年,照買!!
    [版主回覆08/18/2010 09:34:00]對,多年來我都忍手沒有入 HGUC 版,身在香港時當然要平平地買番隻啦 

    回覆刪除
  3. 隻 The O 本身設定已不是心頭好,所以不會買。但昨日見到,嘩!真係大隻,所以,更加唔會買。
    [版主回覆08/18/2010 09:33:00]你 WS 間大房都係用來擺模型吧 

    回覆刪除
  4. The-O 真係又肥又矮!真係..........!
    [版主回覆08/19/2010 00:29:00]又肥又矮都唔係第一日就知道,還是最近才知道模型是用了舊技術來出的!

    回覆刪除
  5. 我一個月總會上兩次的,但到電擊季節我幾乎日日上。不過租友都返工,唔知o者。
    [版主回覆08/19/2010 00:27:00]OK,那你就把間大房用來擺十個月模型吧 

    回覆刪除
  6. 隻O除咗大之外... Hmmm... 無喇...
    [版主回覆08/19/2010 00:25:00]完全同意!

    回覆刪除
  7. 我自己始終喜歡 1/100 的手感, 所以非 MG 不買!! (普通 1/100 TV Series 也可以吧.............!! )
    [版主回覆08/19/2010 00:24:00]我就紀念今次香港之行居多!

    回覆刪除
  8. 1835YEN 10算都平過香港啦,
    大部份都仲係過$200..
    THE-O仍然沒有興趣入...反面都沒有時間搞.等2算~哈哈
    [版主回覆08/19/2010 00:23:00]對,今日行旺角,發現 RG 巾全部 $200 樓上;張 RG 巾水貼更加賣成 $70 

    回覆刪除
  9. 反而對 the o 有d 興趣, 唔知地理 sir 買咗幾銀? 不過我估佢咁大份, 都唔會平得去邊..   (i.e.五倍=200x5, 即1張金牛....???? ) 如果將隻 RG 併埋隻 the o 道, 我估the o 高幾個頭都似....話時話隻 rg 有冇 the o 條腰咁高呢? 期待 the o 早日完成出動..!!
    [版主回覆08/19/2010 00:16:00]我 $730 在愛民入了 The-O,而 RG 巾也是大約 $170 入手  現在兩隻已經化整為零收藏起來了,所以答不到你它們在高度上的分別。 Sorry  早日完成出動?!過幾年先諗啦 

    回覆刪除
  10. !幾時入黎元朗嫁?入黎都唔call下我!係呀係元朗最平都係個度嫁喇,我都已168入左~~~
    [版主回覆08/19/2010 00:11:00]原來你住在元朗,早知就揾你枝盲公竹啦 

    回覆刪除
  11. 合益? 係咪係街市過邊? 我淨係知道大坑渠有間[模閒情],自從我外婆過身後都無去過元朗了, 我下次返去拜外公外婆都要順便入下貨先得.
    [版主回覆08/19/2010 00:09:00]合益是在街市那邊。其實不是太好行,只有兩間舖頭我有興趣 

    回覆刪除
  12. THE-O幾好丫, 大大隻, 幾有存在感
    仲有, 隻野咁大, 大把地方俾你發揮啦
    [版主回覆08/19/2010 00:31:00]有時間先有資格講發揮空間啦 

    回覆刪除
  13. 但我星期五和六都不會有空。不過我明日可能上一上。
    或者我可以把錢放下,你上去拿。
    BTW,心理學係一門好有趣的學科。明明你先付錢,超過成年我都未還,你竟然因為我把錢還給你感到雀躍?你可唔可以俾晒成副身家我,我每月俾番o的零用你?你人生一定過得好開心的。
    [版主回覆08/19/2010 00:38:00]嗱,你自己沒有用私人回應,所以如果我過得好開心的話,大家就會知道你還欠我好多好多錢  明晚我會跟蟹蛇上去,放好了寫清楚收好後話比蟹蛇聽就行了。

    回覆刪除
  14. 小弟寧願買 RG,感受新技術力量...
    [版主回覆08/19/2010 09:43:00]這部 MG 與 RG 巾同期推出實情係市場策略上的一大失誤!

    回覆刪除
  15. 果日掂過隻the-o 真係情意結產品... 我就真係唔覺得值700大元了!
    [版主回覆08/19/2010 10:21:00]情意結係盲嘅 

    回覆刪除
  16. 隻 RG 乜元朗賣得咁平?指點o下啦喂  ~
    [版主回覆08/19/2010 17:13:00]…"元朗合益",一個模型界很出名的模型熱點 : 元朗合益地圖

    回覆刪除
  17. 百七紋的RG真係幾吸引 ~ 但可借吾係住元朗, 加埋來回車費的廿紋 ~即是百九 !  唯有等下福利事務所派生果金啦 ~
    [版主回覆08/20/2010 00:32:00]百九,同愛民的價錢一樣。

    回覆刪除
  18. 我覺得隻MG The-O其實幾年前已經造好, 只是等MG系列個價位去到某水平才推出, 根本是幾年前水準.... 當然買啦!現在已經開始跳樓價,遲D$600之內都可以買到...
    [版主回覆08/20/2010 16:53:00]等到與 RG 巾同期推出就真係大錯特錯了!

    回覆刪除
  19. 其實The-O呢d只得一款, 無變款又大隻既真係幾難出. 係成本同精密情度下都算係咁了. 好果方面諗就係大家可發揮既空間大左.
    [版主回覆08/20/2010 16:59:00]除咗俾大家發揮的空間大咗之外,俾大家插佢嘅空間都唔小架  不過你說得對,平衡兩邊,現在是一個不壞的妥協;總比不推出好得多。

    回覆刪除