Translate

大跌眼鏡

電 J 比賽我沒有入圍倒是意料中事,所以喜歡憑標題而猜內容的卜友大可不必如上一篇般估計我是在說電 J 比賽  查實我星期六去真人 Show 時,唯一一副眼鏡在巴士上來了一個壯士斷臂,結果當日和當晚經常要伸手扶一扶面上的眼鏡。所以星期日一早就跑了去旺角配了套隱形眼鏡以濟燃眉之急。一說也有多年沒有戴隱形眼鏡了,這個多少應該是與男人不願意把膠戴上身的情意結有關。只不過現在我沒有「士啤」眼鏡在香港,要立刻有代用品也只有隱形眼鏡一途。苦也!



晚上在旺角轉車時在千里達以 $255 買了部 GN-X,原以為這是平的了,誰不知一小時後在愛民商場見 $217 就有交易。原來戴了隱形眼鏡一樣會跌眼鏡的。


14 則留言:

  1. 話說阿仔上次係旺角都比人撞(撞人?)爛副眼鏡, 佢太唔習慣香港人山人海, 波濤洶湧了.
    [版主回覆08/03/2010 06:23:00]世事係公平嘅,香港人山人海可惜波浪不大,但當加拿大波濤洶湧時又難得人山人海 

    回覆刪除
  2. 架巴士好逼? 連眼鏡都逼爆埋!?
    [版主回覆08/03/2010 06:30:00]架巴士完全唔逼,只不過之前幾日副眼鏡已經神神哋,坐在巴士上無無聊聊下「修理」一下就修出個大頭佛來!

    回覆刪除
  3. 而家快到出事喇
    [版主回覆08/03/2010 06:32:00]唔塞車就快囉 

    回覆刪除
  4. 噢!真係陪了夫人又折兵囉
    不過如果真係要模型,千期唔去旺角賣,除非真係度度都冇貨啦,如果唔係一定一頸血~~~~~~
     
    [版主回覆08/03/2010 06:42:00]我諗住 $255 是七算,應該是合理價,誰不知在屋企附近今時今日都可以做到六算!

    回覆刪除
  5. GN-X...好野黎架
    [版主回覆08/03/2010 06:44:00]不過背後個 GN 爐我還未能完全塞入去 

    回覆刪除
  6. 快D配番個鏡啦!四眼仔變左兩眼仔,感覺好似怪怪的!
     
    另外,我買開YAMATO既macross,次次都係5.5至6算,所以我買親玩具都係本主呢個對換率,over就唔買!
    [版主回覆08/03/2010 10:47:00]都係番加拿大先配眼鏡,因為我個驗光師早幾個月前已經叫我驗眼,但當時趕電 J 無騷佢! 6 算,收到!

    回覆刪除
  7. 隱形眼鏡我接受唔到囉!感覺好唔舒服,張一o的唔係自己身體一部份o既野"痴"o係度,我就唔係幾鍾意啦 ~
    [版主回覆08/04/2010 09:33:00]男人不喜歡戴膠是可以理解的,通常戴膠都是在百般不願意的情況下才會做!

    回覆刪除
  8. 原來如此你前日唔戴眼鏡,都好似係第一次見你個兩眼樣,幾靚仔吖...
    [版主回覆08/04/2010 09:31:00]昨日禮傑第一眼都認唔到我 

    回覆刪除
  9. >>電 J 比賽我沒有入圍倒是意料中事
    電J比賽似乎係用黎promo Bandai產品(尤其高達系列),你個蛇婆婆只係用左少少高達之類嘅盔甲,其他都係自己造,直頭係倒Bandai米,咁點可能會入選呢。我意思係,有關當局係歡迎 創意 ,但要圍繞佢地嘅產品去發揮,你忽略左比賽背後的根本商業動機咯。你件作品比較適合香港比例模型會嘅比賽。下次繼續努力啦!
    [版主回覆08/04/2010 09:30:00]我一共參加過三次電擊比賽,但還是首次才最計量得獎的可能,其餘兩次都相當隨意,而今趟就更加只是想 make a statement 。所以甚麼商業考量早就拋到九霄雲外。不過今年首次有去看頒獎禮,看別人走上台領獎感覺又幾好,似乎自己有機會上台會是相當有趣的事。或者下次真的要把目標定在得獎上而不是志在參與了。

    回覆刪除
  10. 用 AA 膠黐死佢咪得囉,一盒最掃小都 30 隻,又要買兩盒。
    [版主回覆08/04/2010 09:13:00]黐死佢是可行,但如果失驚無神在不適合的時間和地點又斷過的話就煩了。所以還是出套隱形眼鏡頂那一頭半個月好。

    回覆刪除
  11. 始終小弟未能見到堂兄廬山真面目...
    明年再接再厲...
    [版主回覆08/04/2010 09:05:00]我這副廬山真面目嘛,如果你需要瘦身減肥的話,見一見的確可以收節食數天之效! 明年我應該不會回港了。

    回覆刪除
  12. 細路哥時係何文田讀書,呢間愛民村嘅舖仔就巳經存在,最記得門口細,D貨有疊到勁高,似入咗迷宮一樣! 時致今日都仲係到,證明有好多人支特囉!
    [版主回覆08/05/2010 15:38:00]區內有三間中學,應該有些客源的。不過上層那間玩具店在金融海嘯中也要結業了。

    回覆刪除
  13. 上層那間的老闆,係葵芳攪過年幾特價場,都幾好生意,我也時常幫襯!照計咁好生意,租又吾係貴,應該頂得住的! 但聽人講是有心走佬,仲欠落周街數 ~
    [版主回覆08/05/2010 16:55:00]據聞領匯加租是令到小生意百上加斤的原則之一。

    回覆刪除
  14. 喺會場見到你嘅作品, 好頂引!! 目的是反面教材, 但係個面相好惡攪, 喺度索K ~ 笑咗!!
    [版主回覆08/07/2010 09:23:00]惡搞之作嘛

    回覆刪除