Translate

Wave 1:72 戰斧

剛才翻看舊文,發現原來自己起初是打算在去年之內完成這部戰斧。但因為事忙還是要留待昨晚(星期一)才完成了它。


下數圖:八個角度下的戰斧。


下圖:加了四條警告水貼。總覺得這機的那個位置會有工作人員站立,但如果胸口的飛彈蓋打開的話,那個位置就危險了。


下圖:胸口的飛彈蓋前加了個扣,以便 "Manually Open"。


下圖:小腿側的散氣口雕通了,但原來效果一點也不明顯。


下圖:改動過的股軸,以前的卜中也有提過。


下圖:改動過的炮口,以前的卜中同樣有提及過。


下圖:炮管末的散氣口也雕通了,不過以前的卜中忘記了提及。


下數圖:加了網的散氣口,以前的卜中同有提過。


下圖:小腿背,補得真係唔錯!


下圖:上完色之後,胸部的飛彈和飛彈蓋的活動變得很緊,現在祇可以順利地打開右邊的蓋。無法!




謝謝收看

20 則留言:

  1. 而家睇返堂兄的作品, 究竟MAX噴法(黑底)同甩青舊化應唔應該一齊出現?
    以而家d工程車為例, 就算刮甩晒d油, 日曬雨淋都唔會出現好明顯的黑邊.但如果淨噴MAX係高達類當舊化, 又okay喎~
    咁係咪又一"認真便輸鳥"的例子?
    [版主回覆03/02/2011 12:24:00]係喎,你這個問題太有意思了。一於在轟雷上試試祇甩青不噴 MAX 塗!

    回覆刪除
  2. very very very go~~~~od
    [版主回覆03/04/2011 13:21:00]Thanks alot. It still has room for improvement though 

    回覆刪除
  3. 哩隻戰斧好正, 但我都係比較鍾意以前嘅呆瓜版戰斧...因為好有8幾年嘅超塞feel...
    [版主回覆03/04/2011 13:20:00]時代進步啦,這個版本的戰斧也是從 Yamato 的 1:60 進化出來的。

    回覆刪除
  4. 如果未睇過你既開盒報告,
    淨係睇而家既成品,
    我諗呢隻戰斧會好賣幾倍!!!
    攪到我都有小小想買....
    [版主回覆03/04/2011 13:18:00]其實就算是直砌,出來的效果還是不差的。 (所以我把完成照放了上 1999 的網上替它谷谷入氣  )

    回覆刪除
  5. 仲有"小腿側的散氣口"如果加番塊綱會顯眼好多.
    [版主回覆03/04/2011 13:15:00]我都有同感!要在 Defender 上加網了!

    回覆刪除
  6. 好精細的改做... 勁呀! On the other hand, 是否硬直版呢?
    [版主回覆03/04/2011 13:14:00]謝團長! 它不是硬直,祇不過一來自己沒有心思同它擺其他姿勢,二來砌了這麼多個月,已深知它沒有幾個其他「甫士」是好看的 

    回覆刪除
  7. 每次見到你嘅完成品,都好有衝動想去買同砌番一隻 , 其中Ma.K就係一個好例子, 都唔知係唔係要多謝你先喏 . 廠商真係要多謝你幫佢地一把 .當然如果唔係經過悉心嘅改造同近乎真實嘅舊化,係唔會有以上嘅效果喇 . 所以我買咗返嚟,都係好似買同睇啲"藝術片"咁. 望住個盒,都只係幻想一會兒 . 最後想問一問個問題, 點解堂兄擺啲姿勢, 大多數都係向在傾
    [版主回覆03/04/2011 13:11:00]乜你講到我好似好邪惡咁  嗱,證明你看的「藝術片」同我看的很不同;我看完「藝術片」係會想砌嘢的  你覺得它傾了嗎?其實它的關節還算是實,那點傾側是我的問題吧,與模型無關 

    回覆刪除
  8. 作品好精細!! 老師,我係一個模型新手,有d野想請教下,麻煩哂:-
    1.個鐵絲網用咩去黐係機身度架?
    2.上色點樣做到一點點既效果架(是否叫甩青)?
    3.肩膊那些炮彈是否要逐粒分好件上色再插回去的?
    得知你之前的卜文會提及,但我不太懂找,如有可告知在甚麼位置嗎? 謝謝老師分享,麻煩哂
     
    [版主回覆03/04/2011 13:05:00]謝,過獎了! 那些鐵絲網我是把模型居中鋸開後鋪上網再黐回原狀的,下圖可見黐回原狀的樣子。如果要直接放入去的話,要用比較硬的網才可以在放入時不至於變形;但硬網又難切割。所以各有各難處。
    肩膊那些炮彈,Wave 已經替我們分好件,不需太花時間去處理的。
    關於這模型的製作,以前的卜文可以在上面最後一幅相下的「引用自」的連結找到。舊文偶有錯漏,請多多包涵。

    回覆刪除
  9. 成隻近攝舊化好明顯,遠睇真係唔係覺,如果加少許甩青效果會點呢  ~
    [版主回覆03/04/2011 12:50:00]個人反而幾喜歡這種近看和遠看的分別,畢竟它是 1:72,遠看不必有太清楚的殘舊感。不過如上面回應中所說,這是一個不太成功的舊化實驗,礙於經驗還未可以做到心中理想的感覺。

    回覆刪除
  10. 好靚、好仔細的舊化﹗偶像即是偶像﹗
    [版主回覆03/04/2011 12:45:00]就做人老豆,你要改下不再講大話了 

    回覆刪除
  11. 地理堂兄的作品真係好仔細好正! 近攝都一樣睇唔出BUG, 果然功力深厚.
    另外好欣賞你每個改動都有仔細考慮過, 都有各自的原因和效果.
    小弟覺得成部機舊化得咁有feel, 個眼鏡同手炮上的瞄準鏡顯得有少少過新, 表面過"令". 當然這是雞蛋裏挑骨頭, 亦可以理解為工作人員維修時重點會保養感應器同瞄準鏡
    [版主回覆03/04/2011 12:44:00]謝,謬讚了。還有不少不足之處呢  其實我對那些透明件是又愛又恨的。雖然明知會太搶眼,但小心奕奕處理好的透明件,叫我噴個啞色上去又實在不忍心!如果這是比賽件的話,我應該會下到決心噴啞色,但自娛的話就不必先要自己心痛一番了 

    回覆刪除
  12. 舊化技巧又上一層樓....
    [版主回覆03/04/2011 12:38:00]技巧倒沒有上一層樓,是手神上了一層樓吧 

    回覆刪除
  13. 舊化好正
    [版主回覆03/04/2011 12:37:00]其實這是一個不太成功的舊化實驗 

    回覆刪除
  14. 舊化好好,好正
    [版主回覆03/06/2011 00:05:00]過獎了 

    回覆刪除
  15. 好靚, 好精細就一定!!
    MAX噴法+甩青舊化=顏色 豐富. Sci-fi野ok.
    [版主回覆03/06/2011 00:06:00]謝謝。不過我都會試試青爺的提議,免得隻隻都用同一個玩法。

    回覆刪除
  16. 好靚喎!期侍隻斯巴達
    [版主回覆03/06/2011 00:07:00]隻斯巴達今期在冬眠中 

    回覆刪除
  17. 完成咗 WAVE 戰斧有冇滿足感呢?? 件方面同金井比有冇距離呢?
    [版主回覆03/07/2011 10:11:00]我自己無緣一睹有井 1:72 的實物,但在 網上 所見,從外型,細緻度和活動能力都遠遠不及 Wave 這個版本了。

    回覆刪除
  18. 看到青爺的意見,小弟有些地方想補充一吓.
    首先(黑底)上色法 +甩青舊化是絕對配合的.但當中的過程要加上很多不同的步驟....噴油> wash > filter or fading 調節色tone>甩青 >舊化 (mud / dust/rust/ rain mark).....etc
    單就噴色就要噴上幾種不同的色tone.以沙黃色為例,可以不用全身打黑底.
    但用 黑色 打底不是代表要做成明顯的 四周黑邊 .
    四周黑邊的噴法不是真正的立體效果.也做不到舊化的要求.看看CM法的概念, 就會明白由深到淺噴上是如何做出立體效果.
    也就是說明了噴主色打黑底法/ CM法是要做出光暗的立體效果, 而不是達到舊化的效果,
    [版主回覆03/09/2011 12:00:00]請問甚麼是 CM 法? 個人就不太熱衷於由深到淺噴上不同主色的漸變方法去表達立體感,因為祇要燈光一有強烈的改變的話,之前一擔心機噴出來的效果就可以蕩然無存。所以我就懶得就懶 

    回覆刪除
  19. 若然你不太熱衷於由深到淺的噴法, 那麼CM法就不是你的那柸茶了.
    都是MAX coffee啱你口味
    [版主回覆03/10/2011 07:59:00]這又不一定,很多技巧都要兼收並蓄嘛!

    回覆刪除
  20. 好喜歡每次來你blog都有東西可學, 你要加油啊 !! 我係講真o架, 都有一排冇上blog睇(個多月吧~~), 再睇你個blog, 以前初初打blog跟各位學o野的感覺又返來
    [版主回覆03/19/2011 09:25:00]其實我自己現在也少寫 blog 了 

    回覆刪除