Translate

黑店

昨天從加拿大的東面飛了去西面,為的是開一個三天沒頭沒路的會。雖然地點比渥太華稍為暖和,但卻是個小城市。此地也並非我首次到來,六年前我亦曾到此一遊。此地與上次來時一樣,需要乘坐我一生中坐過最細小的客機,可見地方之細小。也許我是識途老馬的關係,知道這裡無甚好逛的地方,所以這次我更加帶齊裝備在酒店砌模型。當然笑笑團的死線已迫在眉睫,不由我不趕趕工。但始料不及者是,入住的酒店原來是一間黑店,房間之暗,枱燈之弱,實在難以長期作業。所以如果我隻龍飛趕不起的話,要賴者先推 Snowy 影響心情,再者就是這間黑店拖慢進度!


9 則留言:

  1. 出Trip砌模型!利害利害!你有冇響酒店房噴油呢?
    [版主回覆04/17/2008 21:14:00]當然無,除了噴筆氣泵之外,油,稀釋劑,及噴罐一概不准帶上飛機嘛!

    回覆刪除
  2. 你真係去到邊砌到邊, 無晒時間同空間嘅限制! 佩服! 佩服!
    呢種機我都坐過, 好似同地方大小無關嘅, 因為我係温哥華去西雅圖都係坐佢, 兩個都叫做大城市Y. 我諗應該同距離有關??
    [版主回覆04/17/2008 21:14:00]大地方客量多就可以用大機嘛。温哥華與西雅圖只能算異數,因為兩個大城市近,大部份人駕車往返,這方法在時間、金錢和便利上都比坐飛機化算,難怪空運客量少。

    回覆刪除
  3. 去到邊....整到邊....善用時間....
    隻飛機好過癮....有機會都想試下.....
    [版主回覆04/17/2008 21:15:00]不過駕飛機幾嘈。

    回覆刪除
  4. Hummm... 睇來我隻TR-1都要帶埋返温哥華整! 但啲油點算呢?
    [版主回覆04/17/2008 21:15:00]等返香港先上色囉。

    回覆刪除
  5. 咁你隻藍雞又如何呢?
    [版主回覆04/17/2008 21:15:00]隻藍雞一定趕唔切,不必多諗。

    回覆刪除
  6. 砌龍飛期間走失兩件PARTS 咁點算...
    [版主回覆04/17/2008 21:16:00]咁笑笑團就又少一件囉!

    回覆刪除
  7. 好似常威兄講點噴油呀,你帶埋噴油在身乎
    [版主回覆04/18/2008 07:07:00]我又不是出幾個月門,砌模型只屬消磨時間性質,不用砌至噴油階段吧!

    回覆刪除
  8. 去到邊砌到邊! 正!
    [版主回覆04/18/2008 07:07:00]你現在知我幾爛癮啦

    回覆刪除
  9. 真係任何時候都不離手...佩服...
    [版主回覆04/18/2008 07:07:00]客氣客氣!

    回覆刪除