Translate

薄磨片重光紀念日

自從從亞糊 sir 處買了蝕刻製打磨機用的鋸片(下圖右)之後,需要用打磨機作切割的工序都使用了它。雖然這是極鋒利及危險的工具,但勝在快捷和鋸口相當薄。未用它之前我是使用一般打磨用的薄磨片(下圖左),但這東西的設計是用來打磨而不是切割,雖然用在塑膠上也能作切割之用,可惜切口相當闊和易爛(不過又比蝕刻鋸片安全)。



今天在切割一塊類似下圖般厚厚的 Mori Mori 時,蝕刻鋸片實在切不下去,這是因為太厚而「食」住了鋸片的關係。於是乎我貪得意改用了薄磨片作切割。在灰塵飛揚中卻發現,原來切割 Mori Mori 是需要用它而不是正式的鋸片;因為磨片在 Mori Mori 中可以前後左右上下去移動,不會被厚厚的 Mori Mori 「食」住。反之正式的鋸片只可以左右上下移動(與旋轉軸垂直的方向),如此就少不免被夾在厚厚的 Mori Mori 中。(厚塑膠也不至於會被夾住,因為高速轉動的鋸片還可以熔掉包圍的塑膠而鬆脫,但它就熔不了 Mori Mori。)似乎我的薄磨片又有重見天日之時了!


9 則留言:

  1. 咁你鋸緊o個舊係乜東東?
    [版主回覆05/06/2008 05:43:00]鋸緊那個是大魔的後裙甲,上圖卻是大魔的盾。(因為後裙甲正有工序不方便影相,所以找塊差不多的盾來影相。)

    回覆刪除
  2. 用呢D鋸我都唔敢直接落去...
    因為我好怕鋸唔直同失手, 咁就成件野報銷.....
    [版主回覆05/06/2008 05:44:00]鋸失手了就補過吧,很少會成件報銷的。

    回覆刪除
  3. 一般情況下, 小弟都是用鋸刀手鋸 , 因用(薄磨片)機鋸 , 會太大灰塵 ,用磨機鋸片, 則太危險.......小弟也曾因用鋸片機而受傷
    [版主回覆05/06/2008 10:25:00]完全同意!昨日用完薄磨片磨塊 Mori Mori 之後,要抹一大餐塵

    回覆刪除
  4. 左邊磨片...小弟我都有....但未用過 (因為唔識用)....
    [版主回覆05/08/2008 08:18:00]好嘢嚟架,要試用啊!

    回覆刪除
  5. 我仲未收到隻紅雞喎﹗﹗

    回覆刪除
  6. 真係要超小心...
    我用右圖果種鋸abs...試過卡左少少,之後彈鋸...成件同手指即刻多左條痕....而且鋸中果下手指係無感覺= ="
    唔係縮得快都分分鐘cut手指= ="
    用時一定要小心,蝕刻鋸真係非常十分之利....
    [版主回覆05/08/2008 08:24:00]所以用時除了要超小心之外,握打磨機的一隻手一定要運足勁抓緊部機,而握件的另一隻手也要小心不能放在鋸片那平面上,減少切到手的機會。

    回覆刪除
  7. 今晚回家收到掛號信,星期五去取﹗
    喂﹗﹗真係唔該晒呀﹗﹗
    [版主回覆05/08/2008 08:19:00]唔洗唔該,尤其是你仲未知隻雞有冇被分屍

    回覆刪除
  8. 嘩! 一唔小心真係連手指都飛走喎!
    [版主回覆05/11/2008 04:17:00]完全正確

    回覆刪除
  9. 有時要鋸金屬嘢, 會用坊間買叫 山渣餅 黎用, 佢一路鋸會一路蝕, 如果角度唔正重會爆散晒. 真係好危險  最好帶護眼罩之類嘅嘢好d....
    [版主回覆05/11/2008 23:43:00]我係四眼仔,怕爆散的危險不多。

    回覆刪除