Translate

變、變、變 (二)


這幾天的天氣相當寒冷,打從星期日起就知道氣温會降至零下廿多度,但當時天氣報告說,雖然星期一會這樣凍,但星期三將會是零上七度!心諗,如此天氣真是變得利害,星期一開始下雪,星期三就開始溶雪!


下圖:星期一早上。在這邊居住多年,早已知道一大清早有這晴空的話,氣溫多數會特別凍。從上圖可知,這是零下廿一度的光景!


下圖:凍得河也結冰,不過....


下圖:河面結冰成這樣子,表示水是急速凝結引致冰面不平滑,這是很少見的。


* * * * * * * *


不過,星期二早上的天氣報告卻變了;今次的重點不在凍,卻在雪!雪,是很多那種,但仍然可以叫人憧憬零上的氣溫。


下圖:下午三點半,因為實在下了很多雪的關係,所以上頭說大家可以提早回家!


下圖:可有蟹 sir 自拍的丰采?


下兩圖:星期二晚,大雪稍停,但渥太華已被埋在雪中!


* * * * * * * *


又一次不過,星期三早上的天氣報告又變了;今次的重點不在凍,不在雪,卻在冰;至於話令人响往的零上氣溫就消失得無影無踪!據收音機話,凌晨時份下過冰雨,地面有冰令車路相當跣滑。但當我早上出門口時,發覺路上沒有冰,但卻積了厚厚的一層雪,令人寸步難行,我比平時行多了十五分鐘才回到公司。(這些雪是凌晨時份下的,雖然市政府已經通宵剷雪,但仍然力有不逮。)


* * * * * * * *

其實在渥太華,每一個人在星期三早上都希望有一個改變,但偏偏這件事卻原封不動沒有轉變。心水清的朋友可能會奇怪,既然早上積雪層層,何不乘巴士返工呢?答案好簡單,從星期三起,巴士司機罷工!


CBC News

22 則留言:

  1. 睇完你篇野真係有d凍!
    今日香港朝早19度,最高氣溫23度。係咪好想番黎呀?
    [版主回覆12/11/2008 10:22:00]凍其實不難解決,只要穿上合適的衣物就行了;但返工不能選擇坐巴士就好麻煩了。(揸車返工只會更煩而不能帶來方便!)

    回覆刪除
  2. (揸車返工只會更煩而不能帶來方便!)
    係咩? 唔覺喎! 今朝401有三架貨櫃車炒埋一碟, 我個段路变得暢通無阻仲正過平時!
    [版主回覆12/12/2008 09:57:00]或者真係暢通無阻,但肯定心驚膽戰

    回覆刪除
  3. 如果有得係度住返 三幾日 應該幾開心~
    [版主回覆12/12/2008 09:59:00]三幾日的確會幾開心架,如果唔病的話

    回覆刪除
  4. 你靚仔D﹗起碼見到你可愛的紅鼻子﹗﹗
    話時話,我儲緊錢來探你呢﹗
    [版主回覆12/12/2008 10:00:00]好彩個鼻未結霜
    等你!

    回覆刪除
  5. 如係我老婆話﹕佢話尾二、三張相好靚,好似聖誕村咁﹗﹗
    而我就諗,零下廿一度係涷到咩感覺呢?
    [版主回覆12/12/2008 10:03:00]剛落完雪,連平時黑漆漆的馬路也白雪雪,所以夜景會特別光,因此感覺會靚啲!

    回覆刪除
  6. Syd...............summer time right now!!! But this yr not as hot as usual!! Always 18-25........!! Good temperature. But..........always wet, how can I painting Gunpla?!
    [版主回覆12/12/2008 10:04:00]Try to use acrylic paint then

    回覆刪除
  7. 嘩!天氣凍成咁,我諗除食飯沖涼會留係屋內活動範圍,其他時間都會留被窩囉 ~  
    [版主回覆12/12/2008 10:08:00]差不多全部加拿大的屋都有高隔熱能力,外面的寒風是吹不進來;而冬天室內只要有開暖氣的話,其實室內是相當暖和的。

    回覆刪除
  8. 係香港, 諗都冇諗過有 零下幾多度 哩回事..零下廿幾度嘅感覺, 唔知會凍成點呢? 會唔會已經係凍到冇晒感覺?    嗰幅河水結冰圖好有 世界未日 feel....
    [版主回覆12/12/2008 10:12:00]老實講,零下廿幾度的感覺我也不清楚,因為我都會穿上合適的衣物才到室外,所以不論是零下廿幾度還是零下幾度,感覺都是暖和的;分別者只是隻裹蒸粽有幾大矣

    回覆刪除
  9. Right now I'm trying to use GAIA paint.............!!! Soon would start work on Gunpla again once X'mas holiday start!! As........I've got.........a ......... long............long..........don't know how long of holiday!! ~_~
    [版主回覆12/13/2008 08:19:00]Make sure you enjoy your long Christmas holiday then because it only comes once in a year, curiously enough, on the same date

    回覆刪除
  10. 好怕凍...難想像身處零下溫度的感覺...唯一喜歡的可能是下雪的景象!
    [版主回覆12/13/2008 08:21:00]就算在香港,偶然也有些冰雕展或近似的活動,要置身零下溫度也不是無機會的。

    回覆刪除
  11. 看到這2張已經FEEL到...白色聖誕~
    不過零下22度...不敢想像凍到點...
    [版主回覆12/13/2008 08:23:00]其實,想像不到是一種福氣

    回覆刪除
  12. 咁結法,真係好少見喎!
    [版主回覆12/13/2008 08:26:00]有一樣嘢都好少見:Yahoo 又會將幅相壓扁咗嘅?

    回覆刪除
  13. 靚景啊 比我點都要仆出去影影影
    [版主回覆12/13/2008 08:41:00]我看過幾個影相教學,都說為怕相機因為穿梭於大冷大熱的地方而令鏡頭聚積水氣,所以要放入密封膠袋作緩衝。問題是緩衝的時間太長,人到了户外凍死了也未夠時間把相機拿出來用!我以前和現在用傻瓜機影也不會理這個問題;雖然我部單反不是甚麼好機,但我就不太願意冒這個險。所以你話要衝出去影可能不是很簡單的一回事!

    回覆刪除
  14. 係我唔少心將幅相壓扁咗,哈哈
    [版主回覆12/13/2008 09:03:00]原來連相的比例也可以改

    回覆刪除
  15. 嘩!!,,,好有feel 呀!靚景一絕!
    [版主回覆12/13/2008 10:58:00]"Feel",真係可圈可點

    回覆刪除
  16. 又學到野
    [版主回覆12/13/2008 23:59:00]我都未知點解決這個

    回覆刪除
  17. 嘩~~ d雪景好正呀!!!!!! 真想親身體驗下~
    [版主回覆12/14/2008 00:00:00]問下 YAYA 佢公司請唔請人

    回覆刪除
  18. 小心一出一入冷親呀...
    [版主回覆12/14/2008 00:03:00]對啊,一出一入好易中招。不過我今年首次打了流感針,至今效果相當好,有時侯應該唔舒服的中招時侯今年都大步檻過!

    回覆刪除
  19. 我都唔知~ 我只係知d 人係好凍既地方影相會成日用衫包住部機, 因為温度太低電池可能會唔work, 但入面會出現水氣真係未聽過
    [版主回覆12/14/2008 01:03:00]電池無電倒不是大問題,因為這是短暫問題不帶甚麼破壞力,但水氣就可大可少

    回覆刪除
  20. 流感針我呢幾年在香港都有打, 但打咗好似仲死! 以前好小病, 呢兩三年流感高峰期我都中招! 老啦...
    [版主回覆12/14/2008 11:44:00]咪淨係掛住做,做多啲運動啦!

    回覆刪除
  21. 真係無極地既攝影經驗
    [版主回覆12/14/2008 11:43:00]有待發掘,有待發掘!

    回覆刪除
  22. 嗚嗚! 好想睇真雪啊!!!!
    [版主回覆12/19/2008 10:54:00]人造雪已經是一個好開始了,你慌你會無機會?!

    回覆刪除