Translate

唔熟唔做 +/-

過去幾日花了很多時間整理十日前影的一批汽車相。因為那是自己首次影一大堆汽車,所以影的時侯有點亂,以至後來整理時十分艱難。首先自己不是車迷(模型和實物皆然),所以不清楚甚麼要影甚麼更加要影,所以幾部差不多樣紅色車的相也搞不清楚。故此區分它們的相也花了我半日時間。當分好了之後,執相的工作自也少不免;好彩這方面平時訓練有素,所以只是花時間而沒有困難。之後放上網的工序雖然公式化但卻十分麻煩;因為我用了 folders 把相片分類,故此放上網時要一個一個 folder 去 create 和上載,結果上載 109 張相入 33 個 folders 就要了數小時才完成。當然,這步驟只是麻煩,技術上一點也不困難。然後怎樣 present 這百多張 600 x 900 的相才是困難!很明顯沒理由要瀏覽器同時下載三十三部車的 109 幅相。這種問題在我的模型網頁中只出現過三次,但三次的同一個解決方法也不是很理想。起初本來想用 XML 和 XSTL 去寫網頁,但自己所知太皮毛,做不到幾個最重要的部份。結果星期五時決定改用 Javascript,基本上以 Web 1.0 的方法去做。放工後買了本 Javascript 和 Ajax 的書,花了一日時間嘗試,結果,登、登、登,搞掂!雖然不是百份之百滿意,但當中所學到的將會成為自己模型網頁的新功能!


這件自己不熟悉怎樣做的事,經過一番努力,總算叫做有點成績。(正果


當然,不是每一件自己不熟悉的事,在努力過後都會有成績。飛機,我想我打比砌更耍家。故此當我部 VF-0D 的一件很顯眼的零件消失在我眼前時,我知道我們也差不多要分手了。

8 則留言:

  1. 你閉關練成的 ( 正果 ) 應該文放大D ,唔係好易錯過了~ 有時候砌模型真係好邪(偏門? ),如果一件模型遇到三番兩次的錯折我會放埋一邊,過一段時間先再攪佢~唔係呢家野實一不離二. 最衰係有時多零件就好少唔見,少野0個D行開一陣就唔見左.... (好驚 )
    [版主回覆07/01/2009 18:44:00]那正果只是結果,重要者是過程呢! 你說得對,真係好邪,「一切皆天意,半點不由人」,免強也無謂。正如這邊某電視廣告所言:"When the love's gone, move on."

    回覆刪除
  2. 正呀, 咁我第日砌車可以有多啲referecne喇 .其實如果唔太熟啲車係有困難分類, 正如我最近對坦克上咗引, 上網或去模型舖都會多睇咗有關資料, 不過啲型號仲多過拉利啲車車, 就算同一架4號戰車都有好多唔同型號, 仲要後面一大堆好似德文嘅字母, 一時間完全冇晒乎
    [版主回覆07/01/2009 18:39:00]對啊,好彩大部份車有影後欄,舊的法拉利後面有相才分得開型號,否則部部都只能說是 308 或 328,甚麼 GTS 呀 GTSi 等一概投降!

    回覆刪除
  3. 老同學嘢真係快手... 下次試唔試Flash或Dreamwaver呢?
    [版主回覆07/01/2009 18:35:00]應該不會了,一來我公司的瀏覽器不能裝 Flash,自己網頁中加 Flash 反而令到在公司上自己網頁時不便。二來你見我這網誌沒有 banner 沒有牆紙沒有歌曲,就知我篤信開網頁時要夠快。這些 eye candies 在頭一兩次瀏覽時也許吸引,但光臨多次的人可能會因為開網頁時太慢而放棄掉頭走。故此 Flash 這東西沒有衝動想加,至少我仍未想到用 Flash 可以做出甚麼有實質用途的功能。

    回覆刪除
  4. 堂兄真係有毅力,雖然話唔熟唔做,做做下咪熟囉.....努力。
    [版主回覆07/01/2009 18:23:00]客氣了,不過這幾日很忙,沒有時間上網瀏覽

    回覆刪除
  5. 師兄嘅  正果   果然好正, present 得好好,  多謝分享!
    [版主回覆07/01/2009 18:21:00]謝謝

    回覆刪除
  6. 嘩 ! 你o既正果真係正到痺, 冇得頂呀
    [版主回覆07/03/2009 10:00:00]謝,言重了!

    回覆刪除
  7. ( 正果 ) 冇得頂呀
    [版主回覆07/03/2009 10:01:00]謝謝。

    回覆刪除
  8. 超正的說   可以見到咁多靚車真係羨慕死人
    [版主回覆07/03/2009 10:02:00]對你這樣的影師,的確是會好好玩

    回覆刪除