Translate

甘露

早陣子從多倫多收到的風,說渥太華會開一間大型唐人超級市場,在剛過去的星期三就開幕了。這唐人超級市場據說是從溫哥華開過來多倫多,再因為生意太好而不久前被這裡某大型西人超級市場收購了,所以這原是台灣資金的超級市場就好風光地殺入渥太華了。開幕當日人頭湧湧,連 CBC 晚間新間也有報導。剛好我屋企附近的唐人超級市場上個月轉了手,要十一月才重開,故此星期六我就去八掛一下。想是渥太華的唐人久旱逢甘露,我一駛入去停車場就發現一如那些在多倫多的分店一樣,停車場是泊到滿一滿的。誰不知泊車不是最難,原來入門口才是最艱難。我住在加拿大廿多年,從未見過要排隊入超級市場,所以一見這陣容就立即掉頭走。好彩突然記起要為此情此景拍張照片,否則就真的兩手空空而回。不過因為這超級市場的位置靠近某間模型舖,想來我以後總有機會拜會一下的。


又,九月初時因為開始要趕模型,所以把手上的遊戲全借給了我姨甥,但今天百無聊賴之下,見這遊戲減價,故此買了來玩。希望不會上癮阻慢我的模型進度吧!

7 則留言:

  1. 堂兄真係利害, 連本來去超市順道都可以買到嘢玩
    [版主回覆11/02/2009 06:59:00]君不知這裡的西人超市除了有蔬果魚肉賣之外,從六合彩、DVD、遊戲機和 game 之外,服裝和 EPS 提款都可以辦得到。區區買嘢玩又何足道哉!

    回覆刪除
  2. 呢條人龍...........唔知情. 仲以為有錢派
    [版主回覆11/02/2009 06:54:00]超市多數都只會以為有米派啫 

    回覆刪除
  3. 呢間已經係過氣超市了!  呢便新開果間, 真係插針都插唔入!
    又, 隻Game 都幾好玩嫁, 但好多時要player 2幫手先容易D過關..
    [版主回覆11/02/2009 06:53:00]下,又有新超市?!真係一鷄死一鷄鳴。
    個 game 暫時玩了兩小時,進退不得 

    回覆刪除
  4. 派平安米乎?
    [版主回覆11/03/2009 07:56:00]好嘢,咁都比你諗到 

    回覆刪除
  5. 我重以為係 火車站 排隊買車飛... 大陸春運......
    [版主回覆11/03/2009 07:58:00]又幾似紅碪火車站喎 

    回覆刪除
  6. 香港反而搵車位最難,有時想約朋友出街去食飯、佢地第一個問題就係‘有無車位先?’
    [版主回覆11/03/2009 08:01:00]我最怕塞車和揾位,所以可以的話我情願坐巴士和地鐵。

    回覆刪除
  7. 小小大星球係正GAME來的﹐我和老婆玩到不亦樂乎﹗
    丫……我仲未收到掛號信喎﹗
    [版主回覆11/03/2009 08:03:00]上次小鯊時又係咁,這陣子似乎要兩星期先可以寄到香港   希望這星期寄到吧 

    回覆刪除