Translate

Z無國界小隊 - 硬膠


這篇其實寫於昨晚,但當時 30 週年巾的熱血四散瀰漫,雖不至於 Z 巾要兜著走但還是避其鋒頭為上。本來上星期打算這個週末可以開始上色,但想想還是給自己多一點時間去籌備上色,免得上了色後才發現要另做補強的工序。對,是補強,不是其他。


kog 的 Z 無國界小隊是始於二月,當時自己正替部 GM 做超可動,聽見玩 Zeta 不能大改,於是當時就決定這部 Z 玩超不可動,aka 硬膠版!故此之後 買了這盒模型後,從來就沒有完全素組過,因為模型中的軟膠關節一概不用。沒有軟膠關節自然想素組亦不能。所以還是這個週末才第一次把整部巾做成站起來的樣子。


自己還是首次這樣玩一盒現代模型。(以前試過把 FG 巾砌成硬直版,但它本身沒有軟膠關節,砌成硬直也只不過是滲點膠水入關節中吧。)放棄軟膠關節可說 是有辣有不辣;辣者是,某些零件的組合需要重新做過。這對於一部將要坐飛機的模型來說,組合的方法和強度又難了一點。而不辣的地方主要是零件接合的角度有不同的變化,因為原本放軟膠關節的位置留空了。


下數圖:原來砌了出來是如此模樣


下數圖:放棄了用軟膠關節,有時連分件也變容易了。


下圖:原來有沒有用軟膠關節,股軸部份都是甚麻煩的地方。還是打銅枝補強為上!


下圖:沒有了軟膠關節之後,一雙背翼的放置角度就有更大變化了。


下圖:既然是超不可動,腰部想前屈就向前,不必理會甚麼穿崩位了。


下圖:連頭上大小兩對角也改變了指向。


下圖:因為將要入盒郵寄,為節省空間而把背部中央的部份做成可脫著式,以磁石連接,這和頭上的角將會是唯一「可動」的部份

28 則留言:

  1. 你1月都唔會去呀??
    [版主回覆11/10/2009 08:38:00]我個心會去 

    回覆刪除
  2. 唔...我都有呢隻1/144, 不過而家應該趕唔切了..
    [版主回覆11/10/2009 08:43:00]唔好揾藉口喎,OOB 都收貨,一月十七日聚會,你拍我寄都係一月一號前起貨。你部 VF-0S 都可以咁快砌起,無理由兩個月砌唔起嘅!

    回覆刪除
  3. 地理堂兄接連出post"燒"住我地呢!! 對我呢d懶人真係動力來源 我覺得硬直版最難係擺個稱心的姿勢, 然後下定決心黏死佢呢....
    [版主回覆11/10/2009 10:46:00]乜你都「兄」我咁見外呀! 係咁上下時間啦,你部炮吉都九九十十,係時侯諗下一隻! 我自己只憑對 Zeta 熟悉才夠膽這樣做,比部 00 我不認識的機體就一定不敢跳過素組擺個姿勢黐死佢。

    回覆刪除
  4. 好熱血呀~~ 今晚我都要出post~
    不過睇完超可動神的作品後, 好難取捨做超不可動~
    [版主回覆11/11/2009 06:55:00]我星期日無睇過超可動神的現場作品,無中毒 

    回覆刪除
  5. 第二個火頭嚟啦
    [版主回覆11/11/2009 06:58:00]陸續有來呢!

    回覆刪除
  6. 其實....Z話唔改外觀遮...無話唔比郁丫?  不過, 我同kaku師兄, 搵老襯, kog, last哥, 一年兄...等等, 都話"唔郁得既模型係無靈魂既!"   
    [版主回覆11/11/2009 07:05:00]唔郁只係比自己的一種考驗啫  你這種入了魔道的靈魂,我呸 

    回覆刪除
  7. 點解你有咁多時間砌模型嫁.....
    回一回島主"唔郁得既模型係無靈魂既!" >>>模型的靈魂是製作人用心下的成果,與郁唔郁得無關.
    [版主回覆11/11/2009 07:09:00]你咪鬼信島主的鬼話,佢魔障甚深,遲下佢會改口話「郁得但唔會著燈既模型係無靈魂嘅」 我有咁多時間砌模型係因為我無女要服侍 

    回覆刪除
  8. ky你咪咁認真啦 , 島主講哥d係"超可動派"門人佢地獨家心法來的
    [版主回覆11/11/2009 07:10:00]佢哋就快個個玩埋著燈架啦!

    回覆刪除
  9. 超不可動派 ? 新流派 ?
     
    [版主回覆11/11/2009 07:12:00]基本上硬膠派係模型遠祖來的,之後先有超可動派 

    回覆刪除
  10. z個肩我都唔知點改好.....超不可動派....都好......跟下先.....
    [版主回覆11/11/2009 07:13:00]個肩要改可動不難,尤其是對你來說!

    回覆刪除
  11. 「超不可動派」……似乎是我由始至終都採用的風格……
    [版主回覆11/11/2009 22:11:00]印象中你都有可動的 MS,不是由始至終都是「超不可動派」!

    回覆刪除
  12. 好爽快呀!一就一,二就二,一野就令佢唔郁得,果然武功蓋世呀
    [版主回覆11/11/2009 22:15:00]又的確係「武功蓋世」,如武俠小說中所說,「不動如山嶽」,但之不過「動之如硬膠」吧 

    回覆刪除
  13. 我也是喜歡不可動的--用來視覺鑒賞的作品而不是玩具. 模型本來就該是靜態的. ...... 不過, 我細個果陣係鍾意郁得嘅.
    [版主回覆11/11/2009 22:17:00]其實我對完成品都只是擱在一旁,所以可動其實於我無甚用處。

    回覆刪除
  14. 勁呀...變成超不可動...
    [版主回覆11/11/2009 22:18:00]又有幾勁啊 

    回覆刪除
  15. 嘩! 是得道高僧級的硬直坐化升天版嗎!?
    睇黎我都係入了魔那一派, 不過可動改造功力還只是小鬼吧了!
    [版主回覆11/11/2009 22:20:00]改可動的技術要求多很多,不能說是小鬼吧!

    回覆刪除
  16. 我參考下先...
    我又係整Z
    [版主回覆11/12/2009 04:43:00]加油吧!

    回覆刪除
  17. 我那種可動只是方便 set pose,之後便動也不動了。
    [版主回覆11/12/2009 04:42:00]我初時以為你這部吉是可動,但發覺它幅幅相都是這個姿勢,似乎你真要為笑笑團獻出可動的第一次 

    回覆刪除
  18. 它是可動的,但理念是 set 定後便不動它,但如夾硬來你仍可動它,它是可動的,可動L 的。
    [版主回覆11/12/2009 10:33:00]Set 死這部吉其實幾浪費  話時話,收到「小鯊之物」未?

    回覆刪除
  19. good!!!!
    我還得十多廿年前,那是日本好興都是以外型為主, 將可動變成不可動...
    當時都是因為首辦的興起....
    你呢隻又令我想起手功強化的外型!! 非常期待完成呀!!
    [版主回覆11/12/2009 10:35:00]放心,我這隻不會令你想起手功強化的外型;你還是期待完成自己的婚禮吧!

    回覆刪除
  20. 我唔覺得浪費o架,可動玩下玩下脫晒油重浪費一番心機。
    時話時:蟹話貨已到,但未有空拿,所以算是收到定未收到?
    [版主回覆11/13/2009 10:08:00]那是未收到!

    回覆刪除
  21. 今次唔跟... 諗緊點變形...
    [版主回覆11/13/2009 10:05:00]各施各法,這樣才百花齊放嘛!

    回覆刪除
  22. 壽屋手掌佩落Z到的確好正下,唔我都要同佢搵返對先得!
    [版主回覆11/13/2009 10:03:00]的確是相當合適的!

    回覆刪除
  23. 個外型唔錯喎 , 有啲似滕田版
    [版主回覆11/13/2009 09:58:00]你又砌啦,一月再見笑笑團嘛!

    回覆刪除
  24. 正確的講,是運到但未收到啦。
    [版主回覆11/16/2009 10:13:00]對,不過就不必擔心會失掉了,除非科妮和 Miffy 愛上它們 

    回覆刪除
  25. 當然勁啦, 改不可動要做的修改, 和改超可動一樣這麼多功夫喔!
    [版主回覆11/16/2009 10:14:00]的確是很多功夫,不過不是改裝;遲下你會知 

    回覆刪除
  26. 玩超不可動,又係另一個難度動作。除要清除之前的軟膠位,又要遮掩o的走光位!做番個硬直版個外型都唔錯喎  ~
    [版主回覆11/16/2009 10:15:00]只不過用另一個角度玩這盒模型吧!

    回覆刪除
  27. 蟹怪說星期三會拿給我,過埋呢兩日便袋袋平安。
    [版主回覆11/16/2009 10:36:00]星期三香港放假咩 

    回覆刪除
  28. 星期三係香港人一個重要日子:Cody 結婚擺酒。
    [版主回覆11/17/2009 10:53:00]收到 

    回覆刪除