Translate

來甘

今早一覺醒來,知道 2010 年的 BLOG 友笑笑團聚會因為出現了第五勢力而要押後三個星期,這個令到本來打定輸數不能完成部吉姆的我又重新振作起來,看情況趕得起的可能又大增了。另外今早接到消息,我姨甥的心臟手術一切順利,他可以不需要下半世孭住個心臟起搏器做人,實在令一家人放下心頭大石。甚至乎今日在公司一切工作順利,連在家打 Solitaire 也嬴多輸少。大家請話過我知,我開始轉運了吧!


苦盡甘來也許是另一個煉獄的開始。昨晚替部 Zeta 噴了消光,今天終於可以做乾掃了。(因為水貼要用光油作保護,未噴消光之前整部 Zeta 表面都很光滑。而因為我是用田宮的化粧盒作乾掃的關係,所以必需先上消光,否則舊化粉是咬不著光滑的表面。)不過在最後組裝等膠水乾時才發現,原來一雙腳並不緊貼地面。當然,我在 set 位時的的確確擺到雙腳緊貼地面才落膠水黐死腿關節,但相信是膠水或畢地收縮輕微變形才出現這問題。這個故事的教訓是,若果搞超不可動的話,一定要把模型 set 死在地台上。現在我才領略這個教訓為時已晚了!



今天亦終於用「摸你摸你」覆好了兩件用在套大氣圈突入裝備的零件。覆件總算是順風順水,只不過在製矽膠模時因為催化劑變質,液態矽膠催了一個星期都仍不「變態」,最後也只好死死地氣掉了舊的矽膠重新製過另一個模。


下圖:一共四套「摸你摸你」的覆件和矽膠模。


下圖:覆製的零件是會用在大氣圈突入裝備上,圖中見的小零件是原件而非覆件。


下圖:1:144 和 1:100 比例對比。還差十多二十個工時應該就可以竣工了。

19 則留言:

  1. 見到你Zeta對腳, 令我諗起早排電擊hobby, 用海綿印出一撻撻的效果(係跟某一張插圖), 唔知軍事模型興唔興咁整~
    另有一個問題, 雖然你擺左1/100同1/144的大氣圈突入裝備, 但過程...唔同你又用左叮噹果支放大縮小槍!?
    [版主回覆12/10/2009 11:07:00]過程:
    BLOG友笑笑團2009:紙模型
    BLOG友笑笑團2009:姆力沙的秋裝
    MOG'10 - 大氣圈突入裝備

    回覆刪除
  2. 你既情況等同跑馬,當一轉入大直路,所有位置都有所改變!依家終於到你排第一!恭喜恭喜!
     
    買左你win架!
    [版主回覆12/10/2009 11:08:00]謝謝,不過今日忘記了買六合彩 

    回覆刪除
  3. 係 wor,對腳板唔夠貼地 ~  但係上色效果好正,超期待 ~ 
    [版主回覆12/10/2009 11:09:00]剛才用蠻力把腳板修正貼地了

    回覆刪除
  4. n年前你出個一個post叫「唔會日日褲穿窿,總會有日龍穿鳳」。
    今日恭喜你﹗
    [版主回覆12/10/2009 11:12:00]謝,不過應該是「 吾會日日龍穿鳳,總有一日褲穿窿 」

    回覆刪除
  5. "連在家打 Solitaire 也嬴多輸少"... 哩個都關事...? 哦, 摸你摸你都得, 咁原子灰都得啦, 我一直都有哩個疑問, 現在迷解開了!
    [版主回覆12/10/2009 11:15:00]打 Solitaire 絕對關事  我以前也見過有卜友用原子灰覆,不過記不起是誰。

    回覆刪除
  6. 恭喜恭喜!黑氣走晒!!
    咁笑笑團係咪會多份禮物嫁
    [版主回覆12/10/2009 11:16:00]謝,我會等在笑笑團收份禮物的 

    回覆刪除
  7. 第5勢力!?係咩.....?
    [版主回覆12/10/2009 11:19:00]係城大校長,因為他既不是奧干,又不是泰坦斯或新自護,更不是其他派系( 第四勢力 )。

    回覆刪除
  8. 否極泰來....
    [版主回覆12/10/2009 11:19:00]但願如此!

    回覆刪除
  9. 凸然好想同你去K唱歌神嘅 米貴!冇乜問題,諗計!咪懵懵閉, 掂!就要發威,D錢就會繼續。 BTW, 尋晚在首爾排隊過immigration時, 在我前面兩名美兵就係著住你隻Z的digital迷彩! 當時我仲諗唔知你攪成點呢... 哈! 原來係一樣架!
    [版主回覆12/10/2009 11:24:00]那種迷彩服真的要近距離看才有味道,遠看或在電影中看不到數碼的特點。

    回覆刪除
  10. 隻zeta淨睇對腳已引死人. 原來"摸你摸你"都可複單面件, 相睇表面仲好滑溜, 唔知有何橋妙呢?
    [版主回覆12/10/2009 11:37:00]橋妙我相信是要用有溶劑在內的「摸你摸你」。支裝的 Mori Mori 有時侯會 "jit" 出一些溶劑而不是白色的「膏」,換言之 Mori Mori 在存放幾日後溶劑與白色的「膏」會自行分離了。沒有溶劑的「膏」比較粗及較實,在單面模內比較難被壓勻,出來的效果未必是最好。因為我手上有一罐裝 Mori Mori 的關係,所以很容易就可以把分離了的溶劑和「白膏」混回一起使用。如果用罐裝的原子灰應該很容易就解決了這個問題。

    回覆刪除
  11. d迷彩細到要用放大鏡睇
    [版主回覆12/11/2009 09:52:00]咁又無咁誇張 

    回覆刪除
  12. 朋友你轉啦~ 可喜可賀~
    同波哥補充少少, 用"摸你摸你"複模時加幾滴AA會流性大啲同收縮細啲, 但記住倒完"摸你摸你"落模後記得"登"吓個模喎~
     
    [版主回覆12/11/2009 09:54:00]落  AA 就真係要手腳要快,我頂多會加少少 thinner,不過是會收縮的。

    回覆刪除
  13. 覆得好靚仔
    [版主回覆12/11/2009 09:55:00]覆我個樣會仲靚仔 

    回覆刪除
  14. 一雙腳並不緊貼地面.........是時候造多過地台
    [版主回覆12/11/2009 09:56:00]我用蠻力拆掂了,正正係叫做擺平咗佢 

    回覆刪除
  15. D 件甘靓一定係用多啦 A 夢枝放大縮小槍又或者用 PHOTOSHOP 改出來 !
    你唔使騙我地版 BLOG 啦 !
    [版主回覆12/11/2009 10:00:00]多啦 A 夢枝放大縮小槍比小 tomtom n 年前借去了,PHOTOSHOP 我又唔敢係國寶電王面前班門弄斧,唯有問哈理波波借支魔術棒使使 

    回覆刪除
  16. 你灰色隻迷彩好靚喎!!
    其實離少少好難察覺啦~
    [版主回覆12/11/2009 10:01:00]不過好易 PK 的 

    回覆刪除
  17. Yeah! Zeta 己經完成! 快D出相啦
    [版主回覆12/11/2009 10:02:00]暫時無時間(仲未開飯呀!),不過可以先去模型村看看。

    回覆刪除
  18. 你可以試吓落AA, 無你想像中快, 你會發覺佢嘅好處~
    [版主回覆12/11/2009 12:04:00]多年前我已有落 AA 膠在 Mori Mori 中。雖然混合物中 Mori Mori 把 AA 膠包著令其減慢接觸空氣而乾硬,但我習慣在矽膠模內每處尖角位都小心把 Mori Mori 壓實,以避免有沙窿出現。這步驟可以相當花時間,所以我才擔心混合物會乾得太快 

    回覆刪除
  19. 多謝地理堂&大力士的詳盡解釋
    [版主回覆12/13/2009 00:06:00]My pleasure!

    回覆刪除