Translate

近期製作(4 / 5):Su-27 Flanker

這部 1:72 的 蘇 27 戰機是我在 08 年秋天在渥太華血氣方剛時購入的。起初蠻有衝勁地油了機艙的底色後就一直打入冷宮至今。自己對上一次砌軍事戰機已經是 2004 年的事,不過那是一部 1:48 的加拿大的 F-18。回心一想,原來自己從沒有完成過一部 1:72 的軍事戰機,自然更加沒有砌過蘇聯的戰機。(反而這個比例的【超時空要塞】戰機就完成過幾部。)至今作業進度理想,希望可以順利 OOB 完成吧!



下圖:原來這部機都幾大部!


下圖:機背的 air brake 部份;個人覺得砌飛機最煩的就是這地方。通常 air brake 都可以砌成收納或打開的狀態,但如果是收納的話,這塊膠板總是不能平平整整放在機背上,永遠都有很嚴重的高低級問題需要用畢地填補。


下圖:塑膠收縮位。


下圖:機腹的高低級位。


下圖:機翼底的高低級位。


下圖:另一個飛機模型常有的接口位,但又時常都不是夾得好的位置。

10 則留言:

  1. 砌飛支最怕就係呢個夾口, 唔知點解差唔多架架飛支都會有, 而且落差又特別大
    [版主回覆06/02/2011 11:44:00]對,仲要係完全無刻線,要自己加的 

    回覆刪除
  2. 連哩類飛機都撈埋,你好versatile,太強喇。
    [版主回覆06/03/2011 05:57:00]在這邊砌模型,如果祇砌日本科幻模型就實在太難了。尤其是在互聯網普及之前,跟本連買也買不到;不涉足其他類型的話就差不多不必再砌模型了!

    回覆刪除
  3. 我都覺得砌飛機最麻煩既係高低級位,打磨又要小心怕磨走刻線,今次可以睇到堂哥出手砌飛機,真係要坐定定學野!
    [版主回覆06/03/2011 10:02:00]其實我啲飛機打就叻,砌就麻麻地!

    回覆刪除
  4. 都好 !! 起碼有樣叻先 我以前砌機飛機都係玩玩下,係到最近留意多了飛機模型,完來比想像中難砌得多,看來有時間真係要同堂哥你交流下心得了
    [版主回覆06/07/2011 07:33:00]我其實也沒有甚麼心得可言,最多也祇是偶然有機會見下真飛機吧 

    回覆刪除
  5. 仲以為你打算開模型店, 不停地砌display.
    [版主回覆06/07/2011 07:37:00]那些傳統模型畢竟不是我的強項(因為不是最有興趣的項目),如果要太花時間搞到美倫美煥的話,到頭來祇會一件也完成不到。現在這樣簡簡單單砌 OOB 的,雖然不是大製作,但就至少自己可以有這種模型的完成品和(膚淺的)製作經驗。

    回覆刪除
  6. 見到高低級位,重要睇o下係邊度位置,補完重要跟佢刻番線,簡直係地獄,以前細個功力唔夠,砌過一隻,跟住就無攪過囉  ......
    [版主回覆06/07/2011 07:40:00]所以飛機越多刻線,雖然惹來很多掌聲,但砌的人就真係一殼眼淚!

    回覆刪除
  7. 差架潛水艇或者戰艦就海陸空齊晒啦!!
    [版主回覆06/07/2011 07:43:00]最近見了寒竹兄的定遠號之後,我的確有打開自己盒鎮遠號幻想了幾分鐘 

    回覆刪除
  8. 真係多才多藝! 又識砌,又識打!
    [版主回覆06/07/2011 07:45:00]打人我都好耍家架 

    回覆刪除
  9. 我讀書果時都好鍾意砌機,都好奈世紀了...!! 期待作品...!!
    [版主回覆06/07/2011 07:46:00]我讀書果時啲飛機都係打嘅多 

    回覆刪除
  10. 戰機的夾口和刻線都是很難搞的.
    [版主回覆06/07/2011 07:48:00]不過其實那些都是基本功,當練習都是不錯的。

    回覆刪除