Translate

鼻鼾

人有鼻鼾有時的確會很麻煩,噪到身邊的人輕則被投訴,重則分房瞓甚或離婚我亦有聽聞。如果加上其他喉部問題而睡夢中要清喉嚨就更加惹人討厭。還好發開口夢不是經常出現,否則問題更嚴重。所以還是狗好;就如 Snowy 現在有鼻鼾及睡夢中要清喉嚨,趕了牠出房瞓就了事

8 則留言:

  1. 狗都有?
    [版主回覆03/24/2008 22:09:00]現在是老狗,鼻鼾、清喉嚨、發開口夢乜都有。

    回覆刪除
  2. Are you serious? 狗都有鼻鼾??
    [版主回覆03/25/2008 05:20:00]當然有,狗的呼吸道結構與人相差無幾吧!

    回覆刪除
  3. 咁狗唔會發開口夢呱?
    [版主回覆03/25/2008 10:40:00]會架,有時佢會好似發惡夢,突然躺著在吠或叫。通常我會輕輕拍醒佢,之後大家又瞓過

    回覆刪除
  4. 咁人既鼻鼾有冇得醫?
    [版主回覆03/25/2008 10:41:00]好似有醫學方法舒緩的。

    回覆刪除
  5. 依 d 係無法控制....無人想有...
    [版主回覆03/27/2008 06:14:00]問題係,人會理,狗好少理

    回覆刪除
  6. 鼻鼾係因為口腔最入面,(近吊鐘位)上面既肌肉過份鬆弛,所以阻隔住呼吸,當吸氣時空氣震動該塊肉引起回震,而出現鼻鼾。嚴重既會引致睡眠窒息症。
    解決方法:
    1.可以叫鼻鼾人打側訓,不過如果訓訓下打平又有番。美國就有件product係將一個「波」綁在背脊頂住你,就唔會平訓啦!
    2. 做手術,將下垂既肌肉切除,呼吸暢順自然冇鼻鼾啦!
    [版主回覆03/27/2008 06:29:00]做手術聽到都覺得驚,尤其是要切除身體下垂的肉,男人更忌諱

    回覆刪除
  7. 聽講好似肥胖大多有鼻鼾,做運動可唔可以有改善,我都想知
    [版主回覆03/27/2008 06:32:00]人我就唔知,但獸醫話我隻狗扯鼻鼾部份原因係與過肥有關。

    回覆刪除
  8. --我自己有鼻鼾. 尤其吃得太飽, 太疲倦, "唔夠訓" 的時候就很嚴重. 有時嚴重到我的孩子(松鼠狗)也要退避.
    --我從去年5月開始"打地鋪"睡覺, 方便陪伴我的小狗. 牠睡在一旁, 在我另外專門鋪給牠睡的原來是我的棉被上. 平時牠睡在我肩膊的旁邊. 我猛扯鼻鼾時, 牠就移玉步避到我小腿旁邊睡. 這是家母目睹並告訴我的. ~~幸好我沒有被我的小狗趕出房.
    --近來天氣由本來轉了熱又回復稍涼. 我本來把給小狗用的棉被收了並且洗了. 我自己改用簿棉被, 而牠就用沒有棉的被子. 可是轉涼後牠跟我爭被子用.~~
    ~~牠在我還沒睡覺前, 以牠自以為是"先到先得"的邏輯睡在攤了在床褥中間的我的簿棉被上. 到我來睡覺時, 牠無論如何都不肯走. 當然我是可以強行移走牠的, 但是我不想這樣對牠. 結果我讓步, 把棉被和牠整件原整的移到旁邊. 我自己就用毯("費事"把洗好了的棉被再拿出來用, 反正現在其實很溫暖"). 這隻狗和我真的是"無大無細"!
    [版主回覆03/27/2008 06:36:00]好一句「先到先得」,你隻狗霸床與你反攻的做法與我的情況一樣,但不同者係我瞓床。我都好肯定如果我打地鋪的話,我隻狗會嫌硬瞓番佢自己個狗窩。

    回覆刪除