Translate

電擊前最最後更新

上次因為正在集中火力製作大魔的主體,所以忘記了它的武器是還沒有正式介紹過。登、登、登,下面就是我的偷懶之作,集合了阿媽 call 中 Gaea 的肩砲部件,HGUC Hy-Gogg 的飛彈筒和機動戰艦 Nadesico 中砲戰 Frame 的大砲而成的雜嘜臂砲。憑它強盛之製作陣容,應該可以把敵人殺得沙塵滾滾,血流滔滔



另外彈匣頂亦借用了 1:48 飛機轆乙個,特此鳴謝 F-18 戰機捐軀成全。



上面的臂砲是安在右臂上,而左臂會裝上盾牌一面。一如以往,我設計的盾牌一定不會有噴射器或飛彈之類的爆炸品,否則敵人武器來襲時,是該還是不該舉起一面會爆炸的盾牌抵擋?故此盾牌上只有尖刺之類的東西作武器。



基本上這塊盾與裙甲的製作方法是一樣的,不過更為精細一點吧。無辦法,大家難以見到裙甲的底部,但盾的背面卻是人人可見,唯有硬著頭皮去造。



下圖中除了見到連接左臂的部件之外,拍攝角度亦顯示出盾背有另一層裝甲。



正是為了這一層裝甲(還是兩層?),令到製作這塊盾的難度比起製作裙甲更要難,但個人就相當滿意出來的效果了。


13 則留言:

  1. 好仔細喎……
    同YAYA一樣,屋企多模型,係著數的……
    [版主回覆07/02/2008 06:26:00]其實盒機動戰艦我是特登買來取其砲造這模型,不是屋企已有的存貨。

    回覆刪除
  2. 重裝備好精細呀.....每個細節都兼顧到....
    有無最最最.....最後更新.....
    [版主回覆07/02/2008 09:01:00]不幸地,有!

    回覆刪除
  3. 請問個盾你係怎樣做兩層弧度咁大的甲板呢??
    [版主回覆07/03/2008 05:51:00]欲知詳情,請看另一篇吧

    回覆刪除
  4. 青山走犯啊
    [版主回覆07/03/2008 05:49:00]FYI,青山裡的不是犯,是病人

    回覆刪除
  5. 盾牌好正!
    不過都犧牲咗唔少模型! 仲要特登買來捐軀忝!
    [版主回覆07/03/2008 05:50:00]謝,期實另外兩盒都只用了多餘部份吧!

    回覆刪除
  6. 老老實實,d評判睇唔睇到架?佢地會唔會係咁依立下就算架啦?
    [版主回覆07/03/2008 05:53:00]應該會看到吧,塊盾是垂直放的。

    回覆刪除
  7. 請受小弟一拜 !!!!!!!!!!!!!!!!!!!
    [版主回覆07/03/2008 05:51:00]言重了!

    回覆刪除
  8. 咁多樣夾埋名符其實既十大武器啦~
    原來你買d膠笠...唔係, 係膠粒要來咁用既..
    盾牌好有超級糸既風格, 個邊邊睇黎好恐怖,
    用左好多心機磨囉..? 好想睇下大魔既全相呀~
    [版主回覆07/03/2008 05:58:00]又一個被騙了,其實條邊邊係假嘅

    回覆刪除
  9. 咁樣, 每一隻成品, 都係有血有汗. 用盡佢所有腦力,及想像力. 勁
    [版主回覆07/03/2008 05:56:00]對呀,比賽的意義不是誰勝誰負,而是在競爭中迫自己盡量發揮。

    回覆刪除
  10. 兩層裝甲除唔到,噴油會好煩
    [版主回覆07/03/2008 11:18:00]只是稍為麻煩一點,不過也已經噴好了!

    回覆刪除
  11. 個盾好有五星feel!
    期待你下一篇的最最最後更新啦!
    [版主回覆07/03/2008 11:19:00]不幸地,最最最後更新是壞消息,不必期待。

    回覆刪除
  12. 個盾好精細,支炮有創意,正!
    [版主回覆07/04/2008 16:41:00]謝謝,不過個盾好重!

    回覆刪除
  13. 似乎你好鬼鐘意哩d齒輪狀既detail表現手法
    oh..我都係.
    [版主回覆07/04/2008 16:42:00]我哋真啱 key

    回覆刪除