Translate

賤物鬥窮人

今年經濟不景,不少模型舖減價促銷,所以我也數不出今年已在 HLJ 買了多少次模型。月初見它減了盒 AFV Club 的 Centurion,於是順手入了只在 HLJ 找到的 Ma.K. G-Pawn,到今天終於收到它們了。收了這盒 Ma.K. 之後,手上叫做齊了市面上有的 Ma.K. 模型。而盒 Centurion 則是望穿秋水的,因為上星期無意中在模型店買了三本關於加拿大坦克的書,分別是三代坦克:ShermanCenturion 和 Leopard。有了這三本書三後,手上這些模型有望開工了,尤其是部 Centurion,模型完全是加軍所用,不必改裝,多數我會先向它開刀。



這幾日也埋首打磨,除了磨部笑笑團的 Zeta 之外,亦開始為套大氣圈突入裝置埋尾。同時也手痕磨了部 Fireball SG,這機已拖了太久,希望明年初可完工。


24 則留言:

  1. 曾幾何時, 香港都試過賤物鬥窮人, 嗰時三四十蚊買一盒家陣要八九十蚊嘅模型....不過今時今日, 窮人依舊, 百物飊升......人工狂減, 物價狂加. '兩極化' 愈來愈嚴重... P.S.  個 fireball 好靚....
    [版主回覆10/31/2009 06:11:00]十年前的風暴我當時也在香港揾食,的確如你所說。至於現在,社會總會調節的。

    回覆刪除
  2. 賤物鬥窮人? 依家啲嘢一啲都唔平喎!
    [版主回覆10/31/2009 06:06:00]賺港紙美金暫時係差啲 

    回覆刪除
  3. 我都想試下有咁既財力入ma.k
    [版主回覆10/31/2009 06:04:00]放心,你唔洗等到四十歲就有   (慢慢等吧!)

    回覆刪除
  4. 港元跟住美元跌, 買日本模型及用品都唔會平得去邊
    [版主回覆10/31/2009 06:03:00]這問題從海嘯之前,人仔轉強時已有。現在美國仍然衰退,中國經濟仍邁向八巴仙增長,有何法子物價不貴?!

    回覆刪除
  5. wave 果啲ma.k你真係齊晒~
    隻fireball sg 係咪整開倉~
    [版主回覆10/31/2009 05:58:00]好眼力,的確想整開艙,亦因此拖了很久。其實這盒頗適合做開艙,因為 Wave 用了新舊件,故此模型內有兩個馬桶,方便切開兩爿。

    回覆刪除
  6. 好在ma.k 同坦都不是我杯茶
    [版主回覆10/31/2009 05:51:00]五星又如何?(仲死多啲  )

    回覆刪除
  7. >> 賤物鬥窮人? 依家啲嘢一啲都唔平喎!
    有錢佬咪炸窮! 計返加紙都好 貴 !!!
    [版主回覆10/31/2009 05:49:00]加拿大買模型幾時都貴架啦,但雖然現水平匯率不是最好,但一加元也兌 ¥85+ ,再加上七折或以上的折扣,的確是相當吸引的。

    回覆刪除
  8. $$$$$ 
    [版主回覆10/31/2009 05:42:00]你都唔少 Ma.K. 啦!

    回覆刪除
  9. 嘩! 你又係到放毒 . 自從上次中咗隻蛇眼之後, 攪到我係咁搵都搵唔到, 好彩最後都比我搵到, 唔通今次我要飛到加拿大先買到
    [版主回覆10/31/2009 05:42:00]放心,不必去加拿大買,因為買不到。同上次一樣,你只需去日本買便可以 

    回覆刪除
  10. 嘩 你扮窮
    [版主回覆10/31/2009 05:35:00]將標題的「窮」字作動詞看吧 

    回覆刪除
  11. 那三本坦克參考書可能只係加拿大有售... 好珍貴呵。
    [版主回覆10/31/2009 05:33:00]加拿大以外都無人會有興趣砌加軍啦!

    回覆刪除
  12. 你一定係心窮啦! 咁大獲好多喎!
    [版主回覆10/31/2009 05:31:00]你咁都知   (咁夜都唔瞓,你又窮?!)

    回覆刪除
  13. 當然加幣到現水平梗係好好洗 所以要多多益善,過後先有足夠貨底慢慢砌 我相信香港唔少模友而家都係砌返早幾年前買落一大堆的模型過而家呢個日匯嚴冬 不過早一個月前幫家人買部22" lcd idtv都只係 $2000有找 唔多唔少都體驗到"賤物鬥窮人"呢句野既"真諦"
    [版主回覆10/31/2009 12:05:00]其實加幣在去年這時侯仲好洗吖!
    所以我從來都話這些模型是我的退休儲蓄  不過樓下話又不是所有貨品都在鬥平,要看做化了!

    回覆刪除
  14. --香港社會的確正在調節. 當然, 調節背後的意義就是接受壞的事實. 例如, 收入大不如前的人只好接受現實. 找不到以往工資水平或以往的工種的人就只好接受一切較差的待遇和不適合自己的工作. 除了錢和工作之外, 還有, .....etc.
    [版主回覆10/31/2009 11:56:00]接受壞的事實是一個看法,但也不是世界末日,可能只是少出街食飯,一家人多點在家共聚吃飯;亦可以是少買垃圾雜誌少買影碟多去圖書館看書。香港早就是消費型的社會,減少一點消費對大部份人而言不至於影響到基本生活所需的。

    回覆刪除
  15. Ho Hoo Hoooo~~~~
    一生人總要砌一次開蓋馬桶的~~~ (Ma.K迷的諗法)
    隻夜視係香港都重未見到有貨
    隻AFS mkII已經砌咗????
    ps.本Sherman好似好正~~ <---流口水中!!!
    [版主回覆10/31/2009 11:47:00]Wilfred 兄已入了手( SF3D AFS NIGHT STALKER ),香港已到貨了,不過 Wave 的貨量一向少,你可能要走多幾間才找到。 隻 AFS MkII 還是原封不動。 本 Sherman 正的地方不是圖片,而是文字上的解釋。如那裡那個部隊在那時期用過那型號的雪曼。

    回覆刪除
  16. 小弟果盒Centurion都喺時候砌喇, 就約定你2010年一齊砌啦
    [版主回覆10/31/2009 11:39:00]又好喎,不過我要笑笑團之後才有空開工。趕了幾個月模型,這個一定慢慢砌,點都要兩個月時間 

    回覆刪除
  17. 賤物鬥窮人,的而且確,依家好多山口式都勁平,仲有千期唔好一見到山口式即入,因為好快跌價。
    [版主回覆11/02/2009 07:09:00]咁有時侯又不是揀最平的來買,兼且早買早享受嘛!

    回覆刪除
  18. 依家我期待山口式隻Queen's Blade埃及妖后同埋女主角家姐,同埋山口式出年好癲,出異形,出蝙蝠俠,傳聞會出鐵血戰士血獸同埋超人眾義堂系列。
    [版主回覆11/02/2009 07:10:00]好彩我無迷山口式 

    回覆刪除
  19. >>加拿大以外都無人會有興趣砌加軍啦!
    唔係咖。 不少軍事模友熱愛冷門國藉、車種黎砌咖。所以補品市場咪有唔少樹脂改件、PE和水貼等囉。大路廠家亦有注意這方面的需求,舉些例,Trumpeter/Hobby Boss 幾年前就出過現代瑞典坦克Strv 103﹔較新的有:豹2A5的瑞典版(Strv 122)、西班牙版(豹2E)、LAV 的加拿大和澳洲版等,內地軍模界仲好開心添。你少睇內地軍模 forum 所以唔知咋。
    [版主回覆11/02/2009 07:08:00]提起 Strv 103,有無好介紹?(對,我的確不睇軍模 forum 的  )

    回覆刪除
  20. 須則話「賤物鬥窮人」,但外邊自己想買o既一o的都唔平,而且o個o的所謂o既賤物,唔係過時就係o個個價錢唔係咁o岩我o地呢o的窮人 .........天啊 ..........
    [版主回覆11/02/2009 07:04:00]放心,經濟已開始走出谷底,不過就不會立刻人人受惠 

    回覆刪除
  21. 五星喜歡,但不迷
    迷五星,不是我這種窮人玩得起的東西
    玩lee個就得:
    http://www.youtube.com/watch?v=6t2NCKoM3qM
    http://www.youtube.com/watch?v=BzUbmVIsYNE
    [版主回覆11/02/2009 07:02:00]五星(物語)我就算迷都砌唔掂那堆細件 

    回覆刪除
  22. tasca的sherman是我見過最靚的sherman. 但要留意靚唔代表似. 好多時開發者要在靚同似之間做取捨, 真是一個兩難來的. 若模型是退休儲蓄的話, 我會儲高達. 因為易砌之餘唔就算上色都見得下人麻.
    [版主回覆11/03/2009 07:55:00]對於我這種膚淺兼四四六六的 AFV 模型人來說,靚就是了! 高達儲來把鬼咩,一街貨兼幾年間又有新版本!

    回覆刪除
  23. >>提起 Strv 103,有無好介紹?
     
    Injection kit 得小號手兩個 versions,邊有得揀。咪玩啦...
    [版主回覆11/03/2009 07:51:00]原來只有小號手一家。我在上次渥太華模型中見這車也是小號手出品,所以才留上了心。

    回覆刪除
  24. 期待你部百夫長,
    我有盒星星1:25,
    唔知有冇機會完成!
    [版主回覆11/16/2009 10:11:00]1:25,完成前恐怕先要想定擺放的地方   希望你能完成它!

    回覆刪除