Translate

整佢個掣

自從月初更新了Norton 360 之後,部電腦就問題多多了。不是上不到網就是開不到某些程式,連 IE 這些 Windows 核心程式也開不到,可見問題有幾嚴重!見上週趕完部蛇眼之後,這個週末有時間就徹底整整部機。本來打算半日可以剷好部機,但結果足足剷了六次,兩整天都未可以完成。因為其中有次發現 Windows 在安裝更新時上網會最後連網都上不到,只有重新剷機才解決到問題,所以這個週末就連網都不敢上。最後發現,要等 Windows 完完全全下戴好安裝好所有軟件先好裝其他東西和用部機,否則分分鐘功虧一簣,要由頭再做過 

26 則留言:

  1. 已停用 norton 好耐囉, 覺得佢好食電腦資源. 重有 install 嗰陣好多時都會同其它 software 有撞嘅情況.......
    [版主回覆10/27/2009 10:02:00]你有其他好介紹嗎?我有五十九日選擇另一個防毒軟件,到時有可能又是另一次整掣的時候 

    回覆刪除
  2. 我都好怕呢d處境,所以已實行「多一事不如小一事」政策,以後乜春都唔裝就最好!
    [版主回覆10/27/2009 09:59:00]基本上我都是這樣,但防毒軟件不能不裝,它到期亦不得不更新。無計 

    回覆刪除
  3. McAfee 唔錯,免費又不斷有得更新!
    介紹你用!
    [版主回覆10/28/2009 05:35:00]這個也是我考慮之列,謝!

    回覆刪除
  4. 我用nod32, 我唔知佢好唔好or有冇效..... 只知用o左幾年冇話彈d視窗出來嚇我or阻住我上網. 總之唔好煩住我到時到後一百幾十磅水過佢就算 .....
    [版主回覆10/28/2009 05:37:00]我都有類似要求,但要一百幾十(港紙)落樓似乎有難度!

    回覆刪除
  5. 冇用 norton 好耐囉, 見佢大食就腳軟, E+用nod32.
    [版主回覆10/28/2009 05:38:00]又一個介紹用 nod32,要留意下了!

    回覆刪除
  6. 下次唔該學足D華佬, 九唔搭八都可以好醒神吓!
    [版主回覆10/28/2009 05:39:00]世上只有一個華佬,旁人學無可學的!

    回覆刪除
  7. 非常同意阿蟲兄所說的啊!
    [版主回覆10/28/2009 05:42:00]我都同意,一起去華佬個卜吧 

    回覆刪除
  8. 我幾個月前嘅 Norton security 到期,網上再續約 hkd360,咁我不如買個新版 Norton security 2010咯,仲平D,一年hkd225就得,但 sales 小妹妹話 Kaspersky 仲抵,hkd400 用三年。Kaspersky 平,但 Norton 老牌子,用開亦無問題。我而家都唔知買邊隻牌子好。
    [版主回覆10/27/2009 22:56:00]I tried Kaspersky before and I'll avoid it! The problem with Kaspersky is that it cannot be removed properly unless the machine is re-formatted. Before I tried it, I was using Norton. The installation of Kaspersky is not difficult at all, just uninstall Norton and then install Kaspersky. When my Kaspersky expired and I tried to install Norton, I couldn’t install the software because Kaspersky components were still there even after uninstallation of Kaspersky. Unless you’ll use Kaspersky until the end of your machine’s lifetime, at the end it will turn out to be a nasty divorce.

    回覆刪除
  9. Kaspersky 我之前有用, 但太敏感, 成日話有毒
    [版主回覆10/28/2009 05:45:00]而且 Kaspersky 話就話可以裝在三部機,但三部機卻會同日失效,勁不便!

    回覆刪除
  10. 我家陣都係用緊 NOD32, 好唔好唔知, 只係知用佢唔會好似 norton 咁拖慢部電腦... 我試過用nod32 遇到有毒嘅情況. 基本上 阻攔, 帶離開個 website 同 Quarantine 都試過...証明佢冇瞓着到, 都有做嘢... (亦說明我用腦都幾濫吓... ) 
    [版主回覆10/28/2009 05:53:00]謝,將要 research 下這軟件了。(nod32 在這邊不是很流行。)

    回覆刪除
  11. Norton係Dos同win3.1就好. 自從win95之後就真係唔爭氣. 我就用左NOD32成兩年. 而家都無咩問題.
    [版主回覆10/28/2009 05:55:00]又一個 nod32 用家!謝謝!

    回覆刪除
  12. 最近部機出現了個問題。原本好地地的 DVD Drive 突然行唔到,以為部 drive死o左,買了部新的試。部電腦 detect 到部 drive,但說安裝有問題,My Computer 裡亦沒有該 drive 的 icon。這問題同樣出在 portable dvd drive 上。初時不知是什麼事,但近一兩日想到,問題是在安裝新的 Notron Antivirus 出現的,不過時間上吻合不能代表它一定有問題,現在不知如何處理好。或者今日放工落電腦店問一問。
    [版主回覆10/28/2009 11:34:00]我剷六次機之中,其中兩次就是因為 DVD drive 無反應。初時以為是 Norton 的好事,但在不安裝 Norton 的情況下亦有這問題,現在相信是因為 Windows 未裝完所有更新前我就裝 printer 所至。
    Anyway,我估你多數是裝 Norton 時惹的禍。你不妨先去 Control Panel 的 Hardware 中 Device Manager 看看。雖然 Window Explorer 中看不到你兩個 DVD drives,但 Device Manager 中多數有顯示,有可能還有「!」符號話你知出了甚麼問題。

    回覆刪除
  13. --我也想用其他品牌, 可是機本身預載了Norton, 暫時不太想惹它!
    [版主回覆10/29/2009 05:29:00]我部機也是預載了 Norton,但兩個月後就玩完了!

    回覆刪除
  14. 我用nod 32, 個負載輕很多, 有機會試下丫.正版也不貴的.
    [版主回覆10/29/2009 05:37:00]有機會一定會試下,謝謝!

    回覆刪除
  15. NOD32 support~!
    [版主回覆10/29/2009 05:39:00]我要留意下啦!

    回覆刪除
  16. 我都係用NOD32,不過就覺得麻麻,好多online scan到既問題,佢係一d都唔發覺又或者係佢攪唔惦,不過平平地用住先,如中大毒就重裝PC算了
    [版主回覆10/29/2009 05:43:00]我不算濫 surf 的人,亦不奢望防毒軟件會百份百有效,求個心安其實邊種都無所謂(指效能)。

    回覆刪除
  17. ←將電腦直接暴露響充滿病毒既大氣之中既人
    [版主回覆10/29/2009 05:39:00]唔明 

    回覆刪除
  18. 我冇用防毒
    [版主回覆10/29/2009 11:28:00]勇敢的中國人 

    回覆刪除
  19. 我沒用norton好耐了...
    之前裝左d病毒都係照黎..
    如入沒人之境..
    而家用mod32同卡巴斯基都好好用.
    [版主回覆10/30/2009 07:27:00]你都好濫 surf 喎!

    回覆刪除
  20. 我之前都係用NOD, 不過過咗期之後就轉咗用Kaspersky, 感覺上用咗Kaspersky好似部機慢過之前.
    [版主回覆10/30/2009 07:26:00]慢唔過 Norton!

    回覆刪除
  21. 多謝堂大人(同其他網友)既寶貴意見!
    我知道我要買邊個牌子喇。
    [版主回覆10/30/2009 07:25:00]別客氣,好明顯我是拋磚引玉的 

    回覆刪除
  22. 因為我而家唔靠電腦搵食
    [版主回覆10/30/2009 07:24:00]所以你現在多時間「洗腦」 

    回覆刪除
  23. AVG <---- freeware
     
    [版主回覆10/31/2009 05:28:00]又係免費?!有無咁大隻蛤乸呀?

    回覆刪除
  24. 360真係好大食,已放棄了很久! 我用緊紅庶仔,有一年免費伙使用期,又細食!
    http://www.free-av.com/
    [版主回覆10/31/2009 05:26:00]一年免費?!一年後收你十萬九千七一年?

    回覆刪除
  25. 暫時都冇問題
    [版主回覆10/31/2009 05:23:00]恭喜恭喜!

    回覆刪除
  26. 其實我巳用了兩年 ! 暫時來講每一年個Web都有新板本和一年免費病毒定義更新給用戶下載 ! 一試無仿 !
    [版主回覆10/31/2009 22:34:00]原來可以這樣,明白了,謝謝!

    回覆刪除