Translate

一週模事回顧

這個週末北美洲又開始使用夏令時間,所以星期日一覺醒來有點春夢乍醒的感覺,只嘆句美好時刻不可留,一日就只剩下那廿三小時矣。雖然無情白事少了一粒鐘,但砌模型的時間是不會因此縮短的。這個週末甚有興緻,所以把早前收到又黐起部份的 Stingray 打磨一番。查實嘛,應該說是打磨九番才對,因為這部長谷川出的 Ma.K. Lunadiver 實在有不少夾口,好在夾口附近表面刻線不多,不必補完磨完後要重新刻過表面的凹線。




下圖:這部與巨巾差不多價錢的 Stingray 細了巨巾幾個碼,也不可謂笨大的出品唔抵玩!


下圖:Stingray 的夾口重災區(其實還未補完,要遲下噴了灰肯定表面沒有瑕疵才可以再黐再磨再補!)




其實部 Geara Doga 與上次所見的差不多,只不過這個星期我把所有連接位做好了,現在背後的重裝就不必倚靠寶貼膠紙去試造形,由此亦可以擺出好一點的姿勢。不過仍有漫漫長路呢!





也不知是誰有此遠見,把這部 1:48 G30 說成是「巨根」。果然,在激情過後就只會留它在高閣上獨自哭過夠。但也只可怪我太過有情有義,所以還是抽了幾分鐘時間替它的夾口和分模線加了一點畢地。想來當我見夠新人笑之後,它的畢地也應該乾透可以打磨一下了。





此與模型無關,只不過今晚飲完了最後一支啤酒後,明天要去買過一打,否則乾吔那餘下的十多粒話梅都幾甘下!


19 則留言:

  1. 啤酒都要用微波爐叮一叮?
    施主, 酒肉穿腸過, 佛祖心中留, 阿門!
    [版主回覆03/17/2010 04:50:00]我只係用微波爐來反映出我件睡衣係乜樣啫 

    回覆刪除
  2. 觀後感係:就黎有好多正野睇喇 !! ~  有時飲些少啤酒確係爽架 ~   
    [版主回覆03/17/2010 04:52:00]我發覺飯後飲會好一點,飯前飲(鬼佬飲法)我就一定上腦。

    回覆刪除
  3. 哈哈, 半介啤酒嘅我依家多數飲一小杯紅酒, 應該話一小杯紅酒伴我兩個半小時的模型製作... 部 Geara Doga 好有睇頭!
    [版主回覆03/17/2010 04:54:00]屋企飲紅酒我真係唔掂,開了一支擺到變酸都未飲完 

    回覆刪除
  4. 咁大條夾口,見到都怕
    [版主回覆03/17/2010 04:57:00]夾口只係長但不算高低級嚴重,所以應該不難打磨的。尤其是打磨過 1:144 G30 後更加無理由話 1:48 G30 難搞。

    回覆刪除
  5. 食話梅好,怡神安胎...
    Stingray 底部電線是半圓的一體啤模,會否剷走重做全圓?
     
    [版主回覆03/17/2010 05:01:00]話梅安胎?!你真係蝦我未生過仔嘞!
    剷線這問題還沒有考慮到,暫時也只做住基本工序先。

    回覆刪除
  6. Geara Doga 好有氣勢
    "長谷村" 盒嘢就..........
    [版主回覆03/17/2010 05:03:00]盒 Stingray 比 Falke 已經易搞了,試想想不必先油好個座艙才封艇就可知道了。

    回覆刪除
  7. 點解Geara Doga對鞋有d馬蹄feel…
    [版主回覆03/17/2010 11:23:00]因為我的確想做一雙馬蹄嘛。廿年前當我第一次見出淵裕的 Geara Doga 設計時,就覺得畫上一雙腳似馬蹄。前年出的 HGUC 版模型反而沒了這個感覺,所以當我設計它一雙腳時,畫稿就是對著一幅馬蹄相來畫。然後當我用泥膠撚隻腳的雛型時,才發覺要有馬蹄感覺的話一雙腳掌就只可以偏短,但最後看順眼了才決定採用現在這設計。不過現在的模樣還未完成的

    回覆刪除
  8. 我沒什麼飯前或飯後喝啤酒的規則. 我通常是飯前喝的, 但不是一口喝光. 開飯時先喝一些, 然後就邊吃邊喝. 一般來講, 還沒吃完就已經喝光.
    p.s. 我卻不是常喝啤酒. 送飯的較多是soft drink或清水.
    [版主回覆03/17/2010 11:34:00]我通常喝啤酒是外出跟同事食飯之時,一坐落椅就叫啤酒飲,而飯後侍應永遠只會問你飲不飲咖啡而不是啤酒,所以我才有飯前或飯後飲啤酒之說吧。不過這樣飲的話,未開始上菜我已經上腦,但這兩星期在家中飯後砌模型時飲又沒有事,更令我覺得還是飯後喝好

    回覆刪除
  9. 既然咁多火頭,不如砌埋兩隻裝甲服啦....
    [版主回覆03/17/2010 11:37:00]我啲係虛火,而且兩隻裝甲服沒有甚麼新鮮感,不必太早開工呢

    回覆刪除
  10. 1/35裝甲服唔同玩法, 砌過你就知
    [版主回覆03/18/2010 10:08:00]原來如此,過幾日開工先!

    回覆刪除
  11. 真識嘆 ! 話梅啤 ~
    [版主回覆03/18/2010 10:07:00]台灣人的一大發明!

    回覆刪除
  12. 啤酒就梗係食飯時或食飯後飲啦!尤其是打邊爐果時!飯前空肚飲好傷胃架~~~~~
    [版主回覆03/18/2010 09:34:00]此道你都經驗豐富,你講一定無錯 

    回覆刪除
  13. 咁快夏令時間
    [版主回覆03/18/2010 09:32:00]真係起身時都未天光 

    回覆刪除
  14. 咁多火頭....
    唔怪得要飲啤酒下火...
    [版主回覆03/18/2010 09:31:00]春天寂寞嘛,咪要不斷在春風之中放火燒自己囉 

    回覆刪除
  15. 其實件Ma.K. Lunadiver適唔適合我依d Ma.K新手砌? 這造型實在好吸引,但係見個價又唔敢買,買左又怕唔敢砌=.="...... Geara Doga頭部既造型瀟灑左,期待進度!
    [版主回覆03/18/2010 09:29:00]無話所謂唔敢砌嘅,不過以這個價錢、長谷川的作風和模型中另有兩個馬桶,這部 Stingray 的確不是 Ma.K. 的入門製作。有興趣的話可以向 Wave 的 S.A.F.S. 和 Snake-Eye 埋手,比例較大和組裝較近似大家熟悉的笨大風格。如果想試 1:20 的舊化的話,S.A.F.S. 的玩法比 Snake-Eye 更多。

    回覆刪除
  16. 睇見呢隻巨物就諗起「近藤版」的 THE-O設計,睇o黎若然呢隻 Stingray 唔砌,用o黎做 Parts 都有幾大用途o下喎 ~
    P.S.隻巨根有你雙伴又點會悶,佢重要等你好好地好好地咁修理o下佢哩  ~
    [版主回覆03/21/2010 00:06:00]你都好富貴喎,諗住用隻 Stingray 來做 parts!不過講真,Stingray 的件很大,用來做 parts 其實未必好大用。

    回覆刪除
  17. 我也很喜歡飯前飲啤酒, 因為在微醉時吃飯是最開心的.
    [版主回覆03/21/2010 00:03:00]你老婆煮啲餸不至於好難食呱,你要醉住黎食 

    回覆刪除
  18. 我這一個星期……你就好啦……
    [版主回覆03/21/2010 00:02:00]能者多勞,捱下啦,你得嘅!

    回覆刪除
  19. 期待你的1/48高達 ﹠  Stingray機...!!
    [版主回覆03/25/2010 09:08:00]應該明年可以完成的 

    回覆刪除