Translate

兩年計劃 - Calvary Temple (0.1)

在香港時了解到兩年計劃之後,很快我便可以決定會砌重戰機內的 Calvary Temple,這是因為這個製作我是早已開始了。原本我是打算製作一個非高達的模型,他朝有日可以去參加香港的比例會比賽。因此模型一直是以 1:100 作目標,


下圖:老早已經把三面圖放大作 1:100,而腳部亦已經開了工,但一直沒有時間跟進。


下三圖:用 MG Strike 去試 Calvary Temple 的姿勢造型。那已是三年前的事了!


過去幾日為模型成品掃塵(見【點解今日咁靚仔?】),發現了一個以前沒有留意到的問題。較大隻 1:100 的完成模型,身體很多關節在多年後都開始變鬆。而那些經過大改造,尤其是用過造型畢地令體重暴增的模型就更有這個問題。相比之下,1:144 的模型在這方面則問題輕微。這個觀察於我近日不斷思考的另一個問題頗有啟發。


近日我正在想怎樣可以把 Calvary Temple 的關節造得紮實一點。要用一副內骨架撐起一身造型畢地的外甲,所需的強韌度會是十分之高,可動關節就更加要造得牢固才可保持造型。再加上那是土法炮製,物料的強度又是一個難關。所以經過一輪掃塵之後,我相信以自己的技術是不能把「1:100」和「可動」放在一起。要做成 1:100 就不要搞可動,乾脆做出上面 Strike Gundam 的姿勢就算數。(而如果不可動的話就大可不必造出一身骨架了。)相反,如果做成 1:144 的話,整個模型都會輕很多,一些可動性仍然可以保持得到,而且也方便寄運。之不過模型小了,內骨的製作空間下降可塑性也隨之下降(我不是 Kaku 兄。)至於會怎樣取捨,現在我還未有決定呢  請問大家可有甚麼意見?


下圖:星期一晚匆匆把手上僅有的 1:144 Auge 快速素組起來作 1:144 模型的參考。


下圖:甚至乎在 Auge 身上堆了一些手工泥去模擬 Calvary Temple。

10 則留言:

  1. 我越來越愛上可動性,主要目的是可以在影相時擺不同的pose...
    [版主回覆09/03/2010 18:45:00]對,影相時如果只可以擺出一個姿勢的話,一人六頁紙都唔知點填滿佢 

    回覆刪除
  2. 講真,為唔係比賽,做咩要set死佢?
    我地都係玩模型的,唔扭得有咩樂趣...
    你想夠實夠硬可以試下關節技,佢果d硬膠ball joint係咬得好實,實到驚佢斷呢....
    [版主回覆09/03/2010 18:51:00]重戰機有趣的地方是,它的骨架風格與高達甚為不同。把山口式關節技加入高達已經不太協調,用在重戰機上就更加不相襯 

    回覆刪除
  3. 誰說1:100不可以? 要強力, ABS關節係首選, 如果軟膠的話不要用太多ball joint 在受力位如腰及股關節.  青頭領話的關節技的確係好實, 但我最怕佢爆開(我試過), 我prefer 十字式軸.  從ZII撚飛機頭中得到經驗, 如何計劃去偷輕(如果你重想可動), 係必須預先諗定, 例如整空心再加造型筆地. 但也可以好似我咁, 唔理三七以十一, 整左型先, 決定後一刀切開佢, 偷輕完再黐番埋又得. 如果你唔諗可動(好似B哥隻狄狄, 或雕力士隻力奇), 就諗都唔駛諗專注造型罷, 不過又的確係少d樂趣嫁. 聽完係咪好似無聽咁呢? 砌一件精彩作品, 唔係易事黎嫁!
    [版主回覆09/03/2010 19:03:00]謝謝   我都知道 ABS 關節是首選,但要找到合用的 ABS 關節是有難度。如下面我的回應所說,重戰機的骨架風格與高達甚為不同,不是找部 RG 用它的部份骨架就了事。可動對我來說只是次要,首要者是外觀(我膚淺嘛),我不會讓外觀為可動而作大犧牲的。不過我要的可動不是高階可動,影相時有幾個姿勢就算了 

    回覆刪除
  4. bandai 有出過hg 既 auge 同 l gaim ,都算係有少少骨架同可動性好D 有無打算用呢2隻去改?咁改少好多野,可以專心執靚d detail
    [版主回覆09/03/2010 19:08:00]我有考慮用 HG Aug 的部份 骨架,不過多數會是 Plan B; Plan A 是自己搭,因為  Aug 的 骨架與我所想像的有一點落差。

    回覆刪除
  5. Yo, Hobby base 有出大中細三種唔同size的ABS十字扣式關節枝呢...
    [版主回覆09/04/2010 07:52:00]要找找囉!謝謝 

    回覆刪除
  6. 其實用MG Freedom做骨架都唔錯~因為MG F比較瘦,上左甲之後都唔會太肥, 同小D凸出位方便改造型,用骨架的好處係可以定左個比例方便好多!
    [版主回覆09/04/2010 20:47:00]昨晚看完你的話後,拿部 MG 骨架細看,發覺腿骨還是不適合。因為重戰機的骨架設計與巾骨風格迴異,尤其是 ABS 膝關節部份更加不同。不過我同時發現,原來用巾臂骨作 Calvary Temple 的腿骨會是可行的 

    回覆刪除
  7. 一於學hobby japan 自搭全骨架 我都係覺得要做就用返R3 或者HG 做骨去開始會易d
    [版主回覆09/04/2010 20:30:00]我確是想學押切晃治在 Heavy Metal L-Gaim 3D Visual Book 中的骨架的,太正了 

    回覆刪除
  8. 我當年睇完都嘩一聲.......尤其係果D 油壓連動真係嘖嘖稱奇 但你有冇信心做到
    [版主回覆09/07/2010 06:17:00]製作上我有七八成把握可以做到,但真正難的不是製作。那副骨架是 L-Gaim 而不是 Calvary Temple,不能照搬過去,有需要自己設計過一套類似的骨架。3D Visual Book 中伊世谷大士也造了一個有骨架的 Aug,但就沒有永野護重戰機的味道;強如他也被難倒了。這點才是難題!

    回覆刪除
  9. 支持可動!!! 自己撘可能會更易鬆喎~
    [版主回覆09/07/2010 06:07:00]這點我已經在初步實驗中找到解決方法了。

    回覆刪除
  10. 自搭骨架?!.... 聽到就怕怕 地理sir, 身在遙遠的香港的我們一定支持你!!
    [版主回覆09/09/2010 10:09:00]謝謝,第時就住手插喎

    回覆刪除