Translate

Spider-Man 3

首先要投訴,本來想去看 Imax 版,但我早一個鐘頭買飛時已經售光了,只好睇戲院普通版


個人認為這是三齣之中最好看的一集,節奏相當明快,而且蜘蛛俠的電腦特技又更上一層樓。(題外話:最後一幕大戰將會是家庭影院音效很好的測試;另外這套片的影碟恐怕將會把 Blu-ray 和 HD DVD 的差距拉得更遠。)今次角色不少,但著墨仍然落在 Peter Parker, MJ 及 Harry 身上;雖然其他新角色可以再加添描寫,但未免會把故事的重心拉遠了。在嬸嬸到 Peter 的房間探望他的一幕中,有一個鏡頭是嬸嬸說話但她的面容全是 out focus,鏡頭只是清楚映著 Peter 的反應!畢竟蜘蛛俠的故事就是 Peter Parker 和他的愛情友情的故事,其他人物只有兩個作用:幫助描繪 Peter 的角色和帶出電影的主題。因此我不介意不知道 Eddie Brock 的背景,亦沒有需要深入探討 Peter 和 Gwen 的關係。這就好似 Gwen 最後出場的一幕,他們只是被用作「過橋」吧!


其實個人覺得全套戲最大的意外是 Harry,因為從上兩集開始這個角色就顯得婆媽多餘,但今次在導演重用下,這個角色徘迴在正邪之間就大派用場。既描繪 Peter 的情友關係,亦帶出今次電影善惡隔一念的命題,倒也恰到好處。導演連包租公也有顯出善良的一面,Sandman 的懺悔和之前對這角色的描述就難免令 Peter 和觀眾從輕處理了。不過個人認為 Harry 的角色設計有一個毛病,他的戰鬥服如果用回綠色的話,兩場夜戰的畫面應會有更清晰效果,亦可以加強與第一集的連繫。


觀乎最近 DVD 出了 Spider-man 2.1,如果第三集的 DVD 也有加長版的話,也大有空間發揮;不過別把節奏拖得太慢,否則會有太重說教的味道。這個影碟版當然是幾個月甚至幾年後的事,但遲下也許要再到戲院看看 Imax 版。

14 則留言:

  1. 我都睇左, 發覺文戲真係多左少少... 不過打起黎都好激幾好睇! 唔知係未今集太多角色出場關係, 好多角色出場方法真係好兒戲... 好失望...

    回覆刪除
  2. Imax版有什麼特別?4D? 蜘蛛俠3果然唔睇冇話題……似乎開個討論區也可以。

    回覆刪除
  3. 這個 Imax 版與普通版一樣,只不過畫面同音效較佳。最重要是畫面很大,甚有置身其中的感覺;不小心的話可能會暈的。

    回覆刪除
  4. 現在我明白了,可能我不太當它是特技片看,所以並不覺得沉悶。如果當特技片看的話,就如 YAYA 所言文戲太多了。

    回覆刪除
  5. 我以為imax 版個沙人/venom會衝出個畫面tim. 題外話, 在澳洲時看過一次imax, 感覺好正, 香港遲d 會在九龍灣有一個imax, 超期待. 我仲未睇, 好想睇下venom個電腦特技點做, "伸條脷出黎呀唔咳."

    回覆刪除
  6. 去年的 Superman Returns  Imax 版部份畫面就有 3D 效果,觀眾要戴立體眼鏡看的;可惜當時自己要趕電擊錯過了。 香港將會有 Imax 戲院當然是好事,不過我有一個顧慮:Imax 的畫面的確很大,對於要看字幕的觀眾卻不是一件好事。

    回覆刪除
  7. 我始終覺得套片太多東西,太急。尤其一段 MJ 要同 Peter 橋上分手,攪乜鬼呢?被 Harry 要脅定係佢自願?我都未攪清。跟住 Harry 滿肚大計,又話點要對付 spiderman 先要對付佢個心,點知兩野就俾 peter ko o左,靚仔樣都無埋。呢套片如果出加長版,睇怕要多2個鐘先講得晒所有野。多文戲唔緊要,唔好一個故事講得半個先緊要。  

    回覆刪除
  8. spiderman原本冇諗住戲院睇的(之前一二集都冇), 不過有人買飛, 就"柴娃娃"成班friend去睇. 同意小鯊!! 男女主角分手o個段, 我仲以為Harry有咩痛腳or計謀要脅MJ, 點知係....冇.... 另外, Harry要死的原因, 好明顯係佢靘仔過男主角, 再唔死下集就搶晒鏡, 同Peter兩個變o左"蝙蝠俠"&"羅賓"!! (當然有錢仔Harry係"蝙蝠俠"啦!! ) 最後一句, 女主角真係好醜樣.... (三集都係~~)

    回覆刪除
  9. 現在想來,如果兩個歹角的角色合二為一,套片會更加流暢。

    回覆刪除
  10. 「女主角真係好醜樣」 700%同意﹗睇佢唱歌有d受罪感覺。

    回覆刪除
  11. Kirsten Dunst  第一集時都覺佢醜樣,但多睇兩集開始覺得佢都有一種獨特的韻味。 佢做 MJ 咪o岩,夠平民 feel,唔係點似係o的同 Peter Parker 日日憂柴憂米o的人。

    回覆刪除
  12. 佢個樣有點邪氣似奸妃,當年揾佢做吸血彊屍更是一絕!

    回覆刪除
  13. 睇女,真係唔夠你地咁有深度……我老婆都成日話我膚淺,一味鍾意大……

    回覆刪除
  14. 我明白,你就是鍾意大方如阿嫂的女人!

    回覆刪除