Translate

身後事

早在六月尾,背部近鎻骨的地方生了個大瘡,不痛不癢所以初時也沒有多理會。後來至七月中見它還沒有消退的跡象,終於走了去看醫生。對方一見,一如我所料,說是如面上所生的暗瘡之屬,只不過更大更深入皮膚矣。(無論我面皮多厚也難與背部皮肉相比吧!)故此我其實是想醫生幫我「jit」出來,但對方說太深不能「jit」,只開了一星期抗生素就打發掉我。兩星期過後,這星期一早上一起身,終於發現個大瘡可
以「jit」。過程就恕我略過不表了、除了又膿又血水之外,事發在背部而只得我一個人應付也未免太滑稽可笑。(當然,再滑稽可笑者是生在胸前,那就尷尬多於滑稽了。)也許我本人燥底,所以至星期三還有膿有血滲出來,但已不嚴重;而這幾日亦慢慢好轉了。這些日子以來都已很小心飲食,不敢吃燥熱的東西。不過明天要去波士頓幾日,希望到時沒有太多熱氣食物,否則要在酒店中搞這種後事都會相當束手無策!

14 則留言:

  1. 總比長在兩腿間好
    [版主回覆07/27/2009 05:00:00]兩腿間已有兩個大「瘡」,無位了

    回覆刪除
  2. 呢個肯定係暗病嘅一種嚟!  千祈唔好食蝦, 由其係坡士頓龍蝦添!
    又, 得唔得閒過嚟攞返D野??
    [版主回覆07/27/2009 04:59:00]八月中先到多倫多,今次不會經多倫多去波士頓。

    回覆刪除
  3. 妖........你d topic名真嚇人,又姨媽棒,又身後事,忍唔住都要留個言...
    [版主回覆07/27/2009 08:34:00]眞開心,竟然有人到現在才發現我的標題嘩眾取寵

    回覆刪除
  4. 呢隻大孖瘡我,我以前廿歲果時都試過生響大脾底!之後要搞到去醫院開刀!我仲記得個女實習醫生,係著條levis 501同我局部麻醉,而且葯力未黎料,就已經一刀界落隻大脾度!痛到我亞媽都唔認得!
    [版主回覆07/27/2009 10:32:00]好彩唔係脾罅咋,你執咗身彩啦!

    回覆刪除
  5. 咁堂兄係波士頓返黎之後,下次既標題應該會係‘我後半身與前半身的健康’吧。對否?
    [版主回覆07/27/2009 10:34:00]希望無這一篇,一切平安過渡,無事可記

    回覆刪除
  6. 我老婆農曆新年手肘都生o左粒咁o野, 痛到手都屈唔到. 最衰就係新年睇開個醫生冇開, 要去私家醫院睇急症. 個醫生又係 "ge ge gut gut"唔肯吉穿粒瘡放癑 !! 只係開o左兩日抗生素就收我$700, 仲要過兩日refer去外科睇(到時都唔知要幾錢落樓~~ ), 第二日我地去返睇開個醫生度, 放o左癑查幾日藥膏就好返晒!!
    [版主回覆07/27/2009 19:59:00]那些位置又的確很不便!

    回覆刪除
  7. 如果係脾罅,我就叫個女醫生啜左佢啦!
    [版主回覆07/27/2009 19:59:00]服

    回覆刪除
  8. 搵個女伴照顧下呢﹗
    [版主回覆07/27/2009 20:02:00]你與我一位同事有同一個諗法!

    回覆刪除
  9. 我上個月,額頭粒粉瘤發痰,做了一星期豬頭.
    唉!大家都要小心身體了!
    [版主回覆07/27/2009 20:03:00]同病相憐

    回覆刪除
  10. 小心身體呀! CHECK多次吧!
    [版主回覆07/27/2009 20:04:00]要去完公幹才有得諗了!謝!

    回覆刪除
  11. 真係比你嚇死!
    [版主回覆08/01/2009 10:53:00]唔洗咁敏感

    回覆刪除
  12. 我都俾你個題目吓親 @@;;; (就算唔係你, 邊個都唔好啦..) 你要take care呀!^^
    [版主回覆08/01/2009 10:54:00]謝

    回覆刪除
  13. 我和議阿蟹!! 早個禮拜我曬傷o左個背脊要塗潤膚膏, 呢d時候就真係要靠老婆料理"身後事"了.....
    [版主回覆08/01/2009 10:58:00]料理「身後事」嘅嘢,總唔會係本人操縱到,隨緣吧

    回覆刪除
  14. 唔....一定係陰陽不調和....谷埋成瘡....以後唔好學蟲大人咁飲三鞭酒o勒
    [版主回覆08/01/2009 11:03:00]放心,我知佢唔係個好榜樣,唔會學佢嘅!

    回覆刪除