Translate

四月春

感覺上很久沒有影相,所以見星期五天氣好,帶了相機返公司,放工後在市中心週圍閒逛一番。但因為聽聞星期日天氣好,應該可以踩單車影相,所以星期五只行一些踩單車不會到的地方走走。



星期五當天不是暖,和風吹來也有涼意。其實三月時有好幾個禮拜氣溫也是如此,在復活節期間更有廿多度,但如此景況卻不能持續,日間總是跌回單位數字的溫度,晚上更跌破冰點。這環境對春天的植物是相當之困擾,所以觀乎一個月前已有如此溫暖,但現在四月尾時份的植物還未算是生長得茂盛。



偶然在市中心會見到馬車經過,不過現在方知牠們是在那裡聚腳等生意。



YAYA 都有幾次話我的相少人氣,所以今次就特別影多幾張鬼影憧憧的相!(難怪當時仍覺寒氣陣陣!)


8 則留言:

  1. 喺香港能影到的就是, 水渠蓋, 電線杆, 路牌, 高樓大廈...那有這些東東..!?
    [版主回覆04/26/2010 06:13:00]香港的生活方便是有代價的。

    回覆刪除
  2. 加拿大d花花草草都靚過人
    [版主回覆04/26/2010 06:15:00]咁又唔可以咁講,加拿大天氣凍,植物怎樣都不比香港的多元化和茂盛。

    回覆刪除
  3. 花又靚, 天色又正, 如果係我就搵個草地好好瞓吓
    [版主回覆04/26/2010 06:16:00]你唔駛提我你係一隻羊喎 

    回覆刪除
  4. 天氣好好~~ 羨慕你...
    [版主回覆04/26/2010 06:18:00]零下廿幾度時高氣壓的天氣一樣咁好,但就不值得你羨慕了 

    回覆刪除
  5. 一片藍天已好耐無見過o係香港出現,你o個邊空氣好起碼都少樣氣管病....
    [版主回覆04/27/2010 10:18:00]咁又係,好少聽人講有氣管病。

    回覆刪除
  6. 我係講真0架 .係香港就算有片咁嘅草地我都無膽瞓 落去 ,因為啲人多數都會用嚟放狗 .
    [版主回覆04/27/2010 10:21:00]這裡的人又真係會隨隨便便在靚的草地上週圍坐,唔靚的草地(多野草)就用嚟放狗多

    回覆刪除
  7. 見到咁藍天白雲, 天朗氣清, 真係人都開心D
    雖然....我感受唔到當中的寒冷
    [版主回覆04/27/2010 10:23:00]又不至於寒冷。我坐在路邊在太陽傘下吃我的漢堡包晚飯時,也只覺少少涼意吧

    回覆刪除
  8. 如果我地可以好似候鳥咁一年南北往還過生活就好o羅~~
    [版主回覆04/27/2010 10:24:00]你買咗六合彩未?

    回覆刪除