因為明天(星期一)是假期的關係，所以今早一起身就又繼續砌模型，砌到一點半鐘才出街買餸和趁假期减價買了帶回香港的禮物。在行百貨公司時已經覺得肚餓，但想「唔洗食兩餐晏嘛，增肥咩！」於是只隨手買了一筒糖過口癮便算。當我買完東西回家後，見廚房有一隻空碗，嚇一跳之餘又見有一煲出了水的意粉，焗爐內又有幾塊午餐肉。我還是要幾秒鐘時間才整理好，原來自己是沒有食晏就出了街！中午時的確有煮午餐，但因為砌模型之故而完全忘記了這件事。我只記得有煮過，所以在行街時還認為自己有食過晏，死味？！
結果，這碗意粉還可以，但三塊午餐肉就鞋過柴皮！
至於空袋，今日除了買了禮物之外，亦的起心肝搞捐錢，可謂財散人安樂！
食飯咁重要都可以唔記得？！唔係ar！
回覆刪除[版主回覆05/19/2008 12:52:00]可見得我的廚藝有幾咁好
d意炒同午餐肉真係慘，一心諗住討好你，焗香哂仲「瓊」乾水等你，點知你唔記得之餘，仲以為自己「dep」左， 服！
回覆刪除[版主回覆05/19/2008 12:51:00]佢哋未免太唔識勾引男人，如果可以埋牙之前佢哋跳番 part 舞我應該會記起佢哋嘅！
只有老人癡呆症的人才會咁，你要小心勒。
回覆刪除[版主回覆05/19/2008 23:13:00]吸太多 thinner 了
這就是模型人 的通病.......一開壇就會進入忘我境界, 咩都唔記得了...
回覆刪除[版主回覆05/20/2008 00:18:00]最搞笑係我個肚明明話未食，但記憶卻係話食咗
砌模型真係會令人廢寢忘餐, 一砌開就咩都唔記得囉
回覆刪除[版主回覆05/20/2008 11:34:00]尤其是一個人住，無其他人提或催自己。
大師, 小心健康呀... 唔好掛住砌唔食嘢呀! BTW, 捐錢又點可以算係財散人安樂呢??
回覆刪除[版主回覆05/21/2008 05:12:00]我係煮好哂忘記食啫！
你整模型時已到了出神狀態了!
回覆刪除[版主回覆05/21/2008 05:11:00]都好難否認唔係！
dilaton 兄，呢 D 好明顯係患上 "老人痴漢症" 嘅初期徵兆..........小心！！小心！！
回覆刪除[版主回覆05/22/2008 13:04:00]一定係吸太多天拿水之故
痴漢係日文係咸濕佬咁解!
回覆刪除我估高地兄係話你咸濕姐! 無セ特別嘅! 應該唔洗睇醫生嘅!
[版主回覆05/27/2008 11:16:00]佢唔會係咁嘅意思，佢都無資格話我咸濕