昨日天色轉晴，又加上是星期五的關係，城中各處都是鬧烘烘的。所以放工後先走到公司對面的市政大樓前的空地看看到底發生甚麼事。原來是在搞法文節慶祝，難怪這兩日在辦工時間中都傳來陣陣的音樂聲，十分騷擾我的工作（瞌眼瞓）。
下圖：這隻意大利啤酒原來又幾好飲！
下圖：這個 Veal Canneloni 也可以，個人只嫌茄味太搶（一般來說番茄煮的東西都會很搶味），試不清嫩牛的味道。
下圖：吃完高卡路里的一餐（之後的甜品略過不表）之後，剛好是七時，街路封好車又泊好了。
下數圖：車，部份的車。這數星期自己腳痛，不太走得多路，而且去年又影過一次，所以今趟其實也沒有甚麽心情去細心欣賞和影相。
下兩圖：這部 Maserati 似落場車多於街車，而且引擎又沒有法拉利或林寶堅尼的引擎般有昧力，似貨車的引擎多於超級跑車！
下圖：商人當然不會放過賺錢的機會，不過我就沒有幫襯了。但話分兩頭，我倒不介意法拉利俾錢我要我穿它的服飾幫它賣廣告！
下圖：其實除了意大利車之外，街頭也有其他活動，入夜後好似還會放煙花。不過個人興趣僅止於此矣！
又會咁啱嘅, 我正砌緊呢部 Maserati MC12 喎
回覆刪除[版主回覆06/20/2010 12:10:00]咁這車真係落場車喎！
既然咁啱，那就奉上六張這車的相： 1 , 2 , 3 , 4 , 5 , 6 （大相，各約 2M）
我還以為你呢排會報導加拿大的世界盃睇波盛況呢~
回覆刪除by the way, 7:00AM都咁多人, 你同d路人真係神心
[版主回覆06/22/2010 10:15:00]加拿大是多元族裔的地方，意大利人捧意大利隊，巴西人捧巴西隊，韓國人捧南韓隊，實在沒有甚麽睇波盛況可言。
那是 7:00 p.m. 啊
To:青爺, 睇個西斜太陽的餘輝, 應是7:00pm來的.
回覆刪除[版主回覆06/22/2010 10:10:00]謝！
7:00仲咁光！香港真係好小見！感覺一日好長好抵用！
回覆刪除MC21呢架野，你真係唔好睇小呀！限量街道落場版，當時訂購要interview，睇你入息、行業、住響邊、身份地位至肯賣俾你！之前top gear節目內就有個英國傻佬，買左架車但係冇術，諗住揸架車去德國賽車場玩track day(通常係用卡車送去)，行行下high花左一邊沙板，咁就五萬英鎊！
[版主回覆06/22/2010 10:00:00]一來這裡偏北，再向北極方向甚至廿四小時有日光；二來那天近夏至，所以傍晚七點天還亮。以前我住 Waterloo，在渥太華向西五小時車程，同屬一個時區，但晚上十時西邊的天可以還未黑齊！ 部 MC12 反正不是我這種窮人的車，再巴閉都不關我事
腳痛？你風濕？
回覆刪除[版主回覆06/22/2010 09:52:00]不，我只是鹹濕吧！
嘩! 依一篇既相入面有返人氣了!
回覆刪除[版主回覆06/22/2010 10:17:00]你等咗好耐吧
你就好啦, 又有咁多靚車睇, 又有我最鍾意o既法拉利同林寶, 正呀
回覆刪除[版主回覆06/23/2010 12:04:00]真係幾難得的機會架，不過這些事也只可遇不可求。