這幾日忙於砌模型之餘，昨天和今日放工後共收到三個包裹，再加上今日放工後走了去「濕皮」，所以現在心情大好！（其實最開心者是今日知道下星期公司會「無王管」；打工仔難免會有太多幻想了！）
下圖：雖然它們是昨天收到的，但昨晚正忙於噴灰，所以還未有機會詳細聞下！
下圖：其實盒死神不是我最想買的（最有興趣的當然是部同日發售的核戰機），但因為家中缺了下面的膠棒／管，所以反正 Rainbow Ten 都要用大盒才放得到這些長長的膠枝，故此才訂了死神。不過事後我才知道，自己忘了入 0.2mm 的膠棒，而核戰機的盒應該夠大放得到這些膠枝
下圖：早幾個月前 Model Graphix 介紹過郡是的這種刻線刀，見不是貴又可以換刀頭，所以入了一支和另一個粗度的刀頭（0.2mm 和 0.3mm）。初步嘗試原來也幾好用，不過如果有 0.1mm 就更加好。
下圖：今日放工後買的新袋，主要將會在踩單車時用的。一向用開的相機袋不是背囊形式，所以在踩單車時十分不便。今日發現它減價，又見未來幾日天氣又雨又雪，所以趁現在還是好天去了進貢一下。
下圖：今日在郵局收到的東西。還是打開後才知道，鬼佬的寫真集如此細本卻又如此厚！
補番張噴灰相先！
第一次見咁厚嘅寫真集、又硬皮，係「永久保存版」？
回覆刪除[版主回覆03/10/2011 09:08:00]應該不是甚麼特別版了，不過祇是 CA$26 又不是貴！
詳細希望
回覆刪除[版主回覆03/10/2011 11:37:00]風之谷是差不多三十年的產品，不必詳細希望吧
風之谷讚好的說~~但點解有廸廸尼logo o既?
回覆刪除既然生日, 仲要d 2D女郎做咩, 而家興3D嘛~~不如....
[版主回覆03/10/2011 11:41:00]因為 Studio Ghibli 在這邊是由廸廸尼發行的嘛！ 未到我生日，所以 3D 唔洗諗！
嘩! 咁厚嘅寫真集, 用心良苦, 等人唔可以單手睇.
回覆刪除唔比人自製精裝過膠版.
[版主回覆03/10/2011 20:34:00]真係好難用單手睇
冇得單手睇真係唔多happy
回覆刪除[版主回覆03/11/2011 08:39:00](Empty)
咁厚嘅寫真集..........先讚個好!! 用單手睇..........真係有難度!
回覆刪除[版主回覆03/11/2011 08:39:00]所以上面張相唔可以用相機影，要用 scanner
嘩! 有荀嘢! 快d 打開本寫真集黎睇睇先喇, 得個封面唔夠喉...
回覆刪除[版主回覆03/11/2011 08:37:00]見係你乍！
用 scanner ............. quality 好 d............! (個人喜好，都係東洋 "妹妹" 啱我口味多 d! )
回覆刪除[版主回覆03/13/2011 05:12:00]有得揀我會揀東洋妹，但問題就祇是無得揀，Amazon 就祇有番妹
你本野......dream girl.......即係好多女啦！..........
回覆刪除既然你本野唔可以單手睇，咁我就介紹條雙手link比你開心下啦！d片仲多過youtube！
............ www.tube8.com
[版主回覆03/13/2011 05:09:00]沒有美感祇能夠是蕓花一現，沒有持久力可言的！
這2種東西不應在一起吧....
回覆刪除[版主回覆03/13/2011 05:07:00]祇是不能夠在一起使用吧
我宜家終於知道乜嘢叫開卷有益喇 .[與其行萬里路,不及睇妹妹豬] .
回覆刪除我鍾意紅衣女郎多啲 ,如果痛車都有鬼妹就好囉
[版主回覆03/13/2011 05:06:00]開卷有益當然是好事，單單要好似舉啞鈴般把書本拿來拿去已經是有益健康了！
我以前都有睇西洋.
回覆刪除[版主回覆03/13/2011 05:04:00]要中西並蓄嘛
中既好惡攪喎.
回覆刪除[版主回覆03/13/2011 07:15:00]你這隻鳥兒咁早起身，一定揀到好的「中」來攪嘅！
哈哈...估不到訂那盒死神的原因，在於外盒夠大可放下那些膠枝 ~ 那本囡囡寫真的外皮真是好厚，用料十足！
回覆刪除[版主回覆03/19/2011 09:15:00]對，如果沒有需要買膠條的話，恐怕我沒有藉口買模型了