這部 1:72 的 蘇 27 戰機是我在 08 年秋天在渥太華血氣方剛時購入的。起初蠻有衝勁地油了機艙的底色後就一直打入冷宮至今。自己對上一次砌軍事戰機已經是 2004 年的事，不過那是一部 1:48 的加拿大的 F-18。回心一想，原來自己從沒有完成過一部 1:72 的軍事戰機，自然更加沒有砌過蘇聯的戰機。（反而這個比例的【超時空要塞】戰機就完成過幾部。）至今作業進度理想，希望可以順利 OOB 完成吧！
下圖：原來這部機都幾大部！
下圖：機背的 air brake 部份；個人覺得砌飛機最煩的就是這地方。通常 air brake 都可以砌成收納或打開的狀態，但如果是收納的話，這塊膠板總是不能平平整整放在機背上，永遠都有很嚴重的高低級問題需要用畢地填補。
下圖：塑膠收縮位。
下圖：機腹的高低級位。
下圖：機翼底的高低級位。
下圖：另一個飛機模型常有的接口位，但又時常都不是夾得好的位置。
砌飛支最怕就係呢個夾口, 唔知點解差唔多架架飛支都會有, 而且落差又特別大
回覆刪除[版主回覆06/02/2011 11:44:00]對，仲要係完全無刻線，要自己加的
連哩類飛機都撈埋，你好versatile，太強喇。
回覆刪除[版主回覆06/03/2011 05:57:00]在這邊砌模型，如果祇砌日本科幻模型就實在太難了。尤其是在互聯網普及之前，跟本連買也買不到；不涉足其他類型的話就差不多不必再砌模型了！
我都覺得砌飛機最麻煩既係高低級位，打磨又要小心怕磨走刻線，今次可以睇到堂哥出手砌飛機，真係要坐定定學野！
回覆刪除[版主回覆06/03/2011 10:02:00]其實我啲飛機打就叻，砌就麻麻地！
都好 !! 起碼有樣叻先 我以前砌機飛機都係玩玩下,係到最近留意多了飛機模型,完來比想像中難砌得多,看來有時間真係要同堂哥你交流下心得了
回覆刪除[版主回覆06/07/2011 07:33:00]我其實也沒有甚麼心得可言，最多也祇是偶然有機會見下真飛機吧
仲以為你打算開模型店, 不停地砌display.
回覆刪除[版主回覆06/07/2011 07:37:00]那些傳統模型畢竟不是我的強項（因為不是最有興趣的項目），如果要太花時間搞到美倫美煥的話，到頭來祇會一件也完成不到。現在這樣簡簡單單砌 OOB 的，雖然不是大製作，但就至少自己可以有這種模型的完成品和（膚淺的）製作經驗。
見到高低級位，重要睇o下係邊度位置，補完重要跟佢刻番線，簡直係地獄，以前細個功力唔夠，砌過一隻，跟住就無攪過囉 ......
回覆刪除[版主回覆06/07/2011 07:40:00]所以飛機越多刻線，雖然惹來很多掌聲，但砌的人就真係一殼眼淚！
差架潛水艇或者戰艦就海陸空齊晒啦!!
回覆刪除[版主回覆06/07/2011 07:43:00]最近見了寒竹兄的定遠號之後，我的確有打開自己盒鎮遠號幻想了幾分鐘
真係多才多藝! 又識砌,又識打!
回覆刪除[版主回覆06/07/2011 07:45:00]打人我都好耍家架
我讀書果時都好鍾意砌機，都好奈世紀了...！！ 期待作品...！！
回覆刪除[版主回覆06/07/2011 07:46:00]我讀書果時啲飛機都係打嘅多
戰機的夾口和刻線都是很難搞的.
回覆刪除[版主回覆06/07/2011 07:48:00]不過其實那些都是基本功，當練習都是不錯的。