Translate

舊朋友 - 膠釘

有說外國的模型舖與香港的不同,但相同處不少之餘其中最大共通點恐怕是生意難做,所以一般模型舖總會兼售其他貨物,如賣搖控模型,鐵路模型,鐵車仔,漫畫等,如果連賣裁剪編織的東西閣下都不覺得奇怪的話,那麼兼售潛水用具應該都可以叫你感到奇怪吧!在云云正常副商品之中,香港模型人較為陌生的應該是鐵路模型。我是今年初在家附近模型店中賣鐵路模型區認識這位朋友,可謂一見心折!這種 Tichy Train Group 出品的膠釘遠比 Wave 或壽屋類似的出品好得多,一來 TTG 的釘頭沒有水口或分模線,二來有釘腳方便使用,三來尺寸齊備,最後是價錢不貴。一包賣 US$2.5 (我屋企附近間模型店夠膽賣 CA$3.79, ouch!),細釘頭的一包有二百口,大釘頭的一包也有 96 枚,算是相當經濟方便的補品了。(Wave 或壽屋的出品也許每口釘除開都差不多價錢,但如需要用 50 枚相同的釘就要買幾包才可集齊數目了!)


下圖:手頭上的幾包



下圖:最小和最大釘頭的比較



下圖:再比較,留意最下一排不是圓形鍋釘頭



下圖:與 Wave 和壽屋類似商品的比較。單是水口位這種鐵路模型用的膠釘已經贏了九條街,何況圖中 TTG 的膠釘不是最細的,我相信是 0.050" 或 0.055",TTG 最細的膠釘是 0.020"!



(上圖中我說不定 TTG 的膠釘是甚麼尺吋是因為我開袋之後隨手掉了包裝紙,這正正是很壞的一個習慣!)


 

11 則留言:

  1. Very good idea! 從沒想過! 去揾下先... THX for the info!
    [版主回覆06/14/2008 06:44:00]舉手之勞

    回覆刪除
  2. 真係好正wor!!  揾下先~
    [版主回覆06/14/2008 06:45:00]揾唔到就靠我上面 TTG 的網址吧。

    回覆刪除
  3. dialton 今次派膠派得好。
    壽屋的圓釘最令人討厭的是水口位,咁細粒釘如何打磨?所以我只買六角釘。現在可以考慮巾圓釘勒。但要 dialton o係加拿大帶膠回港派先得。
    [版主回覆06/14/2008 06:48:00]其實太細粒釘反而我覺得係唔洗打磨,只要切口切幾刀切得有點弧度就神不知鬼不覺

    回覆刪除
  4. 我又要﹗﹗你咁多舊朋友介紹D我識啦﹗﹗
    [版主回覆06/14/2008 06:50:00]我返香港時一定會見到你,所以連帶你個 WS 的人都會遇到,自然會有點手信嘅

    回覆刪除
  5. ....
    [版主回覆06/14/2008 06:55:00]你出那篇用大頭針網誌前我剛找到這些釘,但又已經順手掉了包裝紙,而你又已經裝好釘;在沒有具體資料可以幫你找尋的前提下,我還是

    回覆刪除
  6. 真係好洗好用,上綱址睇完先出街揾。
    [版主回覆06/14/2008 21:44:00]現在有名有相就應該比較易揾。所以嘛,包裝紙真係不能順手棄掉  Good luck!

    回覆刪除
  7. 你的blog好實用
    [版主回覆06/14/2008 21:42:00]謝,碰巧是這篇矣!

    回覆刪除
  8. 早知一早話比你聽要整柳釘啦! 不過好多嘢都要自己試過先知嘅.  唔係人哋點知你諗セ呢?
    [版主回覆06/14/2008 21:41:00]捉到老鼠就是好貓,砌模型往往就要另闢蹊徑的

    回覆刪除
  9. 香港又未見過呢D釘喎 !! ~ ...  好似幾得 ! ~
    [版主回覆06/14/2008 21:39:00]正如我文首大遊花園時說,那是源自鐵路模型;香港有幾多間這種舖頭又有幾多屋企放得下一大枱的鐵路路軌和裝飾?

    回覆刪除
  10. 咁細粒真係唔知用什麼膠水"痴"佢好?
    [版主回覆06/14/2008 21:36:00]我用田宮綠蓋那隻水狀膠水;反而另一個較大問題是鑽咀。越細的膠釘釘腳越幼,需要很幼的鑽咀才裝得穩。不過如果沒有幼鑽咀的話又不是完全沒有辦法:把釘腳完全切去就沒有需要用鑽了。

    回覆刪除
  11. 無水口就真係正喇.....
    [版主回覆06/16/2008 09:02:00]係呀,做少好多嘢

    回覆刪除