昨晚從多倫多回到渥太華之後，就為部姆力沙埋尾。雖然只是一晚的工序，但出發去多倫多之前就是抽不出這點點時間。話雖如此，但就算在出發前有多一晚時間也不管用，因為水貼收水是需要時間的。無論如何，現在部姆力沙總算完成，可以鬆一口氣。
下兩圖：百份百的完成照，用了支微距鏡影的。
下圖：在多倫多時用支微距鏡影的，當時還未做乾掃和補噴局部地方。
下數圖：有了支微距鏡就容易影頭部特寫了。
下圖：頭背用了炭纖水貼，不過炭纖紋怪怪的，但那是我手上唯一一張炭纖水貼，唯有張就一下。
下圖：2 月 8 日的笑笑團 
下圖：原本姆力沙模型的下臂是圓渾的，手指也是圓的，但偏偏手背橙色的護甲是方方正正的。故此把它打磨成這個樣子。
下數圖：其他部位
下兩圖：第一幅是未補噴時的樣子，那個金屬色是 Alclad II 的鋼色。在多倫多時越看越不喜歡，故此昨晚在鋼色上徒手(沒有用遮蓋)噴了一點銀色(第二張圖)，令到這片護甲在色彩上多一個層次，亦帶點折舊的感覺。
下兩圖：同樣是噴上銀色前後的比較，不過還有另外一個比較：第一張相是初用支微距鏡時影的，第二張相是用多了之後，開始發覺有需要調校景深後影的。
下圖：今早臨上班前把模型打了包，上班時已把它寄出給蟹 sir，應該大約一星期後抵港。希望到時不會甩皮甩骨吧 
好正呀師兄, 紅橙綠配色一流 裝甲效果好好, 最鍾意個盾盾嘅舊化
回覆刪除[版主回覆01/30/2009 10:13:00]謝，個盾的舊化其實都是很簡單輕微的做法
型呀!!!! 做得好detail 特別鐘意 銀色部份的裝甲~ 到時要金睛火眼咁睇~
回覆刪除[版主回覆01/30/2009 10:15:00]言重了，到時記得距離十呎外先好睇，否則會失望的
我好鐘意金屬色嘅質感
回覆刪除[版主回覆01/30/2009 10:19:00]那個銀色是 Model Master 的銀色，以前也介紹過。事實上現在的樣子已經是在金屬色上加了啞消光，但仍有這個效果。
http://hk.myblog.yahoo.com/dilaton-blog/article?mid=7636
我反而喜歡頭背炭纖水貼，幾正！
回覆刪除[版主回覆01/30/2009 10:22:00]不過原來炭纖水貼也不難用，初時還以為不易軟化。
大作完成, 可喜可賀!! 裝甲部份之前我都很好奇你會點處理, 現在金屬色效果又出奇地夾橙紅色主體喎!! 而頂帽我亦有同一感覺, 尤其係炭纖水貼同其他裝甲部份好有統一感. 哈哈....你隻姆力沙寄返來香港後, 要再返加拿大可能要刻服好多困難了....
回覆刪除[版主回覆01/30/2009 10:30:00]其實頂帽我有想過如裝甲部份般用雕刻，但一來有點濫的感覺，二來在 Mori Mori 上雕比起在塑膠上雕難太多，所以退而求其次，想起用炭纖水貼給予一點新鮮感。不過水貼下的 Mori Mori 沒有打磨得好，令到水貼的校果未如理想。
原來頭背喺炭纖水貼, 好正呢.
回覆刪除很高水準的作品.
[版主回覆01/30/2009 10:33:00]謝謝。那麼你部 GANS 又搞成點？
補銀出色，整個機體活潑起來；以圓手背配圓手指，很有說服力；盾的舊化到位，尤其水貼調整得自然；除了 pre-shading 造成偏差色效果外，邊緣位的舊化謹慎而細微；整體漂亮。
回覆刪除攝影方面，或許景深可用更細光圈。
[版主回覆01/30/2009 10:38:00]得君之美言，夫復何求！
你要好似 Lazy King 般，話埋過我知用幾細光圈先得架，否則我一定只校細一兩個 stop 就以為可以了。
細節好正啊。好有誠意的造作！！！
回覆刪除[版主回覆01/30/2009 10:44:00]謝謝，蟹 sir 吹雞，我怎敢造次！
(Empty)
回覆刪除[版主回覆01/30/2009 10:47:00]謝！亦希望你牛年萬象更新！
真係好正！
回覆刪除很喜歡各細部的ｄｅｔａｉｌ！
從中學左唔小野～
甚有水準之作！
ｖｅｒｙ ｇｏｏｄ！
[版主回覆01/30/2009 10:48:00]言重了，到時請不吝指教啊！
打燈會唔會有Ｄセ嘢問題? 典解隻色有時係橙色, 有時係蝦肉色, 有時係仲係粉紅色添?
回覆刪除[版主回覆01/30/2009 11:08:00]蝦肉色張相是在多倫多用天然光影，其他大部份都係午夜打燈影的。
D DETAIL 咁痴線o既，我都係等睇實物O個時再嘩嘩聲。
回覆刪除不如就放係香港 LA，寄番比你又再次甩皮甩骨(唔好打我！唔好打我！)
[版主回覆01/31/2009 11:18:00]幾時到我再返香港先諗這問題吧！
上色好靚啊..細位處理得十分好...
回覆刪除[版主回覆01/31/2009 11:20:00]多謝，得你咁講就好了。
你呢隻姆力沙真係好正! 我覺得完全係Hobby Japan嘅範例! 笑笑日睇真D先... 支macro好玩呢... 遲D同你交換心得啦...
回覆刪除[版主回覆01/31/2009 12:09:00]當日你會見到啲穿崩位的
其實支鏡我最想知，"0.31m - infinity" 同 "0.48m - infinity" 兩個 settings 有乜分別？
過兩棟就唔敢, 中一跟關sir玩完攝影學會之後, 乜都唔記得哂囉... 揾學第啦... 0.31 & 0.48係支鏡同個object嘅distance. 我用來影模型一路都只係用0.31, 因為D巾細粒嗎... 小小所謂嘅心得: 1) 一定唔可以懶, 要落腳架! 2) ISO我會用100, 攝影mode用Av... 3) 每次起哂燈set完景我都揾張白纸來measure white balance... 4) 如果用格納庫做background, 我會影幾張唔同setting, 由5.6至16不等... 5) 如果用大卡纸來做background, 我就會用11至廿幾不等... 7) 如果影大特寫, 我有可能用2.8... 以上都只係我玩玩吓之下嘅心得, 未知幫唔幫到你架...
回覆刪除[版主回覆01/31/2009 22:00:00]謝謝 雖然當中有些我懂，但有更多是不懂的。這個週末可以試試了！
好正呀地理堂兄! 本來好想問頭既紋點整, 原來係炭纖貼紙! well done!
回覆刪除我覺得, 砌模型既, 當有了一定技術, 最好玩既就係"風格", 哩樣每個人都唔同, 亦係好玩之處!
我相信, 我同你, 同其他鐘意 "改" 既模型人, 都係一樣, 不甘心自己既作品係同人地一式一樣! 要有自己既風格! 改得好!
[版主回覆02/01/2009 23:43:00]言重了。我想大多數砌模型的朋友都不甘心只停留在砌成盒邊範例的模樣，只不過很多時有不少因素而未能盡情發揮吧。笑笑團其實不就是要推動砌模型，讓大家一展所長嗎？！加油吧老友！
笑笑日可以睇到實物實在太開心,想睇真D頭上既炭纖
回覆刪除[版主回覆02/01/2009 23:30:00]其實張炭纖我不是太滿意，以為底部不需打磨得好都可以上水貼，結果表面不夠平滑。
嘩! 一排冇黎原來寄埋添!
回覆刪除銀甲D銀色陰影效果好正喎!
[版主回覆02/02/2009 11:10:00]唔寄就一定趕唔切；希望你都趕得切
報告加拿大區作戰小隊，地理堂中佐﹗
回覆刪除閣下之姆力沙在香港降下作戰中大破呀﹗O.O"
團長阿蟹已即時通報大電王明天帶同工具急救﹗﹗
[版主回覆02/08/2009 07:09:00]下次都係先分屍寄好，一件過太牙煙
當日用大量 blu tac 膠住，幸好頂得順六個鐘，任務順利完成。
回覆刪除[版主回覆02/11/2009 10:21:00]噢，要用寶貼 無論如何，勞煩了各位
地理堂兄，不知要向您說些什麼了，
回覆刪除想了很久很久， 千言萬語，
倒不如就一句懇心的 ‘多謝’ 吧！
[版主回覆02/11/2009 12:52:00]謝我甚麼，要說多謝的是我吧！