武功今世用
誅奸雄
玉手掃歪風
深得四方敬重
這幾句歌詞倒也形容得有趣。今日放工回家後，就駕車去了附近的社區中心打 H1N1 防疫針。我與小鯊一樣最怕排隊，但當我 5:13 p.m. 還在路上尋找那社區中心時， 6:13 pm. 就已在車上揾路回家。過程中算是不用排大隊，等得最耐的，反而是打完針之後，看看有沒有副作用而要呆坐的那十五分鐘。其實那幾句歌詞中，最後一句去形容 H1N1 疫苗就有點可圈可點，因為不是所有加拿大人都相信打這種疫苗是好事。但我下星期要回多倫多，還是打了免得在出入公眾場合時惹病！
>>不是所有加拿大人都相信打這種疫苗是好事
回覆刪除對了! 我都不相信.
>>看看有沒有副作用而要呆坐的那十五分鐘
通常會死人果D副作用要兩三日至見到! 祝君好運.
[版主回覆11/27/2009 11:05:00]最重要不是你老哥信不信，而係你老婆信不信
估唔到咁多老外打, 我以為只有睇HK news的唐人先打.
回覆刪除[版主回覆11/30/2009 05:56:00]渥太華邊有咁多唐人
信不信由你, 我以前好小病, 就算在流感高峰期都無事, 但自從四年前開始打流感防疫針, 這幾年每年都病幾鑊! 所以出年我打唔打流感防疫針! 而H1N1防疫針, 香港好似未有, 就算有都唔知打唔打好! 都唔知佢係咪大陸嘢!
回覆刪除[版主回覆11/30/2009 05:59:00]大陸嘢，至少你會肯定測試時是用中國人去做測試，是一劑適合中國人體質的疫苗！
打左安心 d 既 ..... ~ 不過呢幾日睇報紙，好似話歐洲果邊有發現 H1N1 有變種跡象， 重話擔心影響疫苗既功效，希望唔係真喇 >< ....
回覆刪除[版主回覆11/30/2009 06:04:00]變種是遲早的事，問題是當 H1N1 變種之後，有多少種流感可以感染你。打了針之後是少一種，不打針就多一種吧！
我見到離遠有個老外low cut喎 , 你係唔係另有目的呀
回覆刪除[版主回覆11/30/2009 06:06:00]你不能單看對方的衣著，看看她的身材你就知道我沒有其他目的了！
而係你老婆信不信 (同意)
回覆刪除[版主回覆11/30/2009 06:07:00]男人之苦！
又係果句，識得神鳳，你都有番咁上下……年紀。
回覆刪除[版主回覆11/30/2009 06:09:00]嚴格來說我不識得【神鳳】，因為歌詞的次序是（刻意）調亂了的！
你去到係咪即刻除左條褲，要求醫生打籮友呀！之後有個黑鬼(圖中左手邊)走埋黎欣賞左一輪明月之後，就叫你快快手打完，坐你車去左你屋企！
回覆刪除[版主回覆11/30/2009 06:11:00]如果每個黑人你都要發揮一番想象力的話，你會好唔得閒囉！
神苗原來唔係注射果d，係出自黑鬼果d，仲要口服果d~~~~~~~
回覆刪除[版主回覆11/30/2009 06:12:00]你也未免看太多日本片了
打完疫苗返到屋企先至黎傻左........
回覆刪除[版主回覆11/30/2009 06:14:00]傻就無，不過手臂打針處痛了幾日
對神鳳的印象在我來說也只是一套好舊的台灣只得廠景講多過打的台灣武俠劇，內容是什麼一點都無記憶。但歌詞似乎無調亂吧，有嗎？
回覆刪除[版主回覆11/30/2009 10:00:00]有調亂！原本歌詞 :
天上有翔龍 人間有神鳳
生於劫難中 武功今世用 闖天涯 刀光劍影 穿梭一隻鳳
天涯流浪無定 走過多少血路與孤塚 長嘯震天 寶劍出鞘 邪魔誓難容
劍光破夜空 世間多讚頌 誅奸雄 玉手掃歪風 深得四方敬重
神鳳震驚四方 神鳳震驚遠近 萬里稱雄 雲起風動 人間有神鳳
生於劫難中 武功今世用 闖天涯 刀光劍影 穿梭一隻鳳
天涯流浪無定 走過多少血路與孤塚 長嘯震天 寶劍出鞘 邪魔誓難容
劍光破夜空 世間多讚頌 誅奸雄 玉手掃歪風 深得四方敬重
神鳳震驚四方 神鳳震驚遠近 萬里稱雄 雲起風動 人間有神鳳
調亂都唔覺，只係 compress o左，zipped。
回覆刪除[版主回覆11/30/2009 23:50:00]所以我話「嚴格來說」
都同意 ge，好希望 疾病問題 可以平服一下 ~
回覆刪除[版主回覆11/30/2009 23:52:00]對，現在其實經濟問題都困擾人