這幾日的新聞都是圍繞著美國總統選舉，經過連日坐在電視機前看加拿大的新聞報導之後，發現有些加拿大人天真得叫人失笑。據報導有些加拿大人，他們沒有美國公民身份，自沒有美國投票權，卻巴巴的走去美國替奧巴馬拉票或用長途電話去游說其他美國選民投奧巴馬一票。世界各地都有人被奧巴馬的政治魅力所吸引，這點可謂無可厚非。而如果美國民主黨得勢可以令一個個人得益的話，那人拋拋媚眼賣賣風騷我亦能理解。但有些加拿大退休人仕和學生都因為奧巴馬的演說而走去助選，他們未免太易被煽動了。奧巴馬每次說的「我們」是指美國佬，每次提到的「世界」都只包括 G7 國家矣！他朝有日加拿大與美國有糾紛的話，難道奧巴馬會把加拿大的利益與美國的利益放在同一個度量上嗎？另外從道義上看，如果這些非美國人去干擾美國選情是合理的話，我想不到為何大陸經濟支持(又不至於賄賂)美國個別議員就要被千夫所指！
「如果有多張選飛，你會唔會同我一齊投呀？」
如果被問的人不是蘇麗珍而是加拿大人的話，答案多數會是「好」！真羞家！
第一！好野！
回覆刪除都冇話羞唔羞家既，鬼叫佢係唯一選擇咩！加上美國又係龍頭大佬，佢地唔掂我地都聽乞食，自求多福啦！
[版主回覆11/09/2008 00:47:00]美國身為一個超級大國，國民就只有兩個選擇，美國佬真好福氣
可能因近兩年荷里活編劇擺工~電影質數下降，遇到呢套億萬金元大龍鳳，久旱逢甘露，好多人都睇到好投入，當正自己有份揀．就算地球另一邊都有好多人支持奧巴馬，更加唔好講住在彼隣B座C座啦．細細個睇Morgan Freeman做總統咁鬼有型，雖然而家呢件好似”打壞”0左 ，都好過條隔夜油炸鬼.
回覆刪除[版主回覆11/09/2008 00:45:00]咁又唔好咁講，McCain 這條隔夜油炸鬼宣佈競選失敗的一番演說都好好架 (奧巴馬宣佈選到的演說因為太夜所以去了聽周公講好過！)
有時都唔知d 鬼佬係天真定真係蠢。
回覆刪除[版主回覆11/09/2008 00:41:00]多數兩樣都中
呢d就係soft power 囉~~~ 美國呢方面係世界冠軍!! (祖國呢方面真係拍馬都追唔上~~) 雖然種種跡象美國已慢慢變得外強中乾, 但係佢o地仍然成功sell到"全世界人都係要睇佢頭"呢個想法!! 真係唔寫個服字都唔得.... 就連我個11歲o既女與同學仔都會討論要選obama定係mccain. 美國大選結果公布當天, 我行過間五金鋪就聽到如下一段對話: 送貨亞叔:"喂! 個黑X選到總統喎!" 冷面笑匠老闆:"車!! 關你X事咩, 你又唔係黑X~~" 當中都有深一層道理o架....
回覆刪除[版主回覆11/09/2008 00:40:00]話晒美國佬揸旗都揸了幾十年，爛船都有三斤釘，這種三斤釘都夠英國佬吃了幾十年，何況美國佬隻船何止有三斤釘？不過美國的領導地位已經開始被人質疑，從金融到學術，這幾個星期的傳媒都有在各方面反思。
我好細個果時, 真係以為加拿大係美國其中一個州...
回覆刪除其實點解會有加拿大呢? 真係好少知佢既歷史~
[版主回覆11/09/2008 00:33:00]了不起，我還是要到好大個果時，才明白加拿大原來真係美國其中一個州
噢! 好多成年美国人都以為加拿大係佢地一個州, 香港係紐約入面! 所以YaYa大人唔洗自卑, 你己經醒過好多美國佬!
回覆刪除[版主回覆11/09/2008 00:31:00]昨日看花邊新聞，Sarah Palin 的助選團一解散就插她，說她連非洲是一個洲 (continent) 也不知道，還以為南非 (South Africa) 是非洲南面 (Southern Africa) 而不是一個國家！極右共和黨人對世事一知半解卻又堅持用大美國主義去強姦世界就可見一班