今天二月一日，放在公司的 2009 年笑笑團月曆在昨天已屆盡頭。在受到電影【2012】的啟示下，自不然深恐今日會世界末日。為免死在公司或要與同事合葬，所以今早決意不上班，要死也要同我的女優，我的模型一起。不過到旁晚時份我從郵局取到一個包裹，內裡原來是 2010 年笑笑團月曆（再三多謝華佬）。雖然今日烏雲密佈，但不必觀星察雲也可洞悉天機，知道今日是不會世界末日的。所以大家大可放心，不必終日摟著心愛的 AV 或 P-雜誌惶惶然渡日！
在華佬寄出之前，他已告訴過我這廿個月曆相當之重。在收包裹時我也不以為意，但當我拆開包裹拿一個月曆上手時就發現有所不同了。首先， 2009 年版只有 52 克，而今年的就竟然有 129g 重，是兩倍有餘啊！主要原因是今年的紙質較上年好了不少，而且面積亦增加了一點。相比起去年的月曆，今年的就簡直可以說「送禮自奉兩雙皆宜」！所以看倌如果還心大心細 207 去不去笑笑團的話，還是快快趁這幾日趕起部模型作品吧！
下圖：謝天謝地，月曆上有二月一日...
下圖：去年的月曆用紙相當薄，厚度只僅僅沒有令背後的印刷從前頁透出來。
下圖：童叟無欺，129 克重！
下兩圖：無聊一影，分別是早上七點和下午五點，也是零下十七度和零下五度之別
點解要咁多個？.......講.......唔準諗........冇得解釋........直接講........你唔好話一個放廳、一個放房、一個放公司、一個keep、一個放廁所..........呢d係唔接受既！
回覆刪除咁究竟要咁多個做乜？.....講！
[版主回覆02/02/2010 09:57:00]派！現在已分派剩兩個比自己，真係一個放公司，另一個收藏！
突然間想起, 如果真係世界末日, 地理堂兄真係想攬住d死物, 定係其他 ? 活在當下呀, 地理堂兄
回覆刪除[版主回覆02/03/2010 09:47:00]攬住啲死物又不是最差的情況，至少死物不會對我話「不過我想同阿振聰一齊死喎！」大難臨頭已經夠慘，但如果當時才發現自己只係一隻同林鳥的話就真係死得嘞。
0衣乜原來重咁多？！
回覆刪除其實如果真係世界未日都冇乜所謂啦一野就全部瓜晒，最慘就係你識的都瓜晒淨得你一個之嘛……
[版主回覆02/03/2010 09:32:00]個天不至於咁無眼會瓜淨我一個呱？！
你收到就好了~ btw，不是送上門嗎？還是府上沒有人收才要去郵局拎？
回覆刪除[版主回覆02/03/2010 09:30:00]再次
我是在屋企，但郵差叔叔找不到我，所以才要去郵局拎
世界末日唔緊要, 最緊要係砌好晒我啲至愛車車先好嚟呀
回覆刪除[版主回覆02/03/2010 09:28:00]你咁快，砌晒你啲至愛車車都未有來世界末日啦
双倍份量, 双倍精彩
回覆刪除[版主回覆02/03/2010 09:26:00]也是雙倍郵費
阿青有見地﹗
回覆刪除我同意﹗
[版主回覆02/03/2010 09:24:00]邊句先，「想攬住d死物, 定係其他」還是「活在當下」先？不是每個人的「當下」都有其他嘢可攬呢。
預我 一隻 丫, 唔該!
回覆刪除[版主回覆02/03/2010 09:18:00]哎吔，預咗兩個添
你好返哂未呀? BTW, 我亦好同意阿青... 話時話, 尋晚阿TOM俾隻G30我時傾咗幾句, 問佢幾時結婚時唔知點解又講起你... 老同真係要諗諗啦... BTW, 誰是我哋阿sir個女婿呢?
回覆刪除[版主回覆02/04/2010 09:30:00]我嘅病只要有街去就會好番架啦
「誰是我哋阿sir個女婿呢?」 ﹣﹣﹣﹣我都想知
回覆刪除[版主回覆02/04/2010 09:30:00]八掛
http://hk.myblog.yahoo.com/model.arena/article?mid=358 2010 笑笑團當日大型背景板及海報
回覆刪除海報最後版本及加上會場地圖～ 歡迎大家轉截啦～
[版主回覆02/04/2010 09:31:00]收到，多謝國寶電王
第一張好正...不過有少少黑角... 天色變化好 nice....你真是太幸福了....
回覆刪除[版主回覆02/04/2010 09:33:00]何止少少黑角！但我還是影相新手，資金有限唯有將就用住支低級鏡頭先
黑角可以用 ps 搞搞佢... btw 一 upload 上黎色又變左...
回覆刪除[版主回覆02/04/2010 12:38:00]謝，原來有軟件可以尊整黑角，一於試試先
207我先收到個月曆，到時真要研究o下先 ~
回覆刪除[版主回覆02/05/2010 08:52:00]你指到時在城大研究模型實物吧
今年個日曆好正呀```好想要返個嚟看門口
回覆刪除堂哥，207個日抽唔到時間出席活動，唔知事後有無得補領返一個呢？
[版主回覆02/10/2010 11:10:00]我要補領的話就要一個簽齊咁多人名的月曆了
唔好係明堂哥你係乜意思喔```
回覆刪除[版主回覆02/10/2010 14:04:00]唔明唔係損失，放心！