一如蟹 sir 所說，在強豪環伺底下，一眾團友也只好盡最後努力，以最好面目於城大會見大家。雖然我部吉姆是沒有可能這個星期日現身城大，但無理由別人燒了我把火而我不去燒人家的，所以只好拉雜說說我的進步。
至今算是刻了絕大部份的線，昨晚還噴了灰；只不過模型表面仍有很多瑕疵，要修補打磨好後才可以作下一步：加凸起的裝飾。而主體細碎的部份也在這兩個禮拜中一一完成了。
下圖：背包正中原本的雕刻老早就剷去剩下了一個大窿，只不過遲遲都未有心機去填 "tum"。
下圖：圖中上面半透明的是自由樹脂，在未硬時塞在背包大窿處就得出甚準確的窿口外形。憑此就可以在一大張鋁網上切出一小片外形相符的保護網。
下圖：要求不高的我算是收貨了。
下圖：足踝護甲是加闊了 1mm。
下圖：別小看這一毫米，憑此足踝的活動範圍就大大提升了。
下圖：圖中粉紅色的是 SSP，我還是首次在它表面雕刻，誰不知這東西因為太鬆化（對，是如蛋卷般的鬆化）而很難搞。再加上它千瘡百孔的質地就算雕到也太難磨滑，所以要暫時罷手等噴了灰可以看清楚後再謀後動。
下圖：昨晚噴到十一點幾才收工。
下圖：不過也有替部 Centurion 和 Sherman 噴灰。（好明顯，我在中途離棄了笑笑團 
下圖：今日從郵局收到的郵包中，三件寶物之首－明美痛機。故此標題中的「痛」字有引號括著。作為一個花心的男人，在笑笑團壓力環伺之下，點都要「痛一痛」了
下圖：寶物之二是笨大新出的 LED 地台，好細呀！
下圖：寶物之三...寶物之二好明顯是綠色燈的 LED 地台...
下圖：這個 23.5cm 高的骷髏骨就是第三寶，正嘛
又未到Halloween, 做乜整副綠色骷髏骨! BTW, 乜嘢係SSP?
回覆刪除[版主回覆02/04/2010 10:50:00]用來參考 SSP: http://www.hlj.com/product/ALG001 基本上是爽身粉加 AA 膠的東西，但稍微慢乾有多點時間作業。
Then why not 爽身粉加 AA 膠?
回覆刪除[版主回覆02/04/2010 11:18:00]純粹試嘢。始終爽身粉加 AA 膠這方法我不是完全滿意，所以想找其他方法。
聽說 SSP 是有 "賞味期限" 的? 是嗎!? 我也是用AA+爽身粉. 骷髏骨用來幹嘛? 是不是繪人體之類用?
回覆刪除[版主回覆02/04/2010 12:52:00]我盒 SSP 上沒有寫日期，不過今年玩電擊，應該大把機會用 個骷髏骨不是作繪人體用，而是作雕人體之類用的參考
大大開始玩雕人乎??
回覆刪除[版主回覆02/05/2010 08:53:00]非也非也，只是參考吧！
嘩! 你一玩就玩咁多辦, 咁未唔駛瞓!
回覆刪除[版主回覆02/05/2010 08:55:00]我昨晚的確玩到凌晨一點半，不過不是玩上面的東西，而是齋啪另一盒模型
覺得痛....就快手根治....
回覆刪除[版主回覆02/05/2010 08:56:00]你咪引我啦，我不知幾想開部痛機來砌呀
最緊要好用, 好用自然用得快 XD 你在雕人體? @w@ 真的嗎? 單純興趣? 細聲: 是不是囡囡來的 (拖+摳
回覆刪除[版主回覆02/05/2010 08:58:00]我不是在雕人體，也不是準備雕人體，只係考慮雕不雕妖怪吧
背包既改動幾好啊！
回覆刪除[版主回覆02/05/2010 08:59:00]謝，個背包基本上已被我掏空了用來放電池。
雕人! 好事來的, 總好過比人雕! SSPHG, 我以前也買過, 同你的comment一樣, 鬆化, 雕唔到, 脆, 當然, 可以係我份量調得唔好, 不過過一排枝膠水會硬化無效, 的確係事實. 而家我小小面積我用光硬筆地, 大既就用原子灰. 可能係我用得唔好遮, 有d高手好常用嫁喎...
回覆刪除[版主回覆02/05/2010 09:02:00]記得我有部超聲波洗件機嗎？ SSP 被它洗一洗就更加千瘡百孔，問題更大。其實我還在摸索 SSP 的最佳用途上
棚骷髏骨諗住點玩法?? 舊化乎??? 還是加皮肉使其活化乎??
回覆刪除[版主回覆02/06/2010 18:40:00]煲湯可能唔錯
開盒痛機玩下先啦！都仲未見過完成品，好想睇下你既評語！
回覆刪除[版主回覆02/06/2010 18:52:00]基本上是長谷川的舊 VF-1 模型，只是張水貼不同了。但張水貼有兩點出乎我意料之外。首先整張水貼有三個明美水貼，第一個是碎開的可用於如盒面上機尾部份；第二個是一整個零明美（從頭至腳）水貼；第三個是半身零明美水貼。故此這張水貼合共可以用於三個模型上。第二點是盒面上飛機的橙紅色是要自己 mask 出來再噴，不是水貼有橙紅色部份。故此恐怕買的人不少，砌得出的就不會多。
明美痛機! 我都又諗過.. 不過都係諗下好喇..
回覆刪除[版主回覆02/06/2010 18:53:00]諗多兩諗就無貨了，需要我代買嗎？
Wa...........the 明美痛機, I'm still waiting HK on sale.......! My fd still cannot find that yet! >_<
回覆刪除[版主回覆02/06/2010 18:54:00]Sooner or later HK will have it for sale. Don't worry.
支持砌坦坦
回覆刪除[版主回覆02/06/2010 18:54:00]龜速進行中
呢個填補方法真係好好用，真係唔錯！
回覆刪除[版主回覆02/06/2010 18:57:00]不過自由樹脂要用滾水都幾煩下，其他就查實相當容易下。
第三寶有咩用？
回覆刪除[版主回覆02/06/2010 18:57:00]參考
係都買條囡啦﹗
回覆刪除[版主回覆02/06/2010 19:03:00]不如買 AV 仲好！
加 d 無花果同 瘦肉重正.....
回覆刪除[版主回覆02/06/2010 20:23:00]哎吔，屋企只有蜜棗添
係呀!係呀!好快賣哂仲絕版添啊..
回覆刪除話時話,係咪舊瓶新酒嚟, 咁即係齋買水貼, 計返加紙要幾多呀?
[版主回覆02/07/2010 06:33:00]是舊瓶新酒，換水貼不換膠。賣￥2800，預 ￥800 郵費，約CA$45。
我仲有4隻Vf-1 , 咁都係諗吓算囉...
回覆刪除[版主回覆02/08/2010 05:56:00]Right decision!
其實我都想問下個地台size有幾大,見你放隻666落去睇落都好似好大下
回覆刪除[版主回覆03/12/2010 12:00:00]中間圓面的直徑有 12.2cm，八角形黑色底座底部橫幅有 14cm，整個的高度有 2.2cm。而這地台共用三枚 AAA 電。