每逢農曆新年，通常大家都不會對我客氣，而這個庚寅年也不例外，因為我只是你們家中的馬桶。大家在過年時大吃大喝，豬牛雞鴨之餘又猛灌黄湯，你們可有理會過我的感受？家中老少都要在我身上放下幾兩；有德者多食蔬果也只是幾分鐘的工事，腸胃欠佳的卻分分鐘要坐在我身上數十分鐘，通常還是殺氣騰騰那種！大佬呀，你坐在上面看的是報紙聽的是 MP3，你可知我在下面抬頭上望的是甚麼，聽到的又是甚麼響聲？平日你們在工作上或學業上累積的「淵」氣，都要留到返公司或等上堂舉手去厠所才去解決，以有味的「淵」氣發洩無奈的怨氣，作出對公司或學校無聲的抗議。但農曆新年這個節日期間，這通通都要落在我身上由我一力承擔，未免有點強桶所難吧？！
大家看，上面圖中是我的近親馬桶 S.A.F.S.，出自三月的 Hobby JAPAN。日本人較有潔僻，但渡邊 MAX 這個馬桶也難免略有黃漬，無怪乎下面地理堂剛素組出來馬桶的顏色是這個綠色，真寃孽！另外大家可能有所不知，所謂「近墨者黑」也適用於馬桶的身上。作為一個馬桶，常接觸的人是怎生模樣的呢？不如這樣說吧，一個有手有腳的馬桶如 S.A.F.S. 應該是怎樣站立的呢？首先聲明，Wave 推出的 S.A.F.S. 不能擺出坐姿，所以女性讀者大可不必指手劃腳。而這個馬桶的站姿嘛，自然是雙腳大開，雙膝微屈讓重心稍降。而最重要者是身驅重心向前，這才是馬桶的最佳站姿，切記切記！
我地D等稿費過活的，你的無限伸展大法，對我們來是一種福音﹗
回覆刪除[版主回覆02/23/2010 13:22:00]你幾時變了爬格仔呀
請問駕駛員屎忽痕果時，佢係咪只可以死忍呢？
回覆刪除[版主回覆02/24/2010 06:07:00]當然好似日本馬桶一樣，按一個掣就有一道暖流游走於屎忽間各處以濟一時之急
頂~~~比堂兄你同KY兄，搞到我又想砌番隻馬桶添~~~~
回覆刪除[版主回覆02/24/2010 06:23:00]咁就砌啦，齋啪都幾好玩架！
唔好再放毒喇………就……c……喇！
回覆刪除[版主回覆02/24/2010 06:24:00]邊個放毒，邊個邊個？
得閒找找劉德華隻舊歌「馬桶」（國語）聽下，或者你會有o的 feel。
回覆刪除[版主回覆02/25/2010 11:23:00]佢首歌唔及我有深度
我都有買新出的 S.A.F.S，不過之前S.A.F.S會比兩條彈弓銅管，Ｅ家新出果Ｄ比兩條膠條，S.A.F.S .Ｄ料慳皮左好多...！！ 不過我都想砌番隻玩吓...！！
回覆刪除[版主回覆02/25/2010 11:30:00]這個雖然可惜，但總好過完全不出新模的 S.A.F.S.。在商言商， SF3D 已是廿多年前的產品，新鮮感有限，為了加金屬零件而把定價提高可能太冒險了。
馬筒應該做返馬筒本份, 有手有腳走黎走去把鬼~~~~~
回覆刪除唔小心仆親流哂入面D野出黎, 你話點算喔! XD
[版主回覆02/25/2010 11:31:00]咁都俾你諗到，似乎我都有點啟發力
睇你咁多個MA.K 卜文，我已經對ＭＡ。Ｋ 產生了正面的評價，Ｄ馬桶愈睇愈順眼。 但至今仍在免疫中，唔好放毒啦堂爺
回覆刪除[版主回覆02/25/2010 11:32:00]暫時唔會放毒住，放心，下個月先再放
睇你咁多個MA.K 卜文，我已經對ＭＡ。Ｋ 產生了 負 面的評價，Ｄ馬桶愈睇愈 唔 順眼。 但 至今仍在免疫中，唔好放毒啦堂爺
回覆刪除[版主回覆03/01/2010 07:13:00]咸魚青菜各有所喜吧！