看倌如果見標題而走來這裡的話，倌人大喜，這篇有三份之一的內容可以滿足閣下。相反地，如果你不是為這個標題而來的話，我都恭喜你，因為這篇有三份之一的內容可以滿足好色的閣下。最後，如果妳不是為這個標題而來的話，我亦恭喜妳，因為妳有很好的觸覺知道該往那裡尋找靚仔（見上圖）。
話說早年在美國興起的 Netflix 於上星期殺入加拿大，於是這個周末我就加入了作會員。或許有看倌會問 Netflix 乃何方神聖。這個嘛，是一個以 CA$7.99（約港幣 $60）月費的價錢無限下載電影電視觀看的服務。雖然那些節目多數不是首輪或第一線的電影電視，但對於我來說也算是足夠。而且最重要是可以透過 PS3 在電視上播放高清映象，不必在電腦前愁對那個十來吋的「芒」。
頗為意外地 Netflix 有中文片看，所以第一套下載觀看的就是王家衛的【東邪西毒 - 終極版】。更意外的是，雖然 Netflix 沒有字幕選擇又沒有音響選擇，但播出來的竟然不是英文配音版而是講中文的版本（不過之後看的【長江七號】就只有普通話版），實在太好了！這次還是第一次看【東邪西毒】。八月在香港時曾經把它的影碟拿在手上考慮買不買，但記得某魚曾經在戲院見戲未完但觀眾已經魚貫離場的情況，所以最後還是沒有買。不過當我看完 Netflix 的播映後，甚為後悔當時沒有買到！此片雖然不是王家衛最好的作品，但也是相當有神韻有層次的電影，遠比【春光乍洩】好，亦都比起同是眾星拱照的【墮落天使】好。
在 Netflix 云云的選擇當中，原來是有鹹片看的！大家見我還有這個精神和力氣打這篇文字就知道我還健在。亦從此可知，那些鹹片只不過是軟性鹹片 (soft porn)，露出的兩點不會在鏡頭前超過三秒那種。我想這大概是 $7.99 的質掃吧！（係蒜狗掃的掃。）
攞正牌download？係有時限定永久保存架？其實上TVU都有，不過唔係HD囉！
回覆刪除[版主回覆09/28/2010 10:02:00]是攞正牌 download；一如 YouTube 一樣不能永久保存，所以要找找【東邪西毒】的碟了。
果然係:[堂兄之意不在片; 在乎片中之"點"也]
回覆刪除[版主回覆09/29/2010 00:48:00]非也非也，點有乜好睇？重要者是怎樣 X 那些點！
我好少睇得晒王導的戲, 多數都係在cable之類有前冇後的睇一段半段. 唔係話佢o的戲唔好睇, 只係我好少乖乖坐低睇晒整套戲. 而【東邪西毒】係我當年入戲院睇的, 我自己幾鍾意. 不過, 我係o個類睇電影節無理頭東歐片都可以睇晒唔會(目訓)著的人, 我的意見對多數人都冇乜參考價值....
回覆刪除[版主回覆09/29/2010 00:56:00]王家衛的戲是有其獨特之處，我自己最喜歡是他的思想方式。就算在他第一套戲【旺角卡門】中也可見到：「當你（劉德華）打爛晒啲水杯但想飲水嘅時候，你打比我（張曼玉）我話你知我收埋隻水杯在那裡。」無可否認他的思想方式是很有趣，連帶他的電影亦然。
"露出的兩點不會在鏡頭前超過三秒那種" --> 咁即係話睇American Pie都會剌激過佢！
回覆刪除[版主回覆09/29/2010 00:56:00]就是這回事！
王家衛咁多套戲中,最喜歡的就是"東邪西毒"
回覆刪除實在拍得非常有型~~~
想當年係戲院睇完後興奮咗好耐~~~
十個"讚"
跟住就係"2046"了~~~~
[版主回覆09/30/2010 00:12:00]我最喜歡是【花樣年華】。
搞到小弟都想睇番....
回覆刪除[版主回覆09/30/2010 00:12:00]在香港地要睇番有何難？
三個三份一都無我份..
回覆刪除[版主回覆09/30/2010 00:13:00]白撞！
王生的片對我呢o的凡人o黎講實在有點兒深奧，o個套(春光乍洩)睇完之後都唔敢睇佢其他戲，太悶唔知想點，可能唔能夠代入呱 ~
回覆刪除[版主回覆09/30/2010 00:17:00]【春光乍洩】單看導演怎樣處理床上戲和兩位男主角怎樣做親熱戲已經很有趣了。不過睇多幾次之後電影本身就令人覺得沒有甚麼好看了。
三份都唔關我事
回覆刪除[版主回覆09/30/2010 00:17:00]你又係白撞！
係，我係白撞嘅，唔使趕，我即走。
回覆刪除[版主回覆09/30/2010 04:17:00](Empty)
而家我用moviex(HK)網上租碟服務, 所以對正牌 download戲好有興趣.
回覆刪除其實係用Stream, 唔算係download, 是嗎?
[版主回覆10/02/2010 09:55:00]你對，那是 Streaming。不過 streaming 的中文譯名是甚麼？
當年入場睇午夜場, d人一路睇一路爆粗, 開場10分鐘內已經有班人離場. 我就睇到摸牛就暈咗... ^ ^'
回覆刪除[版主回覆10/02/2010 09:53:00]午夜場真係可以見人生百態。
我都係白撞嘅，走之前講句： Streaming 大陸譯做串流。 我即閃。
回覆刪除[版主回覆10/05/2010 06:47:00]「 串流 」以前也見過，原來就是 streaming！謝謝
依套我都有睇! 我覺得好睇喎!
回覆刪除[版主回覆10/05/2010 06:46:00]同意，所以已經訂了碟
一講到王家衛版既東邪西毒，因為當時睇既人抱住由金庸原著改編以成既電影去睇呢齣戲，所以好多人因為貨不對版，而中途離場，但係呢套王家衛版係唔可以抱金庸原著既心態睇，因為佢完全唔同，不過我都係無咩興趣睇，我比較鍾意睇令人開心既戲，所以我咁大個都仲鍾意睇宮崎駿既電影，同埋睇賓尼兔既電影，同埋迪士尼同夢工場既卡通電影，如史力加同反斗奇兵一類。
回覆刪除[版主回覆10/10/2010 04:47:00]我都喜歡看你提及的那些電影，不過大前題是故事好。太難的話，還不如看王晶嘻嘻哈哈的戲。