Translate

給插過的男孩們

前日放工後煮飯前,趁還有十五分鐘左右的空檔匆匆拿起把 Hyper Cut Saw 改一改模型。之後繼續日常起居生活(其實砌模型也是我日常起居生活的一部份,不過那並非正常人的生活一部份),但過程中我的手掌又痛起來了。這也不是甚麼新鮮事!近來手掌會突然間刺痛起來,看一看既無紅又無腫,連到底是手掌上那個正確位置痛也搞不清楚,感覺就是突然有針刺了一下一樣。今番刺痛後,提起手掌細看,終於發現原來有一條極小的木刺插在手掌中!拔出後我細心想想,之前接觸過的木具就只有 Hyper Cut Saw 上的木柄。看倌如果有一把(或多把) Hyper Cut Saw 的話可以檢查一下,木柄其實頗為粗糙,表面沒有塗上保護漆之類的東西。難怪自從在日本買了把鋸之後,這幾個星期以來手掌都會不時有刺痛的感覺 看來是時候包一包那木柄了。


14 則留言:

  1. 你果把係咪"胶肌"?
    hint :naruto...
    [版主回覆10/31/2010 23:09:00]我無睇火影,胶肌是誰在 Google 中也查得不清不楚 

    回覆刪除
  2. 甩木? 用電線膠布包得唔得?
    [版主回覆10/31/2010 23:05:00]當然得。我就已經包了一把。

    回覆刪除
  3. 如果髹上保護漆,會唔會滑手唔好揸...
    [版主回覆10/31/2010 23:04:00]應該不會。我另一把 X-Acto 鋸是膠柄,用了多年也沒有滑手的問題。

    回覆刪除
  4. 我嗰把又好滑喎~
    [版主回覆10/31/2010 23:02:00]我兩把都「鞋」。我提議你包一包,因為沒有塗上「力架」的話,起刺是遲早的事。

    回覆刪除
  5. 應該係給"被插過的男孩們"喎, "插過的男孩"係主動式, 令我諗起第二啲嘢
    [版主回覆11/02/2010 05:29:00]這是給插過的男孩們,不是給愛幻想的男孩呢 

    回覆刪除
  6. 我把又無事o番,一路都唔覺佢鞋。
    [版主回覆11/02/2010 05:28:00]或者我肌膚比你柔嫩 

    回覆刪除
  7. 胶肌係一把大刀, 特色係如果俾主人(承認)以外的人拎起把刀, 佢自己會生D刺出黎拮到果個人痛到拎唔起把刀....
    [版主回覆11/02/2010 05:27:00]原來如此 

    回覆刪除
  8. 我兩把都冇吉手, 我又覺得佢堅持用木好有"和"味喎.  
    [版主回覆11/02/2010 05:25:00]莫非我這邊天氣真係咁乾燥木都爆?!

    回覆刪除
  9. 路過一八  ~
    [版主回覆11/02/2010 05:24:00]似乎你都係插過的男孩們一份子 

    回覆刪除
  10. 拮手就無,但昨晚用的時候反而在諗,始終鋸係粗重用,雖然貴但唔知幾時要報銷又要再買   可能唔使一年都唔定。
    [版主回覆11/02/2010 08:59:00]大吉利是過你!佢如果有過期的一日的話,我希望係一萬年 

    回覆刪除
  11. 咁多blog友都話無咩問題!只能歸究為"不幸"了 亦有可能因為地理Sir那邊的天氣比香港乾燥,磨擦易出意外!
    [版主回覆11/04/2010 05:13:00]我兩把都有這個問題,看來真是氣候的原因。

    回覆刪除
  12. 嘩...乜甘粗糙...插手掌甘嚴重....其實磨開件ge時候順手磨下得唔得...
    [版主回覆11/04/2010 05:14:00]包是最好的方法,亦比磨簡單得多。

    回覆刪除
  13. 你 Wishful thinking 想有一萬年,但事實係鋸係用來做粗重野,但鋸片又咁薄,鋸得多始終鋸片會鈍,且一個唔小心就弄彎鋸片。我硬係覺得唔可以玩好耐就要換。
    [版主回覆11/04/2010 05:16:00]有 Wishful thinking 唔係罪!我仍然那一句,如果佢有過期的一日的話,我希望係一萬年 

    回覆刪除
  14. 是日本貨嗎? 總覺得日本貨不會這樣呢, 出現這樣情況的都只會是.... 以前在後園掃草時, 也被木棒刺到了 orz
    [版主回覆11/04/2010 05:18:00]可能把木柄是大陸做 

    回覆刪除