Translate

果然是一場戰爭!

上星期二我回到多倫多,當晚我五家姐一家三口從香港到步,為的是參加過去的星期六我大姨甥的婚禮。於是乎我就充當司機、苦力、導遊、人肉 GPS、婚禮司儀、婚禮影音控制員、攝影師和房東,甚至乎充當裁縫!所有辛勞的報酬是兩杯大舅爺茶!(不過啖茶又幾好飲。)還是昨晚半夜從渥太華遊覽完畢回到多倫多,在半死的疲倦情況下才有一個八小時的睡眠!



戰爭,還未結束呢!星期六將會是西式的婚禮

18 則留言:

  1. 西式應該輕鬆好多.
    [版主回覆08/19/2009 04:42:00]對,主要是由女家主持,但我還當司儀一職

    回覆刪除
  2. 話辛苦,但個樣咪又係開心到鬆毛鬆翼。
    [版主回覆08/19/2009 04:43:00]直頭失儀啦

    回覆刪除
  3. ヌ中又西, 唔怪得要攪兩星期.. 辛苦晒喇大舅爺 (不過你笑得似外母乸多D, 無理由架? 你明明係男家果邊格? )
    [版主回覆08/19/2009 04:49:00]你未有來做新老爺,唔知道笑仲可以笑得再有幾開心!

    回覆刪除
  4. 要搞兩場婚禮 ?? 真係耐力o既考驗!! 你同大姨甥都幾似樣喎.
    [版主回覆08/19/2009 09:41:00]僅樣子而矣,命水則大有不同,大有不同!

    回覆刪除
  5. 笑得比陳四萬還燦爛喎,辛苦得嚟又開心嘅。
    [版主回覆08/20/2009 02:17:00]又真係幾開心嘅!

    回覆刪除
  6. 又五家姐又大姨甥加埋大舅爺,對我唻講真係一頭霧水,相信而家香港都好少呢D"大家族",話時話你笑起上唻好萬梓良喎 恭喜晒大舅爺
    [版主回覆08/20/2009 02:15:00]好彩唔係秦沛(好多年前有人話我似他!)

    回覆刪除
  7. 睇完你幅相,仲以為你自己嫁女添~~~~~
    btw,你呢個「船頭尺」造型又幾周潤發喎!條呔響邊度買架?
     
    [版主回覆08/20/2009 02:04:00]呢個造型,你洗唔洗講得咁白呀

    回覆刪除
  8. --我們年紀應該相差不遠吧. 你在加拿大這片福地住了那麼多年卻保持沒有中年發福, 令我羨慕!
    --....我想了一會, 我發覺原來我從來沒有參加過正式的西式婚宴, 因此一切印像只來自影視作品, 尤其播了9年的 [Friends]. .... 婚宴一般在hotel設宴的吧. 吃之前, 有些人在舞池跳舞, 有些人喝cocktail, 有人(家屬)出來講話, .... 是這樣的嗎?
    [版主回覆08/20/2009 02:01:00]其實所謂西式都好籠統,就好似中式都會有地區和習俗上的分別,連這裡的華人婚宴都有夾雜西方形式,例如有司儀,有人會講幾句話和有小禮物。但如你所言,飲酒跳舞演說是會有的,只是流程和還會有甚麼環節吧!

    回覆刪除
  9. 開心到你烚熟晒咁喎﹗
    [版主回覆08/20/2009 01:49:00]咁大個人都係第一次有資格坐底飲茶咋!

    回覆刪除
  10. 分開兩次中西酒席? 好甘呵... 人肉GPS... 哈哈哈... 令我想當年! Anyway,學吱兄話齋:「辛苦得嚟又開心嘅」咪得攞
    [版主回覆08/20/2009 01:47:00]開心,不過真係好攰,好勞神!

    回覆刪除
  11. 快D唞唞回回氣,星期六打埋下半場仗
    [版主回覆08/20/2009 01:29:00]星期六那場也只是其中一場戰爭吧!

    回覆刪除
  12. 人肉 GPS都唔易做o架
    [版主回覆08/20/2009 01:27:00]如果不介意行錯路的話,人肉 GPS 都不是很難做的!

    回覆刪除
  13. brother add oil
    [版主回覆08/20/2009 01:24:00]Thanks!

    回覆刪除
  14. 成熟穩重,重靚仔過我添...好羨慕呵。
    [版主回覆08/20/2009 05:40:00]你係指我吧?!

    回覆刪除
  15. 親戚呢個時候係最有見用..
    [版主回覆08/21/2009 04:01:00]亦係呢個時候發現邊個親戚最無用!

    回覆刪除
  16. 原來返多倫多係參加婚禮~ (哦 真係辛苦哂! ^^ 還有星期六呢~ (逃
    [版主回覆08/21/2009 04:04:00]我都想逃呀!

    回覆刪除
  17. 鬼佬中式又幾夾喎.總覺得外國人搞結婚係比中國人開心的.
    中西式一齊,好享受呢
    [版主回覆08/21/2009 04:08:00]嘩,邊個享受先?我左睇右睇都只係生意人會享受有顧客幫襯的樂趣!

    回覆刪除
  18. 你個笑樣一D都唔倦喎~ XD
    [版主回覆08/23/2009 23:44:00]因為拍這張照片的時間是全套大戲的開始,還未到最勞累的時候,所以還有一個人樣。

    回覆刪除