Translate

雪糕小販阻街獲不提證供起訴

新入行的五十六歲售買雪糕小販,去年十二月於尖沙咀 天星碼頭 旁擺檔時,遭食物環境署職員票控阻街,又指他售賣牌照規定以外的棒棒糖。


雪糕小販在觀塘法院被控阻街罪,獲法官不提證供起訴,雪糕仔承認販賣違規商品棒棒糖,法官直言尊重他勤奮工作,輕判他罰款一百元,承諾下次若到尖沙咀一定光顧。




法外有情

10 則留言:

  1. 我就話食環署無理!
    [版主回覆05/26/2010 11:17:00]食環署有法不執又係等比人插。所以法官可以網開一面是最好的。

    回覆刪除
  2. 其實之間係香港睇過咩新聞透視定星期幾檔案, 帶出政府部門各自為政的情況....
    話說唔知咩事(好似係肥平時代, 突然間皇恩浩蕩...) 話應該重發d車仔雪糕牌. 果時仲有個後生仔特登唔做寫字樓工, 走左出黎做呢~
    後來係畫面度見到係食環署d人係咁趕佢地走話呢度唔擺得, 即天星碼頭個巴士站對出的空地, 賣雪糕的人問 : "你俾個牌我, 又話唔擺得, 咁我可以擺係邊樹?" 食環署d人講, 總之你唔擺得係呢度, 去第二處擺.
    原來, 俾個牌你, 唔係固定牌, 係流動牌黎架!!賣雪糕的人苦笑曰....
     
    如是者, 係畫面度成日見食環署d人係咁趕人, 話你阻街. 最奇係上面講過的年青人最後屈左係一處冇咩人流的天橋底, 食環署d人都話佢阻街...
    "官迫民反"都唔係冇道理....後生仔差d想打人....
    [版主回覆05/27/2010 10:51:00]一般來講大家都用「揸住鷄毛當令箭」去形容小販管理隊 

    回覆刪除
  3. 希望d 官 (包括d 9 官) 以後做嘢都顧吓人情味就好嘞..
    [版主回覆05/27/2010 10:56:00]在這個經濟環境下,更加需要酌情處理這些問題了。

    回覆刪除
  4. 今次裁判官法外施恩很好,但雪糕仔又似乎有持無恐,繼續犯法。明報其中評語:「朱仲華昨日出庭之後,即如常到何文田順德聯誼總會胡兆熾中學附近擺賣,這裏是他周一至周五的通駐點。他雖因賣珍寶珠而惹上官非,但昨日記者見他仍堅持繼續售賣,似乎 辜負了裁判官特別為他檢視牌照條款的一番苦心 。」 http://hk.news.yahoo.com/article/100525/4/i7wc.html
    裁判官下次係咪再寬免佢不依法呢?定係牽一髮動全身咁叫立法會修訂某些相關條例,容許所有雪糕仔賣雪糕汽水以外的乾貨如糖果餅乾等,變成流動雜貨舖呢?雪糕朱可能以怨報德了。
    [版主回覆05/27/2010 10:57:00]希望這個朱仲華賣完手上珍寶珠的存貨後會規矩一點吧。

    回覆刪除
  5. 有次我路過旺角西洋菜南街,見到有兩位警察驅趕一名街頭唱歌既男人, 他不是賣唱,只是拿起小小的結他,在街邊自彈自唱,公諸同好, 但係,因為警察說有人投訴佢阻街,所以就勸籲這位男人離開...... 最諷刺的是, 這位男人『分享音樂』的周邊,全都是sell電c、sell電話台的『商戶』呢!條件一樣,但遭到不同待遇! 這就是香港了!
    [版主回覆05/27/2010 10:59:00]唱歌都可以好滋擾架,如果唔係汪明荃洗鬼被人投訴咩 

    回覆刪除
  6. >>法官可以網開一面是最好的。
    噢! 唔怪得呢度D殺人犯, 醉駕犯, 每幾年都可以再犯啦!!
    [版主回覆05/27/2010 11:03:00]Harper 不是誓神劈願話加重刑罰嗎?!

    回覆刪除
  7. 不是我對食環處的管理隊的職負有偏見,只因家父也是小販一名, 雖則現在己退休了,但自幼已見盡這些執法人員的處事不公,欺善怕惡的行為 ! 法官真是判得好 ~ "法律不外乎人情" 也講得好   "有時行到好熱,見到你會好開心" 亦質疑得更好 "署方檢控過於草率兼欠彈性" 罵得有理  "只係賣 30支波板糖咋喎,點解咁輕易就告?"
    [版主回覆05/28/2010 11:34:00]食環處多年來都是很僵化的一個政府部門,真係唔知佢地食乜嘢大嘅,可以十年如一日!

    回覆刪除
  8. 出嚟搵食,法官都要食飯,唔駛趕絕 d 小販...
    [版主回覆05/28/2010 11:31:00] 老實講,如果牌照准他賣雪糕,儲存雪糕的裝備也適用於儲存珍寶珠。換而言之不會衍生甚麼衛生問題;倒是食環處為了三十枝珍寶珠小題大造 

    回覆刪除
  9. >>儲存雪糕的裝備也適用於儲存珍寶珠。換而言之不會衍生甚麼衛生問題
    應不是這問題。 雜貨店賣汽水糖餅等乾貨,食物來源出了問題(假貨劣貨),如內地的大白兔糖,香港發現後可即向各大超市和店舖查禁和全面回收;但雪糕仔係流動牌,無固定位置,又貨少,容許各雪糕仔 自主 入其他乾貨,一旦貨源出事,追檢難兼成效低。從報章所載,所以目前雪糕仔只能從某幾個特許供應商取貨,而不是任何牌子的雪糕汽水均可買賣,似此其一。
    [版主回覆05/30/2010 09:21:00]我沒有想過這問題,多謝大人指正

    回覆刪除
  10. Oh, yeah! I think Michael Bryant was a good example..
    [版主回覆05/30/2010 09:26:00]I watched TV, remembered that the cyclist's father and girlfriend did not protest against the decision. It does not look like dropping the charge is the work of somebody abusing power.

    回覆刪除