Translate

戰斧

昨天放工後去郵局收了 Wave 這盒 1:72 的 Tomahawk(戰斧),剛才終於素組起來。感覺除了話貴之外,外形也不是如相片中所見般好。本來以為可以零改造快速完成,但看來小改裝是免不了。


下兩圖:大至上外形是不俗的。


下圖:原來剛才影的相片中,只有這幅看得見胸前的飛彈蓋是可以打開的。據聞有網友在砌這個連動的飛彈蓋時遇到問題,但我就托福順風順水。



下圖:整個模型我第二個不滿的地方:正面可見股關節的股軸相當長,令到雙腿近股處不必要地分得太開。所以我打算改短股軸之外,亦會把它下放一點,令雙腿分開的角度可以更斜一些。



下圖:整個模型我頭號不滿的地方:有甚麼理由炮管會在近炮口處封了起來,Wave 的設計師飲大了?!



下兩圖:當然要與同比例的塞比一比!




下圖:又同笨大的出品比一比!



下圖:¥6800 的戰斧也有 121 克。



下圖:不過¥12000 的 The-O 重了足足四倍。



下圖:¥3500 的渣古也有相若的重量,不過這部渣古是幾年前的出品,通脹下現在應該再貴一點吧。



下圖:¥1200 的吉姆是 Tomahawk 的三份一重量。Wave 的開發成本實在太高,亦恐怕它的出貨量太低了,弄至貨品的定價高出笨大很多!


23 則留言:

  1. 哩隻戰斧比舊嗰隻 (今井) 個心口 slim 咗好多....
    [版主回覆09/25/2010 08:54:00]有改進嘅! 話時話,你有舊版的戰斧(1:72)嗎?!我成世人只見過個盒一次,之後想再去那舖頭買已經太遲,從此就無再見過了。因此今次買這模型也是一圓差不多三十年前的夢。

    回覆刪除
  2. 買隻1/60 Yamato會唔會仲正仲好改呀?$420有人砌好,只要自己打散再改再上色咪仲好!
    [版主回覆09/25/2010 23:36:00]雖然 Yamato 出得很好,但我都係喜歡自己搞  不過你這幾張相令我想起兩件事:
    大腿股關節部份,Wave 是抄 Yamato 的設計!
    這模型不是玩具,肯定扭多兩扭就開始爛。Wave 本身的膠料已經軟,但有些地方是夠位可以把轉軸造粗一點但也沒有這樣做!

    回覆刪除
  3. 禽日都想買, 心大心細, 真係幾貴下, 貨與價不成正比
    [版主回覆09/25/2010 23:28:00]番屋企煲下塞,食完之後應該會立即去買番盒 

    回覆刪除
  4. 冇 1/72, 不過就砌過 1/100....好耐之前囉... 我諗如果有 1/72 都幾值錢吓..
    [版主回覆09/25/2010 23:26:00]舊版 1/72  Tomahawk 一定貴過現在 Wave 這盒!

    回覆刪除
  5. Wave 今次出品有 d 令人失望....
    [版主回覆09/25/2010 23:25:00]死喇,仲有隻 Defencer 想買添,如果出 Phalanx 就肯定會瞓身啦!

    回覆刪除
  6. 原來你個磅同鐵尺用嚟度高磅重嘅
    [版主回覆09/25/2010 23:21:00]仲要做埋地台架!

    回覆刪除
  7. 炮口封o左呢o下真係奇怪~~
    [版主回覆09/26/2010 22:13:00]應該會成為模型圈的其中一個笑話 

    回覆刪除
  8. 呀!呀!我中呀!引死我!即使設計上有所不足,但因近來中了的冷門毒,所以我應該都會…話說回來,如果設計完美,你便無得發揮了!最後,堂兄那麼在意一分錢一分膠的嗎?
    [版主回覆09/26/2010 22:11:00]不是我在意一分錢一分膠,只是單從價錢看的話,不同廠其實幾難比較。上面用圖比較也不是很完整,誰想到它與渣古差不多?;所以用重量是簡單的另一比較辦法。

    回覆刪除
  9. 第一次見人用磅磅模型      wave 似有握你秤
    [版主回覆09/26/2010 22:04:00]我那個是地台來的 

    回覆刪除
  10. 好耐沒見過街市式模型報告啦~
    可惜YAHOO BLOG沒有LIKE, 唔係比100個你~
    [版主回覆09/26/2010 22:04:00]用這個:

    回覆刪除
  11. 隻 戰斧 出咗超合金,價錢偏高,但磅過都應該冇握秤...
    [版主回覆09/26/2010 22:03:00]咁咪叫物有所值囉!

    回覆刪除
  12. 整個模型我頭號不滿的地方:有甚麼理由炮管會在近炮口處封了起來,Wave 的設計師飲大了?!
    真鍾意呢句,勁正
     
    [版主回覆09/26/2010 22:02:00]一見之下我真係 O 咗嘴 

    回覆刪除
  13. 重型機械,唔係應方正大件的嗎?
    [版主回覆09/26/2010 22:00:00]佢中哂!

    回覆刪除
  14. 如果非 Fans 立場下,只是一名玩家,e個價錢是否值? 但我一直未見蹤影.... (e隻冇買,之後果d都唔洗考慮買)
    [版主回覆09/26/2010 21:59:00]只在玩家立場的話,有其他更抵的選擇囉!
    如果出 Phalanx 的話又會否考慮呢?

    回覆刪除
  15. 你發達啦今次!
    [版主回覆09/26/2010 21:55:00]還是破產 

    回覆刪除
  16. 見你講開打機, 仲以為你係講幾廿年前嘅戰斧Game添 .
    [版主回覆09/27/2010 09:27:00]你點會咁容易知我諗乜!除非你係傻架啦!

    回覆刪除
  17. 我意思戰斧是這系列的第一隻,如果戰斧冇買, 之後這系列的其他角色我都唔會考慮, 所以重點是戰斧買唔買到...
    [版主回覆09/27/2010 09:29:00]Wave 的模型減極有限,要等有個更合理的價錢恐怕不容易。

    回覆刪除
  18. 如果屋企有地方許可o既話,超記o既戰斧必定入選,個Design真係好鍾意  ~
    [版主回覆09/27/2010 19:15:00]如果屋企無地方的話,細隻 1:100 的戰斧都可以考慮。它出得不錯,還未有絕版呢!

    回覆刪除
  19. 我想問個白痴問題,除"韋基利"這中文譯名比較常聽見外,其它戰器的中文譯名比較少人知,除了這戰斧外,那雙手連接飛彈筒和機關槍的又叫什麼呢?另外還有一隻比較巨大背脊有數支巨炮的又怎稱呼呢?
    [版主回覆09/29/2010 00:46:00]其實我都不清楚。就算是「戰斧」一詞我也是從英文翻譯過來  你所說的樂隻,我只知道是叫 Phalanx, Defencer 和 Monster。

    回覆刪除
  20. 呵! 呵!呵! 好彩無買到...
    [版主回覆09/30/2010 00:10:00]遲啲買可能仲貴 

    回覆刪除
  21. Oh! Monster 都出!等等先…重有兩隻腳都出?oh,大鑊了!
    [版主回覆09/30/2010 00:10:00]乖乖地比錢吧!

    回覆刪除
  22. 個價...同壽屋有得fight
    [版主回覆10/02/2010 09:52:00]個人覺得壽屋通常都比 Wave 多啲件和高啲精密度。

    回覆刪除
  23. 我懷疑呢隻戰斧係判左比大陸佬做. 收貨果個又去左卒腳. 淨係炮管封左呢樣, 如果係日本仔設計既話真係要拖去打把!!
    [版主回覆10/07/2010 12:54:00]打靶又不至於,其實可以很簡單地解決到問題,只不過這個價錢就有點不忿吧!

    回覆刪除