自從在夏天時知道笨大會復刻幾副絕版二十多年的【超時空要塞】模型之後，我就一直引頸以待。所以當 Hobby Search 開始接受預訂之後，我就立即落單，故此上星期日本出貨的第二天 Hobby Search 便寄出了。只不過 Hobby Search 的標準郵寄方法是特快，所以陰差陽錯之下昨天便寄到來，今日放工才有時間去郵局領取。
下圖：我是乘八十年代【超時空要塞】熱潮而迷上砌模型。話雖如此，但就算當年的我也沒有機會見過所有【超時空要塞】模型。今趟笨大復刻的四款模型中，當年只砌過 Destroid Monster 和 Spartan；1:72 的雞腳和 Destroid Defender 當時連見也沒有見過。
下圖：昨晚還在噴油的坦克也要讓路！
下圖：經過幾小時的努力，終於素組了其中三隻。（部 Spartan 一來上期「模型瓜直」已經介紹過，二來以前 Imai 把模型出得過長，外表與河森的原設有明顯的分別，所以我從不急於素組它。
下圖：其中兩隻同比例的模型，自然要與 Wave 近期出品的 Tomahawk 對比一下。（註：部 Tomahawk 我是有輕微加高了的。）
下兩圖：雖然兩個模型的大小相若，但二十多年的分別都在於細節上。現在看來，Imai 二十多年前的出品實在是了不起。
下圖：意外地發現原來雞腳都相當之大，名乎其實的大隻雞！
下圖：從【宮武一貴 Macross & Orguss Design Works】之中的插畫可見，1:72 模型的大小與設定其實也相差不遠。
今晚到此為止，明晚素組完部 Spartan 再 blog 過。謝謝收看！
那麼師兄當年放學後一定常流連康田興記及環球了
回覆刪除[版主回覆12/02/2010 13:32:00]其實當年少去康田和興記，因為從學校去旺角的話，康田和興記並不順路。而且它們少科幻模型，還是向油麻地站方向走好！
地兄當年係咪好細個? 小弟係一名科幻盲, 但係都砌過隻雞腳呢
回覆刪除[版主回覆12/02/2010 13:33:00]那時我已經是初中生，一數就接近三十年前了
睇o左咁多年macross, 我都未見過你最尾post的機體高度圖, 好有參考價值
回覆刪除我都仲有盒 imai (今井?)的雞腳, 係我阿哥當年買o左冇砌到至留俾我. 當年的我又邊有錢買咁大盒模型吖~~ 睇你新舊模拼埋的相, imai 出得幾detail喎, 仲有透明件o個度抵讚!!
[版主回覆12/03/2010 10:38:00]那幅圖我也是少見，所以不單止放上來，還刻意寫下出處。不過【宮武一貴 Macross & Orguss Design Works】一書中這張圖其實很細小，所以質量有限。如果想留個拷貝的話，我放了原圖在 這裡 。
出咗喇!? 我重未出去d 模型舖道睇吓有冇貨添..
回覆刪除[版主回覆12/03/2010 10:39:00]據聞香港還未見貨，但笨大實在不是笨的，總會有貨返，遲下應該會到貨的。
美中不足是也!大比例怪物、雞腳、【指揮机】?双鎗手...金正用機、1/100重裝甲VF、水桶....兩个大圓桶彈倉之二腳步行机、大小比例強攻形及戰船米罁老鼠、1/144四形韋基利 幾時先再版.......泣不成声....吧了!!!
回覆刪除[版主回覆12/03/2010 10:45:00]你所提到的模型，當中有部份我就不期望復刻了，倒不如期待 Wave 新出模型更好。畢竟二十多年前的出品不是盒盒都神似。
隻 monster 好似細隻 d....
回覆刪除[版主回覆12/03/2010 10:49:00]全長也有 20cm，而且當年今井出得相當神似，大小也是其次呢。
睇嚟你會出套3D版嘅"Macross & Orguss Design Works"...
回覆刪除[版主回覆12/03/2010 10:50:00]明年我的確打算砌好多塞模
搓鍊呢~真係無限touch架~
回覆刪除不過我細個家中因為有太多兄弟, 根本冇錢走去買呢d野
所以我係冇Macross童年架
之不過身為咩都要砌下的模友下, 有機會遇見同埋平(有冇可能?). 都會買隻雞腳返去玩下o既~
[版主回覆12/03/2010 10:52:00]當年你有錢也不容易買到呢，而且我們太細亦不懂鑽門路呢。 揀雞腳，青爺有眼光呢
易倚? 有两隻Regults同两隻Monsters喎?
回覆刪除[版主回覆12/03/2010 10:55:00]另一隻 Regults 會改造偵察型，因為好似沒有出過這個比例的模型。而另一部 Monster 還未有決定。你有興趣嗎？
你話呢? 幾银先?
回覆刪除[版主回覆12/03/2010 11:06:00]我俾了 $176.14，即 $29.36 一盒。
超記熱潮我剛出來半工讀，所以都有少許錢買o下玩具，不過超記都係買得幾盒 Keep住！有好多其他模型因為無地方，前o個排都賣梗o的出去，而家只係Keep住隻1/72韋基利裝甲形(砌o左o的)，同o的迷你細盒裝的(好耐無搵床下底，唔記得個比例 ) .........
回覆刪除[版主回覆12/05/2010 00:13:00]那些日模出的迷你模型嗎？應該是 1:200，與 Destroid Monster 是同一比例的。
(Empty)
回覆刪除[版主回覆12/05/2010 00:11:00](Empty)
我小時候的記憶中, 隻REGULT從未試過成功企係度.....
回覆刪除[版主回覆12/08/2010 08:14:00]咁你應該在有機會時買番隻雞腳，因為我砌這隻就沒有你的問題喎！
可以重拾童年嘅回憶同心願 , 模型當年本身嘅質素同缺陷,相對已經變得不重要了
回覆刪除[版主回覆12/10/2010 11:30:00]此言差矣，原來舊模型的質素真係好有挑戰性 話時話，做乜咁得閑來留言而不遊樂遊樂？日本已是中午了！
我返咗嚟香港幾日架喇, 只不過我寫blog時仲未瞓醒,所以打錯咗日期
回覆刪除[版主回覆12/10/2010 12:42:00]You cheater! Welcome home BTW!
WOWOW......
回覆刪除[版主回覆12/23/2010 13:15:00]唔洗 WOW，香港已經有貨了