上回講到昨晚我砌了個日月無光也祇可以素組起三部塞模，所以今日放工後繼續努力完成最後一部 Spartan。上回亦提到四款中我最沒有興趣的就是這部 Spartan，皆因模型本身出得不似。二十多年前我初來加拿大時就買過這模型，當年試改但就完全失敗，算是模型路上其中一次很糟的分手經驗。因此四盒模型中，應該就是它最早開工了
下圖：素組起來的 Spartan。
下兩圖：模型的比例其實與設定相差很遠。
下圖：與 Detroid Defender 比較，再和昨天的高度比例圖比較的話，Spartan 是被拉高拉瘦了，沒有了一種短小精幹的味道。
下圖：今日發現原來我有保存了今井舊模型盒！
下圖：還有怪物的模型盒。
下數圖：再翻閱之下，還有不少舊塞盒呢。不過大部份都是分手爛尾告終，就算完成了也不能保存至今。看來模型與戀愛真是有幾分相似之處。
原來已經製作模型20年...有幾盒我有少少印象...當年完全唔知模型係乜...買左隻macross返去只係砌左個機頭...仲記得以前模型係有膠水跟...成支縮水牙一樣...
回覆刪除[版主回覆12/04/2010 09:13:00]想當年那種牙膏膠水在我買的一盒模型中漏了…如樓上所言，還是不要緬懷過去好！
雖然人會緬懷失去的東西...
回覆刪除但見到20年前模型,決定向前看.....
[版主回覆12/04/2010 08:59:00]嗱，面前就擺住一件 Wave 出的 Destroid Defender 了
我其實都好鐘意spartan, 不過佢好像總係被忽略了.... 一於睇你點改
回覆刪除[版主回覆12/04/2010 23:57:00]就算今井當年也不能把模型出得神似，Spartan 被忽略了就少不了。
邊度重可以買番隻monster
回覆刪除[版主回覆12/05/2010 00:09:00]據聞香港還未見貨，但我估初期會是炒價和很貴。
嘩，你咁好心機留番哂啲盒面！今次真係諗番起在環球葡嘅日子啦...
回覆刪除[版主回覆12/05/2010 00:11:00]有心機砌模型，何來會沒有心機剪下盒面的精美 boxart！
無舊点會有新...... 想當年用原子灰、一開个桶非用龜息大法不可,陣味簡直勁个芥子毒氣、辺有今日那麼好! 是了1/500新模大和號本哋開買$685个BOX同D. O咁大畣 旺角賊船搶灘!當其時舊1/500以$45入倉.....真是此一時、彼一致
回覆刪除[版主回覆12/07/2010 11:43:00]不過 $45 貨同 $685 貨仔始終有好大分別。時代在進步，沒有法子了。
以前嘅呆爪模型, 大可以乜都唔加唔改, 照直砌返個呆爪樣出黎, 咁可以保持原汁原味, 成為歷史見證....
回覆刪除[版主回覆12/07/2010 11:41:00]我部 Defender 正正就會這樣做！
oh my god 他是最宏偉的一只
回覆刪除[版主回覆12/07/2010 11:40:00]我試把部 Monster 在腦中由 1:200 放大到 1:72，真係好大部！
如果俾我，隻Spartan就會只係加多幾個關節就算，其他乜野都唔郁就最好！
回覆刪除[版主回覆12/07/2010 11:39:00]太遲了，現在部 Spartan 已經分了屍，上身的比例改造已經八成定形了。最麻煩的下盤亦已開工；一切都太遲了
証明我唔係老餅
回覆刪除[版主回覆12/07/2010 11:36:00]Too bad
的確出品同原設定相差甚遠，地理兄表演時間又到囉 ~
回覆刪除[版主回覆12/07/2010 11:35:00]你未免太誇了
我係貓SIR度搵到D更勁既野!! 過黎望望.
回覆刪除[版主回覆12/08/2010 08:18:00]真係好利害
噢 ~ 今人懷念的失戀 ! 記得初中時儲"o左"好耐錢先買到盒三段全變型的韋基利模型 ~ 特別之處就是該模型在變型的關節上採用了金屬零件 ~ 但是因設計問題，玩得幾次都是要斷裂 ~
回覆刪除[版主回覆12/10/2010 11:54:00]我最喜歡的還是上面的兩段變型而不是三段變型，三段的機械人型態我覺得幾肉下
當年既"金屬零件 "只是亞鉛合金, 雖然比啤膠硬,但係非常趣弱. 比啤膠更糟糕!!
回覆刪除[版主回覆12/10/2010 11:52:00]真係要內行人先知這些事
如果冇記錯 ，嗰pair男女好似係 林明明 同埋 馬輝 ．
回覆刪除[版主回覆12/10/2010 11:39:00]恐怕你記錯了，那對男女是「麥斯」同「米娜」，大配角也。「馬輝」同「林明明」是主角。
見到呢一類模型, 真令人非常懷念 ,諗返起以前小學嗰陣,最想有嘅模型,除了超時空要塞之外,就係機甲創世記喇, 可惜當時自己冇能力購買,經過舖頭都係得過睇字
回覆刪除[版主回覆12/10/2010 11:36:00]那個年代我也是如此。不過那時候買模型是一回事，買模型油又是另一回事。那是候沒有分色件，不上色其實真的好難接受！
當年買模型真係會砌. 仲係即刻果隻!! 如今買模型係要黎供奉....
回覆刪除[版主回覆12/10/2010 12:51:00]恐怕當年人人都年紀小，辛辛苦苦儲了錢買模型就自然會上心砌下；現在錢多了，時間少了，大多數人都不會再如當年般著緊，自然亦少砌。這是很自然的事。不過我現在砌緊部 Spartan，發現同一盒模型，因為經驗和技術提升了，現在如果肯砌的話就得心應手得多。
我淨係記得「馬輝」同「林明明」係主角，但唔記得佢哋嘅樣咯！
回覆刪除[版主回覆12/13/2010 13:09:00]一數也有差不多三十年了，忘了也是常情。
超時空要塞的模型對我來說是霧水情緣呢。當年看「精密模型」有一台改得很正的保衛者，我也買了一盒來玩！
回覆刪除[版主回覆12/13/2010 13:11:00]可見就算不染指科幻模型的朋友當時受感染呢！
幾年前有個認識的朋友都好鍾意儲封面, 依家佢去咗食菠蘿沙律...
回覆刪除[版主回覆12/17/2010 11:04:00]當年的封面是全手繪，收藏價值是有的。 食菠蘿沙，希望你的朋友安息吧。