昨天從加拿大的東面飛了去西面，為的是開一個三天沒頭沒路的會。雖然地點比渥太華稍為暖和，但卻是個小城市。此地也並非我首次到來，六年前我亦曾到此一遊。此地與上次來時一樣，需要乘坐我一生中坐過最細小的客機，可見地方之細小。也許我是識途老馬的關係，知道這裡無甚好逛的地方，所以這次我更加帶齊裝備在酒店砌模型。當然笑笑團的死線已迫在眉睫，不由我不趕趕工。但始料不及者是，入住的酒店原來是一間黑店，房間之暗，枱燈之弱，實在難以長期作業。所以如果我隻龍飛趕不起的話，要賴者先推 Snowy 影響心情，再者就是這間黑店拖慢進度！
出Trip砌模型！利害利害！你有冇響酒店房噴油呢？
回覆刪除[版主回覆04/17/2008 21:14:00]當然無，除了噴筆氣泵之外，油，稀釋劑，及噴罐一概不准帶上飛機嘛！
你真係去到邊砌到邊, 無晒時間同空間嘅限制! 佩服! 佩服!
回覆刪除呢種機我都坐過, 好似同地方大小無關嘅, 因為我係温哥華去西雅圖都係坐佢, 兩個都叫做大城市Ｙ. 我諗應該同距離有關??
[版主回覆04/17/2008 21:14:00]大地方客量多就可以用大機嘛。温哥華與西雅圖只能算異數，因為兩個大城市近，大部份人駕車往返，這方法在時間、金錢和便利上都比坐飛機化算，難怪空運客量少。
去到邊....整到邊....善用時間....
回覆刪除隻飛機好過癮....有機會都想試下.....
[版主回覆04/17/2008 21:15:00]不過駕飛機幾嘈。
Hummm... 睇來我隻TR-1都要帶埋返温哥華整! 但啲油點算呢?
回覆刪除[版主回覆04/17/2008 21:15:00]等返香港先上色囉。
咁你隻藍雞又如何呢？
回覆刪除[版主回覆04/17/2008 21:15:00]隻藍雞一定趕唔切，不必多諗。
砌龍飛期間走失兩件PARTS 咁點算...
回覆刪除[版主回覆04/17/2008 21:16:00]咁笑笑團就又少一件囉！
好似常威兄講點噴油呀,你帶埋噴油在身乎
回覆刪除[版主回覆04/18/2008 07:07:00]我又不是出幾個月門，砌模型只屬消磨時間性質，不用砌至噴油階段吧！
去到邊砌到邊! 正!
回覆刪除[版主回覆04/18/2008 07:07:00]你現在知我幾爛癮啦
真係任何時候都不離手...佩服...
回覆刪除[版主回覆04/18/2008 07:07:00]客氣客氣！