早幾日發奮寫卜時提到，前陣子收了兩份郵件。一件是蟹 sir 寄來的《模魂志》(笑團團那期，謝過蟹大)，另一大件是從 Amazon 買的東東。當日在郵局提取時，店員還說可未曾見過 Amazon 的郵件有這麼大份。
這個其實是一個吸塵機械人，因為是紅色的關係，所以取其名馬沙。一如紅彗星一樣，這個掃把星最耍家偷襲，掃盪床下底櫃底的灰塵比我更了得。而因為我家用的是地板而非地氈的關係，令馬沙更能縱橫馳騁。之不過掃把星的續航力有限，不能作戰多於兩小時，而在亂撞亂碰之下，打掃的效率不高，掃盪一個房間就要用五十分鐘了；打掃兩個房間就要去充電數小時！
馬沙的主要工作除了潛入床下底之外，就是留守廳中收集我砌模型時飛散墜地的膠屑。在很偶然的情況下，它還會收拾一下地面上的東西呢！
註：早幾日提到上載失敗的影片，就是掃把星衝鋒陷陣的情況。
呢隻嘢揸fit人都同我提過, 不過原來佢咁唔持久, 可以免了!
回覆刪除[版主回覆05/12/2009 09:58:00]這是最低的型號，Roomba 410，兩舊水。高階一點的型號可能會持久一點。
係咪應該幫佢圍邊痴d防撞貼呢？可以減輕戰損！
回覆刪除[版主回覆05/12/2009 09:54:00]撞鬼咩，梗係唔好叫我服侍佢啦，否則做乜買佢？話時話，它的碰撞力相當輕微，因為行得不快呢！
全自動???好方便喎.
回覆刪除但吸塵係咪快3陪架??
[版主回覆05/12/2009 09:50:00]佢會將已吸乾淨的地方再吸三次
啱曬小弟依類 "懶人"....
回覆刪除[版主回覆05/12/2009 09:49:00]我都覺得可以呃下人，但牆角的地方還是騙不了人
吸塵機械人 是兩小時自動斷電還是要手動來
回覆刪除[版主回覆05/12/2009 09:44:00]吸大約一小時後它就發現吸乾淨了而停機。
快三倍無電!
回覆刪除[版主回覆05/12/2009 09:43:00]部機的耗電主要是源自機械活動而非電子活動，自然比手機或 MP3 機等的耗電快得多。
這東東其實好多年前都見過，一路懷疑他的效能。
回覆刪除如照片見，隻 MS 是圓的，但牆角是方的，那不是所有牆角都吸不到嗎？
[版主回覆05/13/2009 05:22:00]你絕對正確，牆角它是無能為力的。
I've interest on that for quite a while already. (did look at Amazon before! =P) May be get one from China to have a try! XD RMB$400 about........!
回覆刪除[版主回覆05/13/2009 05:20:00]The machine is actually made in China.
乜馬沙要輪落到去掃地呀? 不過佢都不忘去攻擊(模型)總部...
回覆刪除[版主回覆05/13/2009 05:19:00]金融海嘯，金融海嘯
嘩!!!要五十分鐘??? 咁佢點樣避免重複掃同一個地方咁呢? 定係都會重複, 所以先要五十分鐘??
回覆刪除[版主回覆05/13/2009 05:18:00]佢會重複，但仍可以測到一個地方是否污漕，但總括來說是重重複複，效率不高。
HAHA 好似多左隻電子竉物咁喎~
回覆刪除[版主回覆05/13/2009 05:07:00]所以有啲人會幫佢化粧人性化一點。
e盒野我仲以為係書來的 原來是吸塵機械人, 睇來好似幾正咁, 可以一路砌模型一路吸. 唔知道吵唔吵呢?
回覆刪除[版主回覆05/13/2009 05:06:00]幾嘈下，不過無抽氣扇嘈。吸房的話關了門就完全沒有問題了。
耗電量快3倍速...支角呢?
回覆刪除有冇清潔作用?放上身可否清潔身軀?!!...
[版主回覆05/13/2009 05:04:00]撞鬼咩，清潔身軀揾女做啦！
加返支角應該可以快3倍
回覆刪除[版主回覆05/13/2009 05:03:00]點解你哋個個都要佢加返支角？佢明明更似紅魔蟹，邊鬼洗加角！
是irobot出品呢!! 佢o地就係呢隻o野同埋iraq war賺唔少錢 你係咪買佢返來拆開研究呀?
回覆刪除[版主回覆05/13/2009 05:01:00]如果拆開來的話都噴成「黑之三連星」啦！
有個 friend 都係用同類產品，不過香港屋細，幾個字就吸完，日日吸都好乾淨，仲識自己返去差電，都幾醒。
回覆刪除[版主回覆05/13/2009 04:59:00]高階的是可以自己返去充電，但仍不能自己清理垃圾盒。
呢隻係咪就係傳說中的「窿霸」？ Roomba？
回覆刪除[版主回覆05/13/2009 04:56:00]對，是 Roomba 410。 iRobot
呢隻掃把星打掃得乾淨無(死角位難攪)？成日覺得呢電子產品作用唔大 .......
回覆刪除[版主回覆05/13/2009 10:56:00]算幾乾淨，死角位也不是很大，所以是過得去的。老實講，如果打掃得不乾淨的話，按一下掣要他掃多次，所以打掃得是否乾淨其實頗次要，最重要是不必我動手
其實好唔好用呢？買番部睇門口都好。
回覆刪除香港有得賣否？
[版主回覆05/13/2009 11:17:00]好唔好用都幾見仁見智，如果你屋企好大塵或多模型碎屑落地，用的機會會較密而會覺得它好有用。相反如果屋企鋪了地氈而又不覺得有需要三幾日就吸吸地面的話，一個用用它三幾次就會有不同的睇法。但個人認為它不錯，現在屋企的確企理很多。 至於香港有沒有得賣我自然不清楚，但部機用外置火牛充電，即插蘇 -> 電線 -> 火牛 -> 電線 ->機，只要換了火牛線就可以適合香港電壓，故此代理要引進來港亦不會太困難，所以香港有得賣的可能是不少。（BTW, it is "Made in China") 吱吱兄弟的朋友有一部，令到香港有售的可能又大一步。
香港有代理！
回覆刪除http://www.roombavac.hk/
Sogo 都有，不過貴到嘔。
回覆刪除[版主回覆05/14/2009 05:07:00]Sogo 賣得貴唔係我嘅問題，更加唔係曾教授嘅問題
可以放隻MG老虎上去,就成了老虎專用飛行器了.
回覆刪除[版主回覆05/15/2009 05:23:00]有諗頭