星期二晚完成了這部 Ma.K. 的蛇眼，影完相打了包星期三早上就寄去給蟹 sir 影相。希望各位老哥鏡頭下留情，因為今次做得不好，舊化簡直叫做失控，補噴了三次也糾正不到，唯有寄望下次做好些吧！
下四圖：馬桶四面
下兩圖：開蓋馬桶。戴上頭盔後馬桶蓋是關不上的，但單單只有人頭就可以蓋上。模型的設計真失敗！
下圖：化粧很濃的女兵
下圖：如果比較上面首六幅相的話，可發現我以混合畢地造了兩個腰包。這惡趣味不止於此，我還油了銀色和加了名牌。因為自知這對腰包太惡搞，所以只用寶貼黐在腰間，有需要頂唔住時可以隨時拆下。
下兩圖：左右兩側本來加了圓環，但開始噴油時才發現右環斷了。本來是可以修補的，但考慮到郵寄中或影相時可能再斷過，所以索性當舊化毁壞就算。
下三圖：手臂喉換上了 Wave 1.0mm 金屬彈簧，腿喉用回模型的 PVC 軟膠喉但包了一層錫紙。最後腳後加了黑色電線，因為不知何故 Wave 這版本的 S.A.F.S. 系的腳踭沒有了廿多年前日東版有的電線。
下三圖：其他以前在製作途中見過的修飾。
下圖：最後還是打了包，希望一星期後平安抵港
一路順風
回覆刪除[版主回覆10/22/2009 05:32:00]但願如此
師兄整得好細緻 , 希望有機會見吓佢真身~
回覆刪除[版主回覆10/22/2009 05:35:00]你努力盡趕，到影相當日咪有機會見吓佢真身囉！
好鍾意銀腰包同包錫紙膠喉, 好有太空FEEL 舊化好靚啊, 我真係睇唔出有咩問題~~
回覆刪除[版主回覆10/22/2009 05:41:00]問題是它舊化太重。雖然宇宙服不至於如潛艇般需要極多保養，但想來平時的保養也會不少，否則危害士兵性命。但自己一心想試另一種方法的灑霧噴法，結果灑霧又唔多出，但掉柒效果卻又太多
反而我好鍾意腰果兩個銀腰包~ 好有太空感
回覆刪除[版主回覆10/22/2009 05:50:00]謝，不過我不指明的話，怕且不少人看不出是腰包。一來是自己撚膠技術有限；二來宇宙用的腰包應該是甚麼質料我亦沒有頭緒；三來原來銀色的表面，凹下去用黑色做陰影又不是，凸出的用白色做高光又不是，實在掌握不到該怎去油它！
我都覺得"名牌"腰包個idea好好... 下星期去睇真D先...
回覆刪除[版主回覆10/22/2009 10:17:00]這陣子蟹 sir 應該好多私事忙吧？！
早日同佢講電話時,聽落把聲佢心情已經平伏好多... 31/10交件到WS拍照時咪睇真D囉
回覆刪除都唔係丫, 你做到入面有硬物突出黎果個效果已經好似了~ 反而係邊位加多d 摺痕會好d
回覆刪除[版主回覆10/23/2009 06:04:00]撚膠技術有限，有些摺痕總是做不好，應該找些實物參考下！
好正既 Ma.K，配色同舊化真係靚， 個人尤其中意腰包同錫紙喉既效果，好電 !! ~
回覆刪除[版主回覆10/23/2009 06:06:00]言重了。我還擔心那兩處太搶眼不協調
好正呀...
回覆刪除有無得睇實物....
[版主回覆10/23/2009 06:07:00]謝！此刻我也沒有實物看呢！
鍚紙包喉那一部分感覺好真實! 唯獨人樣有點怪怪呢!
回覆刪除舊化自然，腰包又做造得好似！
回覆刪除[版主回覆10/23/2009 06:13:00]大人過獎了，舊化自問太也重手了！
希望安全到步... 師兄交貨真係好準時~~~
回覆刪除[版主回覆10/23/2009 06:16:00]但願如此
交貨也許是準時，不過好 "mun"
見你轉o左Z做頭像<= 好了, 終於有人砌Z了~~~
回覆刪除[版主回覆10/23/2009 06:17:00]再唔開工就趕唔切，好彩 kog 無提早搞團拜咋！
好鍾意舊化, 順風
回覆刪除[版主回覆10/27/2009 06:26:00]謝過
d 舊化好正呀 如果我做到咁靚就好囉, 不過我唔識
回覆刪除[版主回覆10/27/2009 06:26:00]賽車手未落「柯打」叫你砌啫，你要砌的話一樣做得到！
我會當佢好似親生仔咁了，放心﹗
回覆刪除[版主回覆10/27/2009 06:21:00]記住時候到的時侯當佢係忤逆仔咁掃佢出街比番我喎
查實坐响裡面嗰條友都幾辛苦喎, 成日都會碰到個頭., 如果打得勁嗰陣, 個頭會好似波子機咁係咁 '亨' 黎 '亨' 去.. 就算有嘢墊住都撞都頭暈...
回覆刪除[版主回覆10/27/2009 06:08:00]本來打仗就係辛苦架啦！
笠左個面具真係好搞笑
回覆刪除[版主回覆10/27/2009 06:06:00]不過好多人喜歡這個頭盔。
師兄你的橫山宏的蛇眼砌得好出色...！！ 小弟剛巧有一隻橫山宏的模型，可以作參考...！！
回覆刪除[版主回覆11/16/2009 10:09:00]謬讚了，只是小品一件