Translate

有相影

星期二晚完成了這部 Ma.K. 的蛇眼,影完相打了包星期三早上就寄去給蟹 sir 影相。希望各位老哥鏡頭下留情,因為今次做得不好,舊化簡直叫做失控,補噴了三次也糾正不到,唯有寄望下次做好些吧!


下四圖:馬桶四面


下兩圖:開蓋馬桶。戴上頭盔後馬桶蓋是關不上的,但單單只有人頭就可以蓋上。模型的設計真失敗!


下圖:化粧很濃的女兵 


下圖:如果比較上面首六幅相的話,可發現我以混合畢地造了兩個腰包。這惡趣味不止於此,我還油了銀色和加了名牌。因為自知這對腰包太惡搞,所以只用寶貼黐在腰間,有需要頂唔住時可以隨時拆下。


下兩圖:左右兩側本來加了圓環,但開始噴油時才發現右環斷了。本來是可以修補的,但考慮到郵寄中或影相時可能再斷過,所以索性當舊化毁壞就算。


下三圖:手臂喉換上了 Wave 1.0mm 金屬彈簧,腿喉用回模型的 PVC 軟膠喉但包了一層錫紙。最後腳後加了黑色電線,因為不知何故 Wave 這版本的 S.A.F.S. 系的腳踭沒有了廿多年前日東版有的電線。


下三圖:其他以前在製作途中見過的修飾。


下圖:最後還是打了包,希望一星期後平安抵港 

19 則留言:

  1. 一路順風
    [版主回覆10/22/2009 05:32:00]但願如此 

    回覆刪除
  2. 師兄整得好細緻 , 希望有機會見吓佢真身~
    [版主回覆10/22/2009 05:35:00]你努力盡趕,到影相當日咪有機會見吓佢真身囉!

    回覆刪除
  3. 好鍾意銀腰包同包錫紙膠喉, 好有太空FEEL 舊化好靚啊, 我真係睇唔出有咩問題~~
    [版主回覆10/22/2009 05:41:00]問題是它舊化太重。雖然宇宙服不至於如潛艇般需要極多保養,但想來平時的保養也會不少,否則危害士兵性命。但自己一心想試另一種方法的灑霧噴法,結果灑霧又唔多出,但掉柒效果卻又太多 

    回覆刪除
  4. 反而我好鍾意腰果兩個銀腰包~ 好有太空感
    [版主回覆10/22/2009 05:50:00]謝,不過我不指明的話,怕且不少人看不出是腰包。一來是自己撚膠技術有限;二來宇宙用的腰包應該是甚麼質料我亦沒有頭緒;三來原來銀色的表面,凹下去用黑色做陰影又不是,凸出的用白色做高光又不是,實在掌握不到該怎去油它!

    回覆刪除
  5. 我都覺得"名牌"腰包個idea好好... 下星期去睇真D先...
    [版主回覆10/22/2009 10:17:00]這陣子蟹 sir 應該好多私事忙吧?!

    回覆刪除
  6. 早日同佢講電話時,聽落把聲佢心情已經平伏好多... 31/10交件到WS拍照時咪睇真D囉

    回覆刪除
  7. 都唔係丫, 你做到入面有硬物突出黎果個效果已經好似了~ 反而係邊位加多d 摺痕會好d
    [版主回覆10/23/2009 06:04:00]撚膠技術有限,有些摺痕總是做不好,應該找些實物參考下!

    回覆刪除
  8. 好正既 Ma.K,配色同舊化真係靚, 個人尤其中意腰包同錫紙喉既效果,好電 !! ~     
    [版主回覆10/23/2009 06:06:00]言重了。我還擔心那兩處太搶眼不協調 

    回覆刪除
  9. 好正呀...
    有無得睇實物....
    [版主回覆10/23/2009 06:07:00]謝!此刻我也沒有實物看呢!

    回覆刪除
  10. 鍚紙包喉那一部分感覺好真實! 唯獨人樣有點怪怪呢!

    回覆刪除
  11. 舊化自然,腰包又做造得好似!
     
    [版主回覆10/23/2009 06:13:00]大人過獎了,舊化自問太也重手了!

    回覆刪除
  12. 希望安全到步... 師兄交貨真係好準時~~~
    [版主回覆10/23/2009 06:16:00]但願如此 
    交貨也許是準時,不過好 "mun" 

    回覆刪除
  13. 見你轉o左Z做頭像<= 好了, 終於有人砌Z了~~~
    [版主回覆10/23/2009 06:17:00]再唔開工就趕唔切,好彩 kog 無提早搞團拜咋!

    回覆刪除
  14. 好鍾意舊化, 順風
    [版主回覆10/27/2009 06:26:00]謝過 

    回覆刪除
  15. d 舊化好正呀 如果我做到咁靚就好囉, 不過我唔識
    [版主回覆10/27/2009 06:26:00]賽車手未落「柯打」叫你砌啫,你要砌的話一樣做得到!

    回覆刪除
  16. 我會當佢好似親生仔咁了,放心﹗
    [版主回覆10/27/2009 06:21:00]記住時候到的時侯當佢係忤逆仔咁掃佢出街比番我喎 

    回覆刪除
  17. 查實坐响裡面嗰條友都幾辛苦喎, 成日都會碰到個頭., 如果打得勁嗰陣, 個頭會好似波子機咁係咁 '亨' 黎 '亨' 去.. 就算有嘢墊住都撞都頭暈...
    [版主回覆10/27/2009 06:08:00]本來打仗就係辛苦架啦!

    回覆刪除
  18. 笠左個面具真係好搞笑
    [版主回覆10/27/2009 06:06:00]不過好多人喜歡這個頭盔。

    回覆刪除
  19. 師兄你的橫山宏的蛇眼砌得好出色...!! 小弟剛巧有一隻橫山宏的模型,可以作參考...!!
    [版主回覆11/16/2009 10:09:00]謬讚了,只是小品一件 

    回覆刪除